可以點? 等定唔等?

chanchansum

係上星期二 (15/7)同女朋友發生左一個很大既問題
結果問題去到今天 我都唔知可以點解決
希望大家可以俾到實際既有用意見

問題既重點:
女朋友說感到好大壓力.
佢話需要自由 不受任何管束

整件事:
當天佢有一位男性同事單獨約去出街 睇虥 食飯.
我做男朋友當然唔想.而且我放早(係4:00pm收工) 晚上都可以陪佢.
但佢話係好早時隨口答人好 得閒食飯. 唔知點推人.
咁我做男朋友都明白. 就同佢講 今次ok.
但去咩地方,大約幾點走. 打俾我 等我知. 佢話 ok.
我一心想俾驚喜佢. 係佢屋企樓下等佢.(平時佢都係11:00pm左右會返屋企)
我就10:15pm 開始等佢. 但到11:30pm 都唔見人 (佢返屋企一定經過我個位置 無理由唔見)
心諗唔通去廁所時 你返左屋企 (咁就打俾佢)
一打就出事 問佢係邊呀 佢話準備去唱K呀
大佬你只係話出街 睇虥 食飯. 有無講話過唱K.
而且幾點? 重要未唱 只係下一站去唱K.
當初你話知道咩地方 幾點走會打俾我
但咩都無打 唔係我見咁夜打俾你. 你會話我知咩?
我同佢講 NO ,返屋企喇. 佢話走打俾你. 然開講 bye bye
心諗算. 咁耐都只係至一次

自己因為明天返早(6:00am) 咪走人 返屋企
但諗 佢住個到咁夜好靜 好雜 怕佢有咩事
咁再打俾佢. 問佢想唔想我等 係路口等你定點
但一打就只係長響 無人聽. 心諗一次聽唔到 咁再打多次
都係無人聽 咁留左言. 我咪再留多陣係佢樓下. 等佢打返俾我
但都成4個字 都無電話. 佢點都睇到有留言掛?
算 我再打俾你. 但都係無人聽 (之後有心玩野 俾佢睇到咁多未接)
2 mins 一個電話 總共10 個. (你一定知咩事喇)
之後真係等唔到(點幾喇). 咁 send 埋 sms 俾佢叫佢返屋企小心d 走時打俾我.

全晚訓緊 都無電話響過
訓醒起身一睇 連 sms 都無
首先擔心佢安全喇 馬上打俾佢.
佢原來訓緊. 咁同佢講 sorry先. (有咩等今晚再講)

到接佢放工,我咩都未講
佢就話我好煩 打十幾次電話俾佢.
我話你無人聽 無覆sms 咩都無. 只係擔心你 我想同你講咩咩...
佢馬上話感到好大壓力 你好煩
我就講我係你男朋友 只係擔心你
佢答個位男同事唔會送我返屋企咩? 佢送到我上樓呀
大佬 人地住邊你住邊 完全唔同路
送你返屋企都明白 做咩要送埋上樓?
加上你只係話出街 睇虥 食飯. 你無話唱K 最後都有?
咁我點知你有無飲野?
同埋我唔知你同事想點? 做咩要單獨同你去到咁夜?
你係面前聽個電話有咩唔方便.
你有男朋友 佢唔知咩?
點知佢話無同人講.
我話咁就死喇. 如果你同事無女朋友就重死
點知佢答 同事話無女朋友
一個無女朋友 一個無同人講有男朋友 重要單獨去到咁夜.
有女仔咁做 重俾你送到上樓 各位做男性既會有咩感覺?

我個時就發火 叫佢你聽日同人講清楚
唔係令人有咩誤會
但佢反而話我好管束識朋友
之後大家都估到咩事....佢同我講分手
我做錯咩? 我話你唔係掛?
佢就咩都唔講 上左的士走人

之後我打俾佢 想同佢講唔係話你 怪你
但佢一開口就講 一聽到你就好煩 感到好大壓力
我未玩夠呀 唔想被管束
大家都唔夾
我問咩意思? 講笑? 定你想點?
答案: 大家做返朋友 我未玩夠
咁你係想分手呀? (佢話唔知 你再追過我吧)
我講你要唔要冷靜下 (佢話唔夾就唔夾)
咁你想玩咩 玩幾耐 (佢話唔知 可能玩1~2星期 3,5,7個月都唔錯 3,5,7年都好)
想試下搵唔搵到其他對象
大佬 睇韓劇睇到上腦? 講完咁我就 cut 佢線

問題:
問左佢d 女性同事,女性朋友 今次佢玩真
但到底係咪玩完? 唔知
同個男同事係有d野 已傾左個幾星期電話(不只1次單獨約會)
我應否等佢玩夠? (但玩不只是出街 食飯. 而是有人追佢 佢會諗)
我可以做咩? 如果真係再追佢(但甚麼令大家感動既地方 感動既事 我都做過)
咩愛心飯盒,整 cake,玻璃屋睇星星,大浪西灣睇日出,白泥睇日落(已做過了 我再做有無用 佢會否再受)
早前為佢準備的72份介子 一心想做周年禮物.(應否送? 點解送/唔送)

到今天已過了一星期 問題無咩進展
打俾佢,send sms 俾佢,直接等佢(無咩用)
有心情就聽 無就唔聽 見到當唔識
但佢就有心情咪打下俾你 (好似睇你死未 捉下放下咁)
你約佢出街 成日話唔ok
但有人約佢食飯 佢會特登打俾我 重講係男仔 (點解?)

