球衣版的存在價值！

samuelay

原帖由 louis902 於 2008-1-16  12:22 AM 發表

我在球衣版登記接近7年..........我只知當時由一班志同道合之士分享和討論心得
當朝之版大是[巴夫昇].....討論項目我想主要以分享為主!!!!
而那時並未太流行collect player....
我還記得當年chris webber 這位造福 ...

其實呢個係一個循環...
想當初大家咪又係開trip...
只不過樹大當然有枯枝...
而大家都知新手入到黎...
點同到你講咩技術貼...
佢地當然係想買衫架啦
所以我話每個人有唔同ge需要...
我只可以話你地呢d join左好耐ge member由majority變成minority...
所以無trip...就好難搵到一d特別ge衫
又點有自己獨特ge collection 同大家分享再進而討論技術貼呢？

timo

對!某D真係好討厭,咋咋帝帝有人想搵衫實第一時間出現話有計 ,
唔知大家有冇收過類似pm,
"我有辦法搵到件XXX code7平喎,我係拍賣場賣$XXX架
你係咪想要呀,CM會員價$XXX比你啦,OK?"

ivan

原帖由 70869413 於 2008-1-16  12:15 AM 發表
我諗唔搞 subside 團
都係hkcm唔想咩鑊啫
私底下搞trip
搞手同會員有咩錢銀瓜葛同hkcm無關
咪得囉
同唔俾商業活動及宣傳活動
我估hkcm都係唔想俾人攞黎做免費廣告
如果廣告收錢又唔得中立
仲可能會有波衫鋪響度開片
...

這個正是暫停攪團的其中一個原因.
暫時未收到報團者投訢收左錢放飛機
但的確收過不少訂左衫而放飛機的人.
他們投訢, 我們幫不了他們.
還有, 在未暫停開團時, 往往見到8-10個置頂團.
這並不是HKCM想看到的.

HKCM到現在為止也是一個免費的平台,
要給各單方係到宣傳同攪任何商業活動亦是不可能的.
真的要賣廣告, 為何不直接聯絡ADMIN呢??
HKCM不是一個免費廣告平台

ivan

原帖由 louis902 於 2008-1-16  12:22 AM 發表

我在球衣版登記接近6年..........我只知當時由一班志同道合之士分享和討論心得
當朝之版大是[巴夫昇].....討論項目我想主要以分享為主!!!!
而那時並未太流行collect player....
我還記得當年chris webber 這位造福萬民之攪手,真真正正在幫亳毛利益兼蝕匯价下幫我地訂衫........
个時大家不知幾融洽.......chris好人到連訂金都唔收.

後來巴夫昇離開,由chris接任....hkcm亦普及化
普及化亦產生多問題...訂衫放飞机
無聊topic不斷.....是非爭拗不斷
害羣之馬亦出現,佢地登記目的sell shirt....甚少share....一見人問有冇得揾
个D人例牌出現.....
一係就有D人寸寸貢....一見到唔順眼member...就例追住寸(雖然到處forum都有)
話雖兩頭.......我亦明白人多問題多...但從好處看share衫者質數亦提升
player collector 亦不斷加入,令大家亦開始追求更美更高之collection.

隨著朝流,波衫店普及....多左人玩衫....new member 不斷加入
subside 或其他團亦不斷....
久而久之.......球衣版開始变質
D topic質數变差.....share 同 request 開團比例变成一样
一个二个叫開團.........開始令人欣賞和討論变少
問題日益加深.......D 人post 衫冇人理......技術帖亦少兼冇人傾
反而開團同边度平衫賣就鬼死咁多人回.........

講真,我覺得球衣版close左都冇所謂....還掂都变左質
close 左佢,開个球衣訂衫版好個啦!!!!

這是另一個重點, HKCM開球衣版, 並不是給大家賣衫買衫,
而是希望大家可以就一些球衣討論或分享.
現在已經變了質.

再者, 買賣區亦有TOPIC給大家搵衫, 放衫.
點解仲要係個簽名到整張LIST出黎, 又或者係一個分享及討論的地方搵衫放衫呢.

ivan

原帖由 大佬 於 2008-1-15  06:50 PM 發表
實在唔明點解唔俾攪subside or其他訂衫團....
攪手同subside又唔係有親....
主要都係幫大家買到心頭好又share shipping o者
如果係怕攪手濫收費搵我地老襯....
咪叫佢一定要拎張單出黎以示公正囉
我真係覺得攪團同hk ...

