只會踢80分鐘好波的parma

Roberto Mussi

以下為本季parma 意甲80分鐘後的賽果比較:
Wk1: Parma (54% Pisanu 28; Rossi 41) 2:2 Cantania (Morimoto 12; Baiocco 43)
Wk2: Atalanta (Zampagan 21; Carrozzieri 66) 2:0 Parma 62.4%
Wk3: Parma (56% Corradi 72) 1:1 Cagliari (Matri 40)
Wk4: Milan (63.6% Seedorf 44) 1:1 Parma (Pisanu 73)
Wk5: Parma (44% Reginaldo 61; Corradi 63) 2:0 Torino
頭5週還可以, 雖然4場不勝, 但對cagliari 同ac都係後上追和, 鬥志可嘉!

Wk6: Udinese (Quagliarella 79; Zapata 90) 2:1 Parma (Corradi 72)
魔咒開端, 80分鐘之後唔見左1分….

Wk7: Parma 0:3 Roma (Totti 2, 82; Mancini 21)
Wk8: Sampdoria (Montella 26; Bellucci 47, 58) 3:0 Parma
食晒屎…..

Wk9: Parma (Morrone 10; Paci 54; Morfeo 74) 3:2 Livorno (Tavano 23, 50)
今季代表作

Wk10: Palermo (Amauri 86) 1:1 Parma (Morrone 2)
代表作果然只得一場….又唔見2分, 合計3分
Wk11: Parma (Corradi 24; Matteini 80) 2:2 Siena (De Ceglie 34; Galloppa 90)
臨天光瀨尿….又唔見2分, 合計5分
Wk12: Parma (Gasbarroni 43; Pisanu 57) 2:2 Juventus (Legrottaglie 75; Iaquinta 82)
頹勢未止, 跌多2分, 合計7分
Wk13: Lazio (Firmani 89) 1:0 Parma
唔爭在豪多1分, 合計 8分

Wk14: Parma (Paci 21) 1:0 Empoli
Wk15: Napoli (Zalayeta 18) 1:0 Parma
Wk16: Parma (Corradi 26; Pisanu 49; Paci 66) 3:0 Reggina
Wk17: Genoa (Borriello 43) 1:0 Parma
Wk18: Parma (Coly 69) 1: 2 Fiorentina (Mutu 44; 85)
快半季了….還是老樣子, 再跌1分, 合計9分
Wk19 Inter (Cambiasso 30; Ibrahimovic 88, 90) 3:2 Parma (Cigarini 40; Gasbarroni 69)
哼…連球証都唔幫我, 又無多3分, 合計 12分

登登登….parma 今季踢左19週, 暫得18分, 排15位, 距離降班區只有1分之差。 如果只計算頭80分鐘賽事成績, 共得30分, 排第6, 直指歐聯/歐協席位。 (當然, 如果有得踢歐聯會搞到好似今季lazio, 就不題也罷!)

p.s. 如果小弟計錯數, 請指證。

[ 本帖最後由 Roberto Mussi 於 2008-1-23  02:19 AM 編輯 ]

Roberto Mussi

究竟問題出係邊度?

之前沙基兄於另文提出了數個論點:
1.是球員體力的問題嗎??
整隊只有bucci, couto 及 corradi 屬於老將, 其餘皆是當打之年或年輕小將。理應不成問題。
最大可能性是體力分配問題, 以致80分鐘後跌watt。 這跟a) 平時日常體能訓練, b) 領隊戰術部署(過度緊逼性踢法) c) 後備換人時機有關。
解決辦法: a)換體能教練; b)&c) 換領隊

2.是球員們心態問題嗎??
非常認同, 否則不會踢了半季, 問題仍未解決。班球員一去到80分鐘就唔知點踢。
解決辦法: 加入感染力強的球員, 看來lucarelli 跟 corradi 分別不大。還是要多給一點時間予lucarelli?

