盧頓對利物浦後感

XXL16

有個問題我真係好想知道答案:

盧頓由頭到尾都無換過一個人, 大家可能覺得佢地的球員體能, 可以支持90分鐘, 如果唔變陣就唔駛換人, 但實情會唔會係, 大家都知道就算以香港足球為例, 出場的後備都會有獎金, 即係出場費, 會唔會就係因為球會財政問題, 所以領隊...連後備都唔能夠用? 因為球會, 真係無錢比? 「鄧」在場11位的盧頓球員慘同埋辛苦.

講真英冠波我就真係一個星期睇一場, 但英甲波真係冇乜機會睇, 但係英甲下游的球隊, 雖然係主場, 但竟然踢出呢d波出黎, 真係好難相信, 唔知大家有冇留意, 成場波, 我都唔多見倒響英超經常見倒的「插水」.

如果比較下身價一千萬鎊的古治, 同埋盧頓19號托拔件波衫, 就知道邊個響度踢緊一場盃賽. 托拔件波衫背面, 全部都係泥!

我覺得除左隊長有人買之外, 居里都可以諗諗佢, 一個識key波而又有腦的球員.

希望盧頓響英國時間下午5點前會搵倒賣家啦.

[ 本帖最後由 stephenlion 於 2008-1-9  12:20 AM 編輯 ]

HackerWong

睇際遇了..

但究竟係一場半場的爆bar定係有真正qaulity..
我覺得要睇多一場...

XXL16

原帖由 HackerWong 於 2008-1-7  08:38 PM 發表
睇際遇了..

但究竟係一場半場的爆bar定係有真正qaulity..
我覺得要睇多一場...

下場重賽, 個頭話比我知, 利物浦一定會晉級, 但係睇盧頓琴日晚的表現, 我個心, 真係好想佢地守和120分鐘後射贏12碼, 佢地係值得今場波已經贏, 不過我驚下場, 又會係Chris Perry「賴野」....

XXL16

岩岩醒起, 有一球下半場,左路, 盧頓中場球員(唔記得幾多號), 響中場推波上, 同利物浦撞, 足足跌低左落地3次, 第4次仲有力起番身, 交埋個波比隊友...

呢份鬥志, 真係好難唔令人動容...

都係嗰句, 希望盧頓響英國時間下午5點前, 可以會搵倒賣家啦.

呀泰仔

人地盧頓鬥心好...
同埋打得好地地,走去換人可能會亂左部署...

尹邦美

盧頓都係一隊英格蘭傳統有歷史既球會黎, 8x年果陣睇足總盃不時都見到佢爆冷入8強

XXL16

原帖由 呀泰仔 於 2008-1-8  11:46 AM 發表
人地盧頓鬥心好...
同埋打得好地地,走去換人可能會亂左部署...

咁又係, 不過到85分鐘之後,班球員明顯跌晒watt, 冇力攻...

Keith

英國消息指應該最少有一間買家

雲尼史釗活

原帖由 XXL16 於 2008-1-7  08:08 PM 發表
有個問題我真係好想知道答案:

盧頓由頭到尾都無換過一個人, 大家可能覺得佢地的球員體能, 可以支持90分鐘, 如果唔變陣就唔駛換人, 但實情會唔會係, 大家都知道就算以香港足球為例, 出場的後備都會有獎金, 即係出場 ...

darren currie太慢了
以前joe royle帶ipswich個陣佢好搶鏡

XXL16

原帖由 Keith 於 2008-1-8  10:43 PM 發表
英國消息指應該最少有一間買家

不過睇BBC話佢地的future都係doubt...

XXL16

原帖由 尹邦美 於 2008-1-8  05:35 PM 發表
盧頓都係一隊英格蘭傳統有歷史既球會黎, 8x年果陣睇足總盃不時都見到佢爆冷入8強

唔知大家仲記唔記得香港響90年左右有間叫「金獅影視」? 佢地91年有晒當時全部英國甲組聯賽球會的season review, 當時我就係買左諾域治同埋盧頓餅帶! 當時佢地有門將張佰倫, 右閘馬雲莊臣, 左閘夏菲, 中堅比力克(Trevor Peake)同埋響英冠節目成日出現的卡馬拉, 中場奧基斯, 當時岩岩成名的彭比治, 上年與世長辭的派斯, 左翼北愛爾蘭國腳布力克, 同埋前鋒杜維, 艾斯特立, 不過令我最深刻印象都係隊長杜些亞(John Dreyer), 後來打過巴拉福特, 佢射12碼係冇助跑原地起腳射, 夠晒特別...