如果因攪團發生的任何金錢問題, 受害者應向那一方追討??
如果有任何公司於HKCM放廣告, 我們也有考慮的權利. 這個是一個免費的平台, 但說到底, FORUM也要付出的. 現在只是有支沒有收. 就算有廣告亦不奇, 但到目前為止, 我們沒有收過任何波衫鋪的一分錢.
至於最後的一段, 如果大部分使用者跟開版者的理念有大部分出入時, 開FORUM者的確有權去考慮增加或減少版面.
最後, 閣下的簽名也是放衫的..
根本沒有遵守版規.

victor0315

我加入o左呢度大約2年多到啦，
試過俾人"問候"過，又試過俾版友用DIY 衫呃過，
放衫post 不斷(post 足大半年都夠膽)，
不斷有人問有冇人開團(but 自己又唔開).....etc
自己都唔開始做o左CD-Rom.....

不過，
我o向度學到好多o野，
好似點樣訂o野，各版本player o既分別，最重要係見識多o左好多.....
見到好多珍貴波衫，平時想睇都睇唔到.....

自己由一個無知o既波衫愛好者，
變成可以自己去訂o野，
自己去同人trade o既發燒友.....

當然，仲識到好多志同道合o既版友，
好似Louis, Thomas.....etc......

球衣版始終有佢存在o既價值，
問題係用d 咩rule，
大家會唔會自律去遵守only.....

[ 本帖最後由 victor0315 於 2008-1-16  01:57 AM 編輯 ]

大佬

原帖由 ivan 於 2008-1-16  01:08 AM 發表

如果因攪團發生的任何金錢問題, 受害者應向那一方追討??
如果有任何公司於HKCM放廣告, 我們也有考慮的權利. 這個是一個免費的平台, 但說到底, FORUM也要付出的. 現在只是有支沒有收. 就算有廣告亦不奇, 但到目前為 ...

首先唔好意思先....因為好多forum都有sponsorship...我以為呢度都有...原來呢度有出冇入....
岩岩立下眼都搵唔到廣告....

其實我都慢慢冇點儲波衫...近年都冇點join過trip...
我都知攪團錢銀上麻煩d...
但我覺得只要攪有信譽既攪手(e.g. thomas,,nicky)
d訂比足d...(8,9成...什至10成)
咁應該問題不大
不過小弟未攪過....可能未太清楚其他問題...

至於版規...真係sorry...真係冇乜留意...
而家我黎呢度都係睇下人地d靚衫
我冇理我簽名果句for sell xxxxxx 好耐....
係最近有個post 叫我地個簽名唔好太長我先知原來唔俾賣野
而且我果條link亦都死左好耐...

ivan

原帖由 大佬 於 2008-1-16  01:27 AM 發表


首先唔好意思先....因為好多forum都有sponsorship...我以為呢度都有...原來呢度有出冇入....
岩岩立下眼都搵唔到廣告....

其實我都慢慢冇點儲波衫...近年都冇點join過trip...
我都知攪團錢銀上麻煩d...
但我覺得 ...

好多野都基於相方信任問題.
亦有人會覺得是基於信任FORUM的版友而肯先付出.
為免有任何金錢問題影響到HKCM, 所以暫停開團.
要知道, 這些團也是他們個人名義開, 當有什麼事發生時,
根本對任何一方也沒有保障.

另看到有部分反映收到其他版友PM騷擾, 我想提醒各版友要善用PM.
如有任何版友不斷受到騷擾, 請保留PM, 再向ADMIN或行政版主反映.

louis902

原帖由 samuelay 於 2008-1-16  12:30 AM 發表


其實呢個係一個循環...
想當初大家咪又係開trip...
只不過樹大當然有枯枝...
而大家都知新手入到黎...
點同到你講咩技術貼...
佢地當然係想買衫架啦
所以我話每個人有唔同ge需要...
我只可以話你地呢d join左好耐g ...