3.是集中力還是什麼呢??
個人一直對 couto的集中力有懷疑。bucci 老了, 比賽末段集中力也下降了很多。 2人都不是領導防線的理想人選。Coly的防守力只是用來搞笑, m.rossi 亦太年輕。剩下來的castellini 及 d.zenoni 亦只算意甲average防守實力, 之前在其他隊效力時亦只是配角。
解決辦法: 如果 roma用不著 Ferrari, 可以還給parma嗎?

Roberto Mussi

個人的其他看法:
4.控球能力
7場反勝為和/敗, 和變輸, 對手的控球比例為 63%, 63.7%, 54.6%, 63.5%, 59%, 52%, 65%。數字不會騙人的。
中場幾位主力 morrone, parravicini, 都是粗支大葉。 cigarini, dessena 有潛質, 但無經驗, 隊中亦缺乏學習對象。
Pisanu, gasbarroni, reginaldo 幾位側擊球員都係拎左波就dup低頭自己舞, 去得幾多就得幾多。成條中場線無人有能力控制球隊節奏。
前線單箭頭 corradi 有身形優勢及保護皮球能力, 偶而亦可以搏得對手犯規。他的角色明顯是在前線先保護皮球, 再等候隊友後上支援。Corradi已經演繹得很出色, 耐何隊友唔爭氣, 很快又將皮球交還予對手。

5.把握能力
總計上述7場波, parma射98中26 (命中率26 %, 入球率9%)。對手合共射117中40 (命中率34%, 入球率11%)。
Parma某些球員在有機會擴大領先優勢時都顯得漫不經心, 浪費入球機會。如果大家有睇前晚inter場波, 應該會對reginaldo 3打2 突擊失敗後被di carlo憤而調離場的場面有印象。

Roberto Mussi

下半季展望
加入了lucarelli, 應該會改打4-4-2 吧。 Lucarelli回流意甲是要爭取出場機會以確保國家隊的位置。Corradi 是隊長, 亦無理由要退回後備。2人合作有否火花是令人祈待。

前線有了2個橋頭堡, 可以多利用兩翼 (pisanu, gasbarroni, reginaldo) 爆邊傳中。整體踢法應該會更進取, 不用再依賴突擊或死球戰術取分。中場中2位球員 (morrone, cigarini, dessena, parravicini) 可多專心防務。

中前場踢法有了改善空間, 後備兵員亦算充足 (budan已被遺忘?)。 問題還是後防該如何重整。有機會di carlo應該同keegan, ramos 一齊開番個後防研討會。

歐石南

仲留到響意甲根本係一大奇蹟

TAMTOM

Zenoni 都可以叫average? 我覺得叫shit 就差唔多
仲要埋 Ferrari 既話..........
後防季初簽埋一大堆無用既人

Dessena係寶 ,無理由唔打正選 ,反而Cigarini 我個人而言唔太好
其實而家D 中場中邊幾件點配搭都好 ,打雙MC 我都唔太看好 ,Lucarelli Corradi未必一定要一齊首發架姐

[ 本帖最後由 TAMTOM 於 2008-1-23  02:31 AM 編輯 ]

ivan

今天的柏爾馬的確已不是10年的一支, 聯賽亦起了很大的變化, 記得10年多前, 意大利幾乎18支球隊也是4-4-2, 除了一隊費倫天拿是打4-3-1-2. 但到了今天, 20支球隊已百花齊放, 各有不同的陣式, 一向鍾愛4-4-2的我, 亦覺得這個並不是柏爾馬的最佳陣式, 所以對於盧卡同哥拉迪同時上陣, 有所保留.

還記得去年水深火熱的柏爾馬如何能逃出生天嗎?? 正正是陣式上的變化. 柏爾馬去年下半季, 正選的時候, 會排出一個4-3-3的陣式, 以保丹為最前線, 配合兩個輔鋒, 羅斯仔同梅斯連莫域. 到了下半場不久, 便會換入加斯巴朗尼及摩菲奧, 改打4-5-1. 一場波起用兩種不同的踢法, 令對手難於適應, 這是一個關鍵. 但反觀今年的柏爾馬, 並沒有太大的變化呢.