如果對以上球員有印象的話, 留個言say hi啦!

尹邦美

原帖由 XXL16 於 2008-1-9  12:28 AM 發表
唔知大家仲記唔記得香港響90年左右有間叫「金獅影視」? 佢地91年有晒當時全部英國甲組聯賽球會的season review, 當時我就係買左諾域治同埋盧頓餅帶! 當時佢地有門將張佰倫, 右閘馬雲莊臣, 左閘夏菲, 中堅比力克(Tr ...

你講果d彭比治, 杜維雖然識但未成名...
我睇果隊盧頓重要前多幾年, 印象最深要數 ~ 黑人前鋒史甸, 細粒速度快, 係盧頓隊既象徵黎; 另外係高大中鋒夏福特(9x年代踢過車仔);     翼鋒禾路殊(盛年係熱刺), 呢3位都算球隊象徵, 曾經入選過1-x次國家隊...

XXL16

原帖由 尹邦美 於 2008-1-9  06:00 PM 發表

你講果d彭比治, 杜維雖然識但未成名...
我睇果隊盧頓重要前多幾年, 印象最深要數 ~ 黑人前鋒史甸, 細粒速度快, 係盧頓隊既象徵黎; 另外係高大中鋒夏福特(9x年代踢過車仔);     翼鋒禾路殊(盛年係熱刺), 呢3位都算球 ...

麥克史甸踢過車路士, 當時車路士件波衫係Coors sponsor, 佢黎過香港, 代表車路士踢80週年紀念賽, 仲有入波, 不過輸1比2. 佢好似係兩兄弟, 另外一個係Brian Stein, 仲有一個黑人幾勁的叫希爾(Ricky Hill), 不過最近響Soccer AM的節目, 見倒佢個女女上境!!! 另外施利踢過, 同埋科士打...

夏福特今季季初仲教緊QPR, 不過而家都比人地炒左, 助手碧加(Tim Breaker)都曾經踢過盧頓

尹邦美

原帖由 XXL16 於 2008-1-9  10:05 PM 發表
麥克史甸踢過車路士, 當時車路士件波衫係Coors sponsor, 佢黎過香港, 代表車路士踢80週年紀念賽, 仲有入波, 不過輸1比2. 佢好似係兩兄弟, 另外一個係Brian Stein, 仲有一個黑人幾勁的叫希爾(Ricky Hill), 不過最近 ...

盧頓史甸兩兄弟, B 史甸先係盧頓名宿之一; 細佬M 史甸就初出道但都唔差(其實兩個無論踢法同身型都好似, 總記得阿叔講足總盃時話一定要留意佢兩個), 踢9x年代既車仔都算係其一sharp既前鋒黎, 兩位現時都重係球壇做教練工作(平時玩開FM 英甲/乙時都重見到佢兩位)

Hill就真係無乜印象啦, 可能史甸同夏福特形象就突出啦(一高一矮前鋒), GK施利都會記得話晒後期都踢過曼聯, 係盧頓係必然正選穩健GK

雲尼史釗活

終於有糧出了!!

雲尼史釗活

david edwards -> wolves (675k)
chris coyle -> colchester (350k)

XXL16

原帖由 雲尼史釗活 於 2008-1-10  08:53 PM 發表
終於有糧出了!!

教練團全部走晒, 今次利物浦真係行運.....

XXL16

原帖由 尹邦美 於 2008-1-10  01:05 PM 發表

盧頓史甸兩兄弟, B 史甸先係盧頓名宿之一; 細佬M 史甸就初出道但都唔差(其實兩個無論踢法同身型都好似, 總記得阿叔講足總盃時話一定要留意佢兩個), 踢9x年代既車仔都算係其一sharp既前鋒黎, 兩位現時都重係球壇做教 ...

Brian Stein曾經係盧頓教練團之一, 而家就唔知道響唔響度, Mark Stein而家響英乙球會班列做緊軍醫...

XXL16

盧頓以1比3輸比史雲斯, 繼續留守響英甲尾三的位置, 前車路士老將費朗(Paul Furlong)入波

XXL16

夏福特任盧頓領隊