大家都成一年喇 點解咁做?
如果唔夾? 一早就無左喇 何必要到今時今日?
有女仔會咁咩? 真係唔信長久既愛情
都25喇 重未定性 無為自己打算
想不斷同其他人試下拍拖 睇下係咪自己要個種感覺
唔係既至分手 唔肯睇定至同人拍拖
認為無俾到個男仔上 就無蝕喇

希望大家可以幫我 俾d意見我

andres_tabris

我只能對佢既行為講一句
唔試過又點知對方係你既100%

你係咪真係好愛好愛你女朋友
有無諗過更長遠既發展?

奇連士文再生

其實睇你既語氣
我相信你諗住點做已經心中無數

我相信唔止夾唔夾咁簡單
你地既觀念我相信都頗有分歧....

我既問題
同樓上一樣

~~冬之子~~

人地都話未玩夠

無聲火

原帖由 ~~冬之子~~ 於 2008-7-24  09:23 AM 發表
人地都話未玩夠

~~冬之子~~

講真

邊有得等

一係就換個心態大家玩下好了

如果唔係都係算9數

ic421

想問
等
係你唯一o既選擇嗎？

~~冬之子~~

原帖由 ic421 於 2008-7-24  10:46 AM 發表
想問
等
係你唯一o既選擇嗎？

http://hkcm.hkehost.net/viewthre ... &extra=page%3D1

好似依個咁等

Kevin@Lees

呢d女要唔要都罷...
就算比你tum得返佢1次
佢都有第2次,第3次
我唔信有1個男人可以忍受到咁既事3,4次
你最愛既可能係佢
但佢最愛既未切係你
佢會一直咁搵更好既男仔直到滿意為止

andres_tabris

原帖由 ~~冬之子~~ 於 2008-7-24  10:54 AM 發表

http://hkcm.hkehost.net/viewthre ... &extra=page%3D1

好似依個咁等

wfc

henrytam

對面的意思已經很明顯了

~~冬之子~~

隻戒指賣左佢吧啦

yuren

唔可以比佢食住
飛左佢

Keith

原帖由 yuren 於 2008-7-24  11:36 AM 發表
唔可以比佢食住
飛左佢

agree
認真的

WainSeven

未玩夠就算吧啦
搵過個已經唔想再玩既

andres_tabris

把心一橫同佢齊齊玩

chanchansum

或者再補充一d野:
佢都25喇. 唔再係細掛?
唔試過又點知對方係你既100%(明白 但佢都拍左過20次喇)
自己要咩清楚掛
平時佢d男朋友短既3~4日 最長都係3個月.
所以我會 feel 到佢真係想定喇 今次唔係玩玩下

大家最初拍拖 是公司同事開始.
開始時,佢話怕被公司同事知道 (怕醜 怕煩掛)
所以一直有共識.大家都唔認
但後期被人見到去街拖住手 都可以同人講睇錯
問過有咩好怕 唔係殺人放火? (一問就只有向我發脾氣)
後來 我轉左工. 咁唔會影響你既工作掛?
佢都只係被人撞到正 無得唔認下. 咪認了(知道的都不知有無 5~6人)
拍拖好失禮你咩 做咩要收收埋埋 有咩好怕

你問我. 我好想等佢.
但唔係等到3,5,7年掛. 你感到壓力大,大家可以冷靜一排.
我反而擔心佢咁玩,會蝕底,會收到傷害.
怕佢收傷後 就搵另一段感情去忘記傷痛

之前佢有個前男友話會等佢.足足等左佢6年
但最近同佢講 sorry, 話搵到女朋友了
佢就突然好死 反而認為對方負佢
6年喇. 這個時間你有真空時期,無拍拖.
而他一直無女朋友. 一直等你.
咁點解唔俾大家機會? 我真係唔明
如果唔 ok, 何必叫人等你.
還是只想 hold 住有個水泡? 有備無患?
一些你100%不愛的人 為何要同這些人開始?
我可以肯定
你不是為了對方既錢 想得到咩物質回報
因這些人根本比你窮. 你都講過出街係佢地用你錢.
更不是想得到任何性需要

所以真的想知佢點解會有以上咁既諗法?
我願意等 但有咩方法可以快d使佢回來?
女性可以不愛對方都拍拖? 但不是想得到錢 回報 性需要
如果有女性可以俾到意見/諗法 更好

WainSeven

佢目標好明確呀
要既係"自由","選擇權"而矣
喜歡既係"選擇"而唔係選擇過後既答案"

andres_tabris

20次拖

[ 本帖最後由 andres_tabris 於 2008-7-24  12:48 PM 編輯 ]

andres_tabris

佢係有唔錯既經濟能力既話, 我反而明白點解佢唔需要定落黎咯

同埋如果你期望有女性解答到你既話…











我諗你黎錯地方了