其实我想補充多一D野,同咪一D感想~
老實講我在尼度幾年,球衣版真係陪我成長,由預科--大学---做野,尼到成為我每天必到之地!!
我自問算係一个有年資会員.....但我對尼到已經由喜愛變成可有可冇架感覺.....
我睇住尼度好多舊member一个一个咁变cd-rom
一个一个離開,一个一个由經常reply变成唔re.......
好老實講就只因這裹变質............
有時我都冇セ心机去reply同睇D無聊topic.....因為D topic實在太無聊
Model topic"边度平","有冇特价貨","開團要求","special offer",....etc
我明白人人有唔同需要....揾新衫平衫是人之常情...唔揾衫又點進步,又點鑽研出技術帖
但越黎越多尼D人一登記就開post join trip,問平野點揾(剛好樓上已經有个)
我唔係想歧視佢地,但有D人真係問完就算,永無contribution....join完就算!!
又唔share,又唔Re多Dpost....每次一鋪頭就例join trip,問平野.
我明白人地點回點做,我唔應該理.....但可否比D數質呢???????????等同於有借有還道理....點解要有著數先出post,冇著數就失踪????
可唔可以得閒做多D share 或者reply多D人地架sharing post ????唔好只討論边度有平衫賣,好冇????学下share,学下apperciation都得嗎??
我明白人是自私的,現實的.記然都攞到自己想要的東西,失踪又何干?

曾經有人話過subside團係尼到特點....冇subside咁黎做乜??
我真係有D反感.....尼到叫球衣討論區,唔係球衣訂衫區/買賣區!!!!!
你黎玩,可唔可以比D貢獻呀???投入多D,參與多D得嗎???

近排經常同Leo,sam吹水...話對尼到點灰點灰....
share冇人理,D topic又無聊....
post shirt 都懶得post....fans 冇人理,player又點呀???回來回去都係个3-4條友....
攪到好似自己友吹水天地..........
做share都冇mood la!!!学leo咁講,索性ng share 好過,橫掂都冇人回...
冇人回又點討論呢???冇討論又點發展D技術帖出來?
反正買件衫回來都係儲同著......冇人欣賞share 托麼??橫掂都唔係用黎哂命!!
我尼排都開始認同,有新衫都冇乜興趣post...一來屋企repair緊,二來post出黎D反應仲衰過post係貼圖區....
个边問團問平野,就大Q把人回,尼边做sharing....影都冇......个个睇完咪走lor...連great shirt...pretty shirt 寫隻龜都懶...
試問sharing者都無"隱"......post來托麼???
反之,我較欣賞penalty...起碼post jor都有隻龜睇下.........fans又好player都好....
回帖是對發帖者之尊重......
以前都唔care....但我宜家明點解.......D BT友好鍾意人回帖之原因.就係唔想失走動力........
个个睇完就閃....真係冇乜隱.....回黎回去都好似小組討論咁......
不如msn自己吹好過...尼排收左幾件衫....只係share左一件咁大把!!真係冇隱到爆.......
个边問團問平野,就大Q把人回,尼边做sharing....影都冇!!

至於技術帖問題........今晚先再打過.......宜家返工先!!!

畢爾包

member人多類型各有不同，可以有只玩match-worn，可以有玩白版，可以有玩個別聯賽，可以玩無代理返ge衫，點解解玩trip唔得？如果開trip係因為人地攪個團係玩白版而唔係普通fans衫，又有無咁多member有意見？容我坦白，根本就有人覺得返fans衫cheap，心入面覺得只有買matchworn、討論特別sponser版之係玩波衫之正途及高尚。如果有人係咁ge心態，不如分個子版出黎，等呢班自認"正途、高尚"之輩自玩其版，d "cheap" 人就玩波衫貧民區呢個子版，各不相干。
開trip本身，主要係有member自告奮勇之舉，毫無私利，為左係網上搵d香港無ge衫，or分postage。呢種行為有錯咩？日常生活你都會為省幾蚊睇多幾間鋪，反而幾百什至過萬入件衫就有問題？
仲有，一方面停止公開開trip：但又同時將波衫鋪地址置頂，咁有無問題先？而且呢度有member什至管理當局同呢d鋪個老細非常相熟。我絕對有合理懷疑今次決定有利益衝突之可能。

ichirou

原帖由 louis902 於 2008-1-16  07:18 AM 發表

其实我想補充多一D野,同咪一D感想~
老實講我在尼度幾年,球衣版真係陪我成長,由預科--大学---做野,尼到成為我每天必到之地!!
我自問算係一个有年資会員.....但我對尼到已經由喜愛變成可有可冇架感覺.....
我睇住尼度 ...

