|
|
發表於 2007-11-11 17:13:50
|
顯示全部樓層
上半場小足奧利里奧44分鐘 , 最尾又比佢整個罰球高佬中楣
下半場又小足佢大半場 , 最後又比佢做到impress球迷既罰球
連拿冇野做 , 解圍ok , 托利斯入波係佢助攻
艾比路亞不俗 , D走位出波都有番芬倫既水準 , 防守上差少少 , 要人幫先搞得掂丹普斯(當然丹普斯都係勁)
奧利里奧上面講左 , 成隊利物浦跑得最慢係你就唔好過人啦 , 原本交得好順既波你又慢慢做 , 都唔知點話你好
希比亞打得好左 , 不過都係一場一場計 , 呢場富咸比唔到咩威脅 , 佢只係需要面對一D高空波既突擊搶番第一點再做過個攻勢
歷查其實差左 , 打從對阿仙奴果場波已經見到佢開始應付唔到90分鐘既賽事 , 以致毛手毛腳都多左 , 亦都好彩呢隊係作客既富咸 , 冇咩大威脅比到佢
比拿勇 , 見到佢不安於右路既樣真係好想有一場賓sir放手比佢打中場中 , 不過在於英超黎講佢真係唔可以咁做 , 太單薄當然係主因 , 呢場黎講佢算係咁 , 都比到幾次有威脅既波
懷斯就係有限既支援之下算係咁 , 不過幫波都係唔夠
查蘭奴今場都係表演跳水式剷波同分波居多 , 除左跳水式剷波之外 , 我都係掛住阿朗素多D
謝4今場好似比較少後插(唔係話冇 , 而係少左) , 而開波冇耐果球睇定黎射咁都唔入對於佢黎講真係唔多合格 , 整體黎講佢今場只係不過不失
高洛治正如湯神話齋 , 真係比較少傳中比到佢(比拿勇唔會傳中 , 艾比路亞傳中以地波居多 , 懷斯爆唔到 , 奧利里奧又冇overlap) , 不過佢D交波的確唔多好 , 雖然我明白佢咁高好難做到D咁既野 , 但係既然佢可以hold到個波咁好 , 如果交果下浪費左既話 , 咁佢hold成點都冇意思 , 呢方面或者可以同簡奴學下野
禾朗連一貫勤力啦 , 果兩三下機會可以再做得好少少 , 總括黎講我滿意佢多過古治
巴布 , 入黎之前我已經話佢係跑狗 , 入黎之後我加多兩個字 , 獨食跑狗
托利斯 , 本來以為佢冇乜態 , 但係出黎果十零分鐘都唔錯 , 入果球真係好有腦 , 西班牙人的確同英格蘭人果D硬射唔同 , 識用腦射波
成場波後防其實一D威脅都冇 , 贏波非常正路 , 但係要等托利斯入場先至入到第一球 , 再一次反映到我地把握力 , 創造力都係不足 , 冇錯果幾下小組onetwo係好靚 , 但係人地阿仙奴做到埋門一腳 , 我地又做唔做到呢? 希望可以再改善下呢幾點 , 先至好再講挑戰聯賽冠軍 |
|
IP卡
狗仔卡
發表於 2007-11-11 03:17:34
顯身å¡