至於中場中路的3人. 個人始終熟意迪辛拿, 柏拉域仙斯及卡連尼尼3人. 前者是一個全能中場, 是意大利的一個新希望, 第二位是一個很實用的掃蕩中場, 而後者則是中場的創造者. 這樣的配搭, 竟大膽又實用, 但除了雲尼亞利外, 並沒有人敢這樣的嘗試呢. 防守時有2個掃蕩, 進攻時亦有兩人可以派牌, 正正是柏爾馬所需要的. 說起雲尼亞利, 他的確是陣式上的一個革命家呢. 當年17隊打4-4-2, 唯一一隊打4-3-1-2的費倫天拿, 當時的領隊正是雲尼亞利呢.

至於後防的問題, 不是太老, 便是太新呢. 正如我之前提過, 現在除了布基, 還是布基. 作為他的支持者, 當然希望看到他的上場. 但不竟他已39歲了. 就算有更好的技術, 90分鐘的集中力是一個很大的問題吧. 還記得10年前的古圖勇士嗎??? 他是一個釘人中堅, 以硬朗的踢法, 腳腳清呢. 阿布隆尼才是包波的一人. 哥斯達古達這麼優秀的球員, 也要用2-3年的時間適應, 他那昤還是當打的呢. 但古圖, 要他改善卻是35歲打後的事, 試問又談何容易. 強如世界級的馬甸尼也不能完美地出任這個位置, 還是會輸掉盲點呢. 另外費干尼的年時也不輕呢. 柏斯是中路的第一選擇呢. 但他的拍擋將有很大的影響. 不要忘記, 老隊長卡當尼更於一月時被外借走了. 右閘位亦是一個很大的問題, 不論是高利還是辛洛尼也不是一個合適的材料呢. 看著右閘的位置, 的確令人感到悲哀. 由最高峰的比拿利和, 梅斯(發文者呢~哈哈)之後,由薜馬利亞開始, 真的一個比一個差.

最後是隊長的問題, 始終覺得哥拉迪不應拿上隊長的臂章呢, 他始終是一名借將, 明天留在球隊仍是一個未知之數呢. 至於布基, 也不是一個適合者, 一來是年紀的問題, 而另一個問題是雖然布基是一位很好的門將, 但始終並不是隊長的材料, 正是當年曼聯的艾雲一樣.

ivan

原帖由 TAMTOM 於 2008-1-23  02:30 AM 發表
Zenoni 都可以叫average? 我覺得叫shit 就差唔多
仲要埋 Ferrari 既話..........
後防季初簽埋一大堆無用既人

Dessena係寶 ,無理由唔打正選 ,反而Cigarini 我個人而言唔太好
其實而家D ...

斯卡仔, 我覺得係正野, 為著柏爾馬的著想, 應該早放佢地兩個同時上陣.

ivan

原帖由 歐石南 於 2008-1-23  02:20 AM 發表
仲留到響意甲根本係一大奇蹟

留在意甲有什麼問題呢???
我並不覺得是一個奇蹟, 而是年青小伙子的努力, 老將們的堅守.
其實以人腳黎講, 柏爾馬在陣的意大利人, 不是意大利未來的重要棋子, 便是意大利過去的臣子.
我們欠缺的, 只是一班當打的

再者, 柏爾馬在近幾年上, 也為意甲提供了不是新星呢.
先是迪華奧, 阿祖安奴, 再到基拿甸奴, 費爾, 馬基安尼, 比斯安奴, 森比斯奧, 邦利拿等等.

講野無point的人

解決辦法: 如果 roma用不著 Ferrari, 可以還給parma嗎?

