紐迷 — 對維拉後有感

kiNewcastle

紐迷 — 對維拉後有感

前言：很久沒有出文章了…因為沒有甚麼值得好好記下的開心事，然而，今天，卻有了。

一年前，最後一場對維拉，和都留級，偏偏輸了…
降落英冠，感覺難受，除了人們的冷嘲熱諷，還有自己對球隊的失望…是我們要求太高？還是球隊內部出現問題？

或許，這個世界，就是物極必反，外間普遍看球隊降班後會翻身無望，卻凝聚了一眾球員的鬥心，知恥近乎勇(例如：荷西‧安歷基、路蘭、史密夫等)

一個被譽為「完美」的球季，在我看來，看見球隊團結的表現、強勁的鬥心，比那所謂分數上的「完美」的球季更值得慶祝，因為，英超才是我們紐迷認為球隊應屬的聯賽。降班後、再升班，不應被過份煲獎，球員們只是知恥後打回應有的水平，然後就升班了，我有點覺得他們在整理自己所弄下的糟，畢竟大部分球員都留隊，球隊實力沒有被大大削弱。

到今季，看見有些紐迷們依然寄望球隊能挑戰「big 4」，作黑馬的本色，在我看來有點不切實際，第一場對曼聯，大敗零比三，是明顯被技術性擊倒了，實在也沒有甚麼好抱怨的，唯一能不滿的，只是球員的鬥心可以再強一點，整體來說還是可以接受的。

直至第二場，先輸一記十二碼，實在令紐迷抺一把汗，幸好卡維未能把皮球送入網窩，及後祖爾‧巴頓的一記世界波都把比賽形勢拿回主動了，在回家途中用電話看見網上文字直播，真的有點淚眼的感覺，我們回來了，我們入球了…這實在不能用言語形容…其後回家後看見艾殊利‧楊格的入球被廢更令維拉舉步為艱，其後二比零、三比零…直至六比零，相信紐迷都不想這場比賽完結，因為太精彩、太感動了。

當然紐迷們不應因為這一場而對球隊有過高的期望，期望越大，失望越大的座右銘應該可以令大家腳踏實地吧，還有三十六場的聯賽，各位magpies球員、球迷準備好了嗎？我們回來了，我們真的回來了………

後記：六比零，這三分，對手又是維拉，真的百感交集、更是得來不易，你們也是這樣認為嗎？

不喜勿插，只是小小個人意見……

AC米仔

當我記起AV前季如何送你地一程....
我不再奇怪你地為何戰至補時也努力爭取入球

古都

下次請擊敗曼聯

磁魂

今日紐記絕對係值得贏波
不過比賽初段的確維拉比較有優勢...
後來12碼...等等問題...
巴頓世界波...紐記士氣即刻直線上線....
另外卡奴爾的確頭鎚好好...
就造成今場大勝...

clark同dunne都唔係好mark到卡奴爾...
如果今場有哥連斯可能會好d....

我自己比較擔心維拉既唔係後防...
雖然今日係失6粒....但明顯係中場問題大過後防....
夏柏今日同無接過波無咩分別...
唐寧真係考慮要收收...完全無用....
試下班納好過...

艾利蘭...真係要多d時間睇...
我相信佢係好球員...
不過點樣配合真係仲需要時間去試....

User173

恭喜! 對悲情的新城堡來說, 沒有什麼比推土重來更值得欣喜的事,
今次的戰局, 足以自傲了

有時血肉長誠守住一個1:0的戰果, 或者終場前的大逆轉, 比痛宰仇家更值得快感
正如網球賽有句話, 寧願輸0:6, 0:6, 好過錯失1個MATCH PT飲恨

老實說, 被炒10蛋沒什麼的, 也是3分,
AC 1998/99聯賽摘冠那年, 曾兩次被柏馬屠4蛋,
但最後還是湊夠1:0和0:0戰局去趕超拉素,

下次, 對列強時還請生性

Donald

今日成隊波隊型同鬥志都好好, 呢D先至係踢波。

特別開心係路蘭同巴頓越打越好

舒利亞

原帖由 磁魂 於 2010-8-22  11:45 PM 發表
今日紐記絕對係值得贏波
不過比賽初段的確維拉比較有優勢...
後來12碼...等等問題...
巴頓世界波...紐記士氣即刻直線上線....
另外卡奴爾的確頭鎚好好...
就造成今場大勝...

clark同dunne都唔係好mark到卡 ...

絕對認同
十二碼之前維拉禁住來打
只係一個神來之筆就改變哂
btw,今場紐記防守做得幾好

至於卡路爾
無需過份讚賞
仲要睇成季

磁魂

講真個句...我覺得做紐迷真係唔係容易...
我睇波年資短....
剛睇個陣都算近年紐記中興時期?
90年代同曼聯爭冠軍個陣我就未睇啦...
我睇個陣....

比拿美新加盟紐記,老舒仲在陣中...
羅拔隻黃金左腳...右翼又有罰球好好既蘇蘭奴...

當時紐記仲有歐聯打....如果我個陣選擇左做紐迷...
真係心傷透....慢慢被踢出歐聯行列....
變左做中遊好幾年....前年仲要降班收場....
個種起伏....真係好大....

一季之後..就可以成功升班...重新起步...
作為紐球既你地...個種喜悅應該比拎任何冠軍仲高興....

我的確好佩服各位紐迷...亦好羨慕....
對球隊不離不棄....紐記係hk都算有d fans....
可以大家一齊分享....

相對維拉係hk應該無乜fans
要分享都好難

kiNewcastle

原帖由 磁魂 於 2010-8-23  12:15 AM 發表
講真個句...我覺得做紐迷真係唔係容易...
我睇波年資短....
剛睇個陣都算近年紐記中興時期?
90年代同曼聯爭冠軍個陣我就未睇啦...
我睇個陣....

比拿美新加盟紐記,老舒仲在陣中...
羅拔隻黃金左腳...右翼又有罰球好 ...

磁魂兄，我諗我同你波齡應該都係差唔多
我果時又係睇羅拔比拿美舒利亞JJ年代
當年打歐聯先輸三場再羸三場出線
同埋當年都有D反勝/追和，幾令人激動既比賽
令到我更加義無反顧去撐紐卡素

直至前年，真係好灰，咁既人地踢到降班…
好彩…今番升番上黎，第一場主場就羸六比零
真係有點兒喜出望外…
不過平心而論，就算今日係羸一比零，如果班球員都係咁有鬥心既
我都一樣咁開心，入第一球果陣我真係喊出黎咁滯…

不過今場維拉可以話輸自己在先，球12碼唔入好大影響
仲要巴頓球世界波令成個形勢唔同哂…
ANYWAY…其實艾殊利‧楊格打得唔錯，但真係有點孤掌難鳴的感覺…

Zero

沒有比這更好的歸來宣言了...

grandoni

球員們不再發波瘟
有鬥心
一隊煥然一新既紐卡素

Smithy

巴頓肯唔搞事認認真真踢波真係

grandoni

原帖由 Smithy 於 2010-8-23  12:46 PM 發表
巴頓肯唔搞事認認真真踢波真係

琴日peter 話
叫祖爾巴頓落場唔犯規 , 即係叫我哋中國人唔食飯一樣咁難

舒利亞

原帖由 grandoni 於 2010-8-23  01:37 PM 發表

琴日peter 話
叫祖爾巴頓落場唔犯規 , 即係叫我哋中國人唔食飯一樣咁難

叫皮蛋黃講波唔9up , 即係叫我哋中國人唔食飯一樣咁難