09/10 香港足球討論區 3

StupidPhilip

大中 VS 傑志

元洋近兩季最好表現呢場
今場D速度同技術返哂黎
o係左邊威脅好大
終於無做球場黑洞

另外, 擺安東尼踢清道夫穩陣左
包左好多波
下半場用盧加路入替埋魏仲虎仲穩陣d

大中成班狀態都箭咀向上
張子鍵無上場咁削
鄭璟昊, 阿歷士都做左跑狗
梅示敦d後上有威脅
除左韓成真係要考慮下係咪真係要繼續踢甲組
還是留在乙組屈機

另外果十幾個撐梅示敦的fans
令到球場幾好氣氛

傑志黎講
亨利一貫60分鐘後隱形
其他華人狀態都無咁好
高文行行企企食飯兩味

禾志利個volley真係靚
無左佢
傑志仲入唔入到波呢?

StupidPhilip

原帖由 射手shooter 於 2009-9-20  12:04 AM 發表

當時踏單車剛剛去到沙田,早知就入場睇啦

場波有d悶, 又有d膠
除左高梵屈速外
唔睇損失不大

孫中謝拉特.奧雲

原帖由 StupidPhilip 於 2009-9-20  00:13 發表
大中 VS 傑志

元洋近兩季最好表現呢場
今場D速度同技術返哂黎
o係左邊威脅好大
終於無做球場黑洞

另外, 擺安東尼踢清道夫穩陣左
包左好多波
下半場用盧加路入替埋魏仲虎仲穩陣d

大中成班狀 ...

how's 隊長 and 嘉緯

StupidPhilip

原帖由 孫中謝拉特.奧雲 於 2009-9-20  12:17 AM 發表

how's 隊長 and 嘉緯

均宜無之前咁活躍
跑動都無之前咁多

嘉緯用多左隻右腳喎
而且隻右腳踢得幾ok

StupidPhilip

即係唔駛睇住

屯門普高明午登場作客四海流浪
【23:04】2009年09月19日
【on.cc專訊】 「話題球隊」屯門普高明午在「bma甲組聯賽」登場，下午3時作客深水埗球場對四海流浪，普高今仗面對兵源短缺問題，總監任煒雄表示，由於足總上周才落實己隊續以「屯門普高」參賽，球員註冊一度遇上困難，暫時只得15名球員註冊，其中門將周展宏停賽，今仗只得14名球員可用，新加盟的張建忠、林俊生及史提夫等仍未註冊，無法上陣。

StupidPhilip

坐低啦林大輝
足腫正確

林大輝對足總支持地區足球態度疑惑
【20:32】2009年09月19日
【on.cc專訊】 甲足聯賽沙田對愉園之戰，共有626人入場觀戰，當中410人購票，收入為15,360元。對於入座率僅得兩成，沙田班主林大輝坦言：「這場賽事主客兩隊各有擁躉前來打氣，氣氛十分之好，我有信心如果繼續搞得好，球場下季分分鐘要擴建先夠坐！」不過賽事卻發生小插曲，沙田區議會主席韋國洪欲坐上後備席為主隊打氣時，卻遭足總職員請上看台，林大輝對足總支持地區足球態度感到疑惑。

孫中謝拉特.奧雲

原帖由 StupidPhilip 於 2009-9-20  00:25 發表


均宜無之前咁活躍
跑動都無之前咁多

嘉緯用多左隻右腳喎
而且隻右腳踢得幾ok

come on
咁樣點挑南華

StupidPhilip

原帖由 孫中謝拉特.奧雲 於 2009-9-20  12:26 AM 發表

come on
咁樣點挑南華

左右閘位都未搞掂
點挑

StupidPhilip

拿美


中大向球圈推廣運動醫學科學
【15:46】2009年09月19日
【on.cc專訊】 「香港中大醫學院賽馬會運動醫學及健康科學中心」今日假威爾斯醫院舉行「運動醫學及運動科學」講座及記招，新界地產和富大埔隊長陳旭智及傑志主將盧均宜都有出席並擔任示範嘉賓。執行總監容樹恆醫生表示：「我們希望可以將有關知識在本地球圈推廣開去，如果有球會想跟我們合作是無任歡迎。」此外，大埔亦宣布已簽下今季由傑志轉投大中的拿美。

尹邦美

原帖由 StupidPhilip 於 2009-9-20  12:26 AM 發表
坐低啦林大輝
足腫正確

林大輝對足總支持地區足球態度疑惑
【20:32】2009年09月19日
【on.cc專訊】 甲足聯賽沙田對愉園之戰，共有626人入場觀戰，當中410人購票，收入為15,360元。對於入座率僅得兩成，沙 ...