我真係咁覺得架喎...post左出黎冇人理...一係就問d字o係邊度搵...超冇引...

kin

咁大家可以點，回唔回都無計，個個話好正好靚幾個字當洗板咩，有人睇就得啦，如果照你地咁講，大家地使唔使每個post都回先得？
大家收藏波衫為咩，滿足自己定要人地注意先？

samuelay

原帖由 kin 於 2008-1-16  10:43 AM 發表
咁大家可以點，回唔回都無計，個個話好正好靚幾個字當洗板咩，有人睇就得啦，如果照你地咁講，大家地使唔使每個post都回先得？
大家收藏波衫為咩，滿足自己定要人地注意先？ ...

100% agree

Chris_Webber

估唔到一個有感而發的topic竟然會引起咁大迴響，實在令我始料所不及。首先我強調一點，「要球衣版消失是一件很容易的事﹞這句說話並沒有威脅性存在，我只係想表明，對HKCM Forum來說，要解決球衣版問題可以很簡單，只需技術人員接一下制就可以解決，但有這必要嗎？再者管理團隊已經表明，球衣版之前所引起的問題實在太多，需要時間去研究及處理，而上面的一句說話只是有感而發，如果令各位版友覺得不安及有威嚇成分，本人再此向各位致歉。
看到那麼多版友的意見，但來來去去只是糾纏於應否開團，大家似乎唔明白球衣版現時的問題，就好似好多人順理成章指出球衣版開團訂衫是天經地義的事情，我對此就不敢苟同。從前未有subside團的時候，大家進來經常會討論一些球隊的衣服，我最記得曾經因為「熱刺龍門衫」事件而與某些版友拗得面紅耳熱，但從中是增進了不少知識。
我無意批評有些版友喜歡買平衫，我自己都曾經係學生，心知以學生的能力要購買一件正價球衣連印字是非常吃力，我着眼點係為何於這些topic中總有一些人會走出來劈頭第一句就說「我有辦法，幾錢幾錢，pm 我啦」，人家表明不得進行商業活動，你還要明目張膽sell嘢，會否有點不尊重HKCM Forum呢？
既然那些人一進入球衣被就係希望進行買賣活動，為什麼他們不向HKCM Forum申請開一個版叫球衣買賣版，而要不斷破壞球衣版的規則呢，我對這些人的做法是絕對不認同。

Chris_Webber

原帖由 畢爾包 於 2008-1-16  10:14 AM 發表
仲有，一方面停止公開開trip：但又同時將波衫鋪地址置頂，咁有無問題先？而且呢度有member什至管理當局同呢d鋪個老細非常相熟。我絕對有合理懷疑今次決定有利益衝突之可能。

本來一個方便之做法，估唔到會被視為有利益衝突，真係......唉！

vanhooijdonk

原帖由 louis902 於 2008-1-16  07:18 AM 發表

其实我想補充多一D野,同咪一D感想~
老實講我在尼度幾年,球衣版真係陪我成長,由預科--大学---做野,尼到成為我每天必到之地!!
我自問算係一个有年資会員.....但我對尼到已經由喜愛變成可有可冇架感覺.....
我睇住尼度 ...

我都對呢班人極之反感...但又唔能夠阻止佢哋~我能做到的就係知都唔答~
好以件衫有問題...連件衫係乜都唔講,咁答都係嘥氣~
介紹平衫係呢度既一部份,但唔係去到兩,三版都仲問緊幾錢?邊度?跟本都冇睇過成個post講乜~幾個member成日問埋同一問題...
問d垃圾問題又要開一個topic..d 真正好既topic就沉哂低~
以前都好d..有版主幫手移走d垃圾topic....宜家!?真係百花齊放囉~
攪團??我一向都覺得冇問題...基本上攪開個幾個都好自律,但版規話唔得我哋只好遵守...圍內自己攪啦~
人多就會雜...希望大家守規則亦希望上級們能好好執法~

[ 本帖最後由 vanhooijdonk 於 2008-1-16  12:06 PM 編輯 ]

ThShevchenko

小弟都想發表一吓意見，喺呢個版都有5年，做過GO攪手，做過版主，識到好多朋友，但係好老實咁講，我都覺得呢個版已經變咗質，有時同啲friend講開，都開始覺得呢個版好悶，想問吓大家有冇諗過攪到今日咁，大家自己有冇責任呢？