唔可以,佢係我地既後備中堅來的,加上祖安要傷一個月

Hin13

雖說我不是parma fans
不過都有略略睇過隊波
之前不提
上一場對無敵國米
reginaldo真係唔知做咩
打counter attack o個球,明明有人o係最左邊插上去
條友都唔知係咪盲俠上身
一路推一路推,
波又唔交,結果比人攞埋o個波
我都唔明點解仲要出佢
不如中場擺多個dessena打451好過la

Hin13

原帖由 ivan 於 2008-1-23  04:35 AM 發表

留在意甲有什麼問題呢???
我並不覺得是一個奇蹟, 而是年青小伙子的努力, 老將們的堅守.
其實以人腳黎講, 柏爾馬在陣的意大利人, 不是意大利未來的重要棋子, 便是意大利過去的臣子.
我們欠缺的, 只是一班當打的:ico ...

如果中堅組合係一老一嫩
會唔會好d?
例如paci+couto

Hin13

原帖由 TAMTOM 於 2008-1-23  02:30 AM 發表
Zenoni 都可以叫average? 我覺得叫shit 就差唔多
仲要埋 Ferrari 既話..........
後防季初簽埋一大堆無用既人

Dessena係寶 ,無理由唔打正選 ,反而Cigarini 我個人而言唔太好
其實而家D ...

Zenoni打番中場會唔會好d?
我記得以前佢2兄弟打中場是ok的

ivan

原帖由 Hin13 於 2008-1-24  10:10 AM 發表

如果中堅組合係一老一嫩
會唔會好d?
例如paci+couto

其實費干尼會比古圖好一點呢, 個人覺得.

TAMTOM

原帖由 ivan 於 2008-1-24  05:28 PM 發表

其實費干尼會比古圖好一點呢, 個人覺得.

好D ,但都係走緊下坡 ,買中堅係一定要

Roberto Mussi

主場對 阿特蘭大 真的改打4-4-2, 比數是2:3。單睇比數好似力戰而敗, 實情是完敗。雙中鋒完全得唔到支援。lucarelli 單人offside數字是5....

中場中得番2條友, 結果出現毫無系統的撲波, 阿特蘭大可以搓住黎踢, 非常輕鬆。2隊表現完全不是同一層次, 簡單d講就係唔夠班。

後防表現今季一貫水準。bucci 竟然救唔到第3球。想唔認老都唔得, 既然佢ge經驗對穩定後防沒有幫助, 應該要試下Pavarini。反正都無得再差。

我已經對di carlo完全心死。雖然轉會窗期已關, 不過領隊不在此限。就睇下肥仔主席ge忍耐能力如何。5場不勝, 下星期作客對榜尾卡利亞里, 應該會是最後機會嗎?

ivan

原帖由 Roberto Mussi 於 2008-2-4  05:45 PM 發表
主場對 阿特蘭大 真的改打4-4-2, 比數是2:3。單睇比數好似力戰而敗, 實情是完敗。雙中鋒完全得唔到支援。lucarelli 單人offside數字是5....

中場中得番2條友, 結果出現毫無系統的撲波, 阿特蘭大可以搓住黎踢, 非常 ...

球波都唔可以全怪布基.
個人而言, 布基的表現可以接受的.

問題在於4-4-2吧.

Hin13

原帖由 ivan 於 2008-2-5  02:26 AM 發表

球波都唔可以全怪布基.
個人而言, 布基的表現可以接受的.

問題在於4-4-2吧.

點解唔出dessena既?
我想出佢+施加連尼打中場中
前面一個盧卡咪夠lor
打451吧

ivan

原帖由 Hin13 於 2008-2-5  07:47 PM 發表

點解唔出dessena既?
我想出佢+施加連尼打中場中
前面一個盧卡咪夠lor
打451吧

4-5-1或者4-3-3也適合柏馬...
但我說的4-3-3不是哥拉迪/保丹/盧卡利尼

至於迪辛拿.. 之前都有人講過佢今年跌WATT得勁.

講野無point的人

迪辛拿+柏拉域仙尼+施加連尼

咁出防守會唔會差左些少?