好心佢啦, 又唔係第1日搞波呢d基本野無理由唔識嘛...

講野無point的人

原帖由 StupidPhilip 於 2009-9-20  12:02 AM 發表


過渡時期
場場大球場都唔掂啦
地區場慳返D場租

求其將果d非地區球隊擺哂係一個場咪算囉
好過宜家將d波打散哂...

最怕旺角場搞掂
某d人為免要同人分錢繼續玩呢個"主客制"

歐石南

原帖由 講野無point的人 於 2009-9-20  01:59 發表

求其將果d非地區球隊擺哂係一個場咪算囉
好過宜家將d波打散哂...

最怕旺角場搞掂
某d人為免要同人分錢繼續玩呢個"主客制"

宜家同樣都係幾百人
但係場租平左
又唔洗同人分錢
蝕少左喎 .
我覺得唔會走囉
特別係D弱隊

StupidPhilip

足總財務會議

星期五，我約了黃昏去看中醫。我體質很燥熱，如有心機長期吃中藥，身體會好些，但因為忙，已經很久沒有去看中醫，有段時間只打電話去請醫生配藥。醫生是我和芷珊的好朋友，她堅持不能再配藥，說一定要我去把脈診斷，才能給我開藥。

約了星期五黃昏，她放假特別回來為我看症，不能遲到，但我最後都遲到了。

星期五下午三時，我要以顧問身份出席足總的財務會議。

「做靚個餡」

因為是財務會議，討論的當然是金錢問題，主席和董事們都表現得很頭痛，因為以目前的帳面數目計算，足總今季必定大幅虧損。

大家討論如何開源節流。

其實要做任何生意，最重要都是「做靚個餡」，加以推廣，才有望有價有市，吸引人來買　－　這個話題討論下去，可以十分深入，在此不贅，相信大家都很明白了。

四大盃賽贊助

我們又討論了四大盃賽。早前甲組聯賽贊助沒有著落，開鑼前最後一天才有冠名贊助，現在再加印有贊助bma logo的場刊，芷珊和副總幹事Emily商量，何不邀請各球會的贊助商在場刊中落廣告？現在已有廣告商答覆落稿，總算為足總增加了收入，如果早些籌備，相信效果會更好，有時做事需要進取一點。

現在其他三個盃賽的贊助，暫時仍未有著落。

亦有人提出取消聯賽盃，因為在六月舉行，有部份球會未必想「出多一個月糧」，而且當時聯賽冠軍已產生，好像球季高潮已過，吸引力不大，聯賽盃常給人「盃仔」的感覺。

我的意見卻相反，因為沒有收入把握，所以少搞一個盃賽，令賽事愈來愈少，即是「餡」愈來愈縮皮，而足總很多開支是全年12個月支出的，怎望收支平衡？

超級聯賽盃

既然有球會想愈早收咧愈好，有球會希望有更多比賽，伍健提議將聯賽盃改為「超級聯賽盃」，讓球會自由報名參加，報名費10萬，另外找贊助，成為全季獎金最高的盃賽，賽例改為讓球會自由登記球員參加，外援人數亦不限，增加吸引力。

這建議，會議上如常有人贊成有人反對，我則覺得很好，現在足總是對著出現紅字的一盤數在討論如何開源節流，如果舊的方法全部不准改，對有機會成功的新方法又畏首畏尾，不肯改變／改革，還有甚麼希望出現奇蹟？
足總將會再討論及決定「超級聯賽盃」一事。

分工合作

我認為應該分工合作找贊助，足總董事都要負起責任，討論結果是主席答應負責為銀牌找贊助，董事余錦基答應負責為足總盃找贊助，如果通過辦超級聯賽盃，則由我和伍健負責找贊助。

吃了中藥，打字很慢，要休息了，非常不好意思今晚太夜貼文，明天再談。

Jplayer

原帖由 講野無point的人 於 2009-9-20  01:59 AM 發表

求其將果d非地區球隊擺哂係一個場咪算囉
好過宜家將d波打散哂...