Admin set 咗啲版規出嚟，大家有冇真係去遵守呢？

仲有，我記得當年我仲係版主嘅時候，曾經只為close kaiser_k個賣衫post，而引發軒然大波，有啲member真頭顛咗咁鬧我，但係佢哋有冇諗過背後原因？點解要close？當時我close topic前係有同kaiser_k傾過，大家同意下close嘅，但係嗰啲member乜X都唔知，只係覺得自己冇咁方便就猛咁發顛，我仲記得當時鬧得我最勁嘅有2個人，其中一個仲話「你估淨係hkcm先有GO咩？你唔俾攪出面大把forum攪」，我當時心諗咁你咪去join「出面大把forum」嘅GO囉，點解仲要嚟？當時仲有人話「我都係因為有團購先嚟hkcm」，我當時心諗如果一個member只係因為join GO而嚟hkcm，咁佢唔嚟我都唔覺得可惜，亦唔歡迎佢。只不過當時礙於身份，唔可以出post咁講。

在我以GO攪手角度嚟講，唔俾公開開團，只係攪手唔方便，member角度根本差唔多冇分別，只係出post同send pm嘅分別，攪手都唔出聲，其他member出乜Q聲？

此外，大家有冇真係遵守版規呢？好似「簽名檔事件」，直到admin出嚟解釋，都仲有member唔滿意，大家有冇諗過喺呢度玩就要遵守呢度嘅版規呢？

仲有，唔該大家都反醒吓自己出啲posts，有幾多係sharing？有幾多係requesting？

其實球衣版攪到今日咁，大家都有責任，希望大家可以反醒吓.....

By 前版主 ThShevchenko

[ 本帖最後由 ThShevchenko 於 2008-1-16  12:18 PM 編輯 ]

kin

歡迎版主澄清一切疑團
因為你的重要性說話有份量，加上題目同內容敏感，所以我真系諗你暗示會有所行動，而家講清楚就好啦

我對開團買衫無意見，因為系發起人負擔很大風險，所以組織者自己決定
將波衫鋪地址置頂系正常做發，並無問題

對於論壇本質有無變我就認為變化是正常的，球衣本身是商品，要得到就要買同交易，自然成為值得討論的一部份。
有人走亦都一樣，有人因為有錢或者癮大不斷買衫，有人心灰意冷或人大左識諗放棄收藏，亦有可能系有人被打壓欺騙而離開； 呢的問題是自己事，要走要留自己決定。

louis902

原帖由 kin 於 2008-1-16  10:43 AM 發表
咁大家可以點，回唔回都無計，個個話好正好靚幾個字當洗板咩，有人睇就得啦，如果照你地咁講，大家地使唔使每個post都回先得？
大家收藏波衫為咩，滿足自己定要人地注意先？ ...

我認同你話"唔回都冇計"
但我唔認同好靚好正幾個字當洗板......做得share都係比人睇比人討論
个个睇完就走左去....咁樣不如把尼到改成為球衣貼圖區吧!!!!
回post不是必然,但回一回都係對發帖者之尊重,咁回得最好唔好就禁icon 啦!!!
畫隻龜當你睇左都好....
同樣地放bt seed个D人都係做sharing....咁點解你dl人D戲識回帖,睇衫就唔回呢????
唔通share衫就=哂衫嗎????
有時我真係覺得回覆就是我share之動力,post出黎都有人知下...宜家真係冇引影D大合照loo.......
連收左衫,都冇幫佢地影張靚相
還有,問題在乎尼到有班人討論親都係問幾時開團,边到平....等!!!成Q日問,點解唔出去search search或自己出黎帶隊訂衫?
最衰个D就係个D老鳳叫人開團,唔該都冇!!!
更威嚇冇團唔黎............唉....尼D人早左早着!!

JOHNATHAN

原帖由 Chris_Webber 於 2008-1-16  11:49 AM 發表
估唔到一個有感而發的topic竟然會引起咁大迴響，實在令我始料所不及。首先我強調一點，「要球衣版消失是一件很容易的事﹞這句說話並沒有威脅性存在，我只係想表明，對HKCM Forum來說，要解決球衣版問題可以很簡單，只需技術人員接 ...

版主,或你可否CONSIDER能下這版要一拆三?分為"波衫貼圖區,"買賣+訂衫區(OR 加強現時買賣/尋衫區,容許有限度商業活動在內"及"正宗波衫討論區",確實現在各版友的取向分野很大,取得共識根本是不可能的事