翻轉東歐 解構鐵幕兵

Z_Ho

翻轉東歐 解構鐵幕兵
24/09/2007



雖然今個星期冇歐聯，但歐聯偵緝隊依然勤力，趁住空檔繼續刮料，第二擊就搵薩克達踢波我－卡斯迪路，去前蘇聯鐵幕地區走番轉，睇睇烏克蘭薩克達有乜把炮可以歐聯分組賽旗開得勝、仲有佢同鄉基輔戴拿模同埋俄羅斯莫斯科中央陸軍又係咩料？  

基輔戴拿模靠老帥施沙保救亡
  


列布夫
首戰作客羅馬以○比二敗走，同屬F組尚有奪標熱門曼聯及士砵亭，基輔戴拿模出線路途經已注定崎嶇，即使日前佢宣布練達欣尼高辭職，改聘老帥施沙保任，但限米煮限飯，施沙保恐怕亦有心無力。

射手養傷鋒力削弱
  

自九九至二○○○年一屆突破首輪分組賽，基輔已經有六屆分組賽提早畢業。練達欣尼高領軍在國內外成績均未見突出，結果日前終於焗住辭職，改由年屆六十七歲，今次是第三度帶領基輔施沙保出山救亡，但球隊實力不足，換帥亦未必能有任何作為。

大軍陣中最具名氣要算昔日曾與舒夫真高齊名列布夫，配合幾名巴西兵如米高及連干等，攻守實力尚可。只可惜今季由法國勒芒來投畿內亞射手班高拿因傷缺陣數星期，呢位二十二歲新星今季國內聯賽已入五球，少呢把前線尖刀，基輔前途危危乎。  

點解烏克蘭總統都迷基輔？
  

雖然我薩克達搵食，都不得不讚讚基輔犀利。無論前蘇聯年代，又或者係烏克蘭獨立之後，佢都係贏得最多冠軍球隊，早年蘇聯踢國際賽，大部分球員都係來自呢隊，基輔大名不嬲都聞名歐洲。仲有，月初基輔搞八十周年慶典，連烏克蘭總統尤先科都有出席，話多謝佢對烏克蘭體壇貢獻，點到你唔服先？

Z_Ho

薩克達老細燒錢漸見收成
24/09/2007



由烏克蘭「阿布」艾哈邁托夫擁有薩克達，財力從來都唔成問題，單係今年夏天，球會就斥資四千萬鎊（約六億二千四百萬港元）收購包括基斯坦奴盧卡利尼同卡斯迪路等多位世界級球員，而且經過首輪賽事二比○輕取些路迪之後，相信再冇人敢睇小呢支烏克蘭勁旅。  
達里祖史拉


五年內三奪聯賽冠軍
  

同些路迪、AC米蘭及賓菲加處身D組，薩克達本來就只能以次名資格出線做目標，球隊雖然先後放走巴西球星艾蘭奴同馬度沙林，但新補入隊員依然能夠提供充足火力。練盧錫斯古亦係球隊爭取出線最大武器之一，曾經先後執國際米蘭、比錫達斯同布加勒斯特戴拿模等球隊佢，擁有豐富歐聯大賽經驗。

五年內三奪烏克蘭聯賽冠軍，薩克達已經話畀大家聽，佢想挑戰歐洲決心。班主艾哈邁托夫之前訂下五年挑戰歐洲大計，亦已經接近收成期，只要球員生生性性，配合埋出年啟用容量五萬人新主場，薩克達呢股新勢力絕對唔能夠睇小。  

點解薩克達又叫礦工隊？
  

查實薩克達Shakhtar個烏克蘭文解釋咪就係礦工囉，我都係呢隊礦工隊隊員之一。根據我調查所得，我老闆艾哈邁托夫除有個礦工老竇之外，佢本身都係靠礦產業務發，仲做埋烏克蘭首富，依家間中都會送埋波飛益幫佢做班礦工添，所以叫做礦工隊一都冇錯。

Z_Ho

莫斯科中央陸軍
冰雪主場威力特強
24/09/2007



處身G組莫斯科中央陸軍，分組首戰就落筆打三更以一比二不敵燕豪芬，由於同組尚有土耳其勁旅費倫巴治同意甲雄師國際米蘭，要打破近兩屆未能殺出分組賽局面絕對要格外努力。  
丹尼爾卡維奴


○五年歐協盟主唔小
  

擁有多達六名巴西兵，再加上其他來自七個國家外援，去配合一班本土球星，中央陸軍實力雖未達歐聯頂級，卻絕非魚腩部隊，配合佢冰天雪地主場，往往能打高一班波，對上兩季佢分組賽均以第三名結束，加上○五年歐協盃冠軍，已經證明佢實力級數。

巴西進攻鐵三角路夫、丹尼爾卡維奴同祖奧將係球隊爭奪出線最大籌碼，加上嚴密防守，近十一場歐洲賽有七場保持清白之軀，更為佢提供放膽進攻本錢。  

點解中央陸軍叫車仔二隊？
  

係，以前人人都嗌莫斯科中央陸軍做車仔二隊，事關佢之前個幕後大老細都係俄羅斯富豪阿布拉莫域。阿布曾經擁有油公司Sibneft往時係中央陸軍主要贊助商，至於點解歐洲足協畀佢一個老細派兩隊波上陣？皆因阿布話自己呢隊波冇股東話事權，即係純搵錢唔會參與意見喎。

熱刺#29戴維斯

你幾時翻轉非洲
解構黑色力量?

Ajacied

原帖由 熱刺#29戴維斯 於 2007-9-24  10:17 PM 發表
你幾時翻轉非洲
解構黑色力量?

非洲冠軍球會杯arm arm打完四強首回合, good timing

FlyingDonkey

翻轉荷蘭
解構橙色力量

奇連士文再生

翻轉日本
解構好色力量

Raul_Gonzalez

原帖由 奇連士文再生 於 2007-9-28  19:25 發表
翻轉日本
解構好色力量

這OT好像不在接受範圍啊奇哥..

stephenlion

原帖由 FlyingDonkey 於 2007-9-27  11:06 AM 發表
翻轉荷蘭
解構橙色力量

解剖橙色力量 型好多