最怕旺角場搞掂
某d人為免要同人分錢繼續玩呢個"主客制"

咁我覺得OKwo~~~~
呢家睇,除左D明顯弱戲碼外, 大概入場人數同上季唔差得遠
而且場租平左,可能賺多過上年,場場旺角
D阿伯香晒仲有人入場?

射手shooter

原帖由 StupidPhilip 於 2009-9-20  01:15 發表

此外，大埔亦宣布已簽下今季由傑志轉投大中的拿美。

【大公報】

在成功羅致外援盧加路的同時，本地甲組隊大中也跟地區隊大埔就喀麥隆中堅拿美的轉會事宜達成一致，大埔總教練張寶春昨表示另1名外援法蘭西斯也將在下周到港，球隊實力將大幅提升。

張寶春昨晨透露，大埔已斟妥拿美加盟，明日將為其辦理註冊，連同崔護重來的法蘭西斯，後防與前鋒的人腳問題一併得到解決，但他強調拿美不會是必然正選：「後防未必一定會以拿美作主力，他跟球隊練習了2課，也參加了分隊賽，跟另外3個中堅（陳旭智、趙俊傑、張志勇）都夾過，效果仍要繼續觀察，比賽時中堅組合仍要視乎對手打法而定，甚至用『雙防中』陣式時可同時派出3名中堅上場。現在最重要是盡快令拿美了解我們的踢法，融入球隊。」

張寶春表示大埔在2名新援加入後，1線隊球員人數達到28人，實力也得到提升，未來2周對愉園及屯門普高的比賽都會加強進攻的比重。

射手shooter

原帖由 Jplayer 於 2009-9-20  10:22 發表


咁我覺得OKwo~~~~
呢家睇,除左D明顯弱戲碼外, 大概入場人數同上季唔差得遠
而且場租平左,可能賺多過上年,場場旺角
D阿伯香晒仲有人入場?

唔好講賺,蝕少左已經執到

2076

原帖由 StupidPhilip 於 2009-9-20  12:14 AM 發表


場波有d悶, 又有d膠
除左高梵屈速外
唔睇損失不大

你2場都有入場睇???

尹邦美

原帖由 StupidPhilip 於 2009-9-20  08:31 AM 發表


足總財務會議

星期五，我約了黃昏去看中醫。我體質很燥熱，如有心機長期吃中藥，身體會好些，但因為忙，已經很久沒有去看中醫，有段時間只打電話去請醫生配藥。醫生是我和芷珊的好朋友，她堅持不能再配藥，說一定要我去 ...

10萬有幾多隊會玩??

尹邦美

原帖由 StupidPhilip 於 2009-9-20  12:13 AM 發表
大中 VS 傑志

元洋近兩季最好表現呢場
今場D速度同技術返哂黎
o係左邊威脅好大
終於無做球場黑洞

另外, 擺安東尼踢清道夫穩陣左
包左好多波
下半場用盧加路入替埋魏仲虎仲穩陣d

大中成班狀 ...

唔記得問, 港版巴塞係咪打地波??

尹邦美

原帖由 Jplayer 於 2009-9-20  10:22 AM 發表
咁我覺得OKwo~~~~
呢家睇,除左D明顯弱戲碼外, 大概入場人數同上季唔差得遠
而且場租平左,可能賺多過上年,場場旺角
D阿伯香晒仲有人入場?

最緊要做好宣傳先得, 老實講今季開鑼咁耐完全唔覺港甲開左咁?!  尤其編場雖然話足總都update左, 以前有旺角場起碼fans+/阿伯有個習慣週中(三)/週未(六/日)會知幾時有波睇入場先, 而球會方面除左南華外其他隊你話佢求其又唔係有做野又唔覺 , 只係顧住慳得就慳, 咁好難玩落場...