|
|
發表於 2011-8-25 01:21:18
|
顯示全部樓層
列納自09年上任以黎，好評多於投訴，無他o既因為佢老哥帶領球隊50年後再度殺入歐聯．
但係出左名係wheeler-dealer o既佢呢3年黎o係買賣方面又係點樣一回事呢?
我地可以睇睇，又或者回顧下經佢手渡過的數個轉會窗
柏拉西奧斯 (韋根) ，09年1月，12M
布魯士得意之作，以至少相當於當初轉會到韋根的１０倍價錢將呢名防守中場賣到北倫敦，列納in charge後第一單交易
賣力的表現最初受到眾多球迷的愛戴．（其實d普遍球迷又點會唔支持一個新加盟ge球員呢?  )
0910上半季於摩迪受傷期間與赫度士東的搭檔成功為熱刺維持在聯賽前４名． 唯其後開始水準大跌，魯莽剷球經常換來可避免的黃牌 及 不到位的傳送乃主要原因．
10/11球季其重要性已大不如前，代表作乃歐聯16強首回合作客AC米蘭一役．曾先後引來拿玻里及巴黎聖日耳門的興趣，最新消息是史篤城非常想得到他．
羅比堅尼 (利物浦) , 09年1月 , 16M
熱刺球迷飛彿之一，與貝碧托夫的組合令不少人津津樂道(及有味)，近年甚少以其招牌"機關槍"動作慶祝入球 (最近又重現了!)．
於利物浦失望的半季後由列納帶回熱刺，表現回勇．
可惜自從 "帶團打Golf事件" 開始 ，已完全被列納視為癌細胞．
先後流放到些路迪及韋斯咸，未能成功為韋斯咸護級後，今年8月以超賤價3百萬鎊售予洛杉磯銀河，首戰即取得入球．
順帶一提美國高爾夫球公開賽冠軍所得的獎金只係USD $1.44M
迪科爾 (樸茨茅夫) , 09年1月 , 15.75M
一直居於貝碧托夫及羅比堅尼之後，0708季中為上陣機會毅然到當時由列納執教的樸茨茅夫. 1季後已接手熱刺的列納於護級形勢險峻下將他帶回倫敦.
0910球季突然著火，對韋根１戰更個人射入５球，整季聯賽射入18球創下個人紀錄，但其實當中2/3乃來自與榜尾6隊的交鋒．
10/11球季打回原形,9月初代表英格蘭上陣時受傷，養傷達3個月,復出後狀態低沉，波都入唔到的情況到左下半季已被貶為後備並因此發老脾．
高洛治 (樸茨茅夫) , 09年7月，10M
先後於修咸頓及樸茨茅夫與列納共事．原為熱刺學徒球員，結果離隊達9年之久先重回母會正式代表球隊出戰一隊賽事，國際賽及歐戰表現比聯賽醒神，0910球季作客曼城射入決定性１球令球隊奪得歐聯外圍賽資格，亦成為每次球迷為他辯護的主要理據. 
10/11球季淪為主要二傳予雲達華治的工具，歐聯16強一腳踢走AC米蘭乃唯一亮點，近日竟傳出AC米蘭對佢有興趣．
巴斯桑 (紐卡素), 09年8月，8M
法國中堅，最初於紐卡素擔任左閘，球隊降班後南下，處子戰即射入致勝一球協助球隊擊敗利物浦，0910球季經常得到上陣機會．
但一直始終未能穩定自己的位置，另一方面球隊其後先後簽入Kaboul及Gallas兩名相同位置的球員，本身進步幅度亦未如理想
10/11 歐聯外圍賽作客年青人一戰錯誤頻頻令球隊早早落後0-3，及後將功補過將比數拉近．
自此上陣機會大減，且凡有他出場的賽事其表現皆令人提心吊膽．
曾發表 "如身處地獄般" 的言論，現正等神打救，回歸上主事在必行，時間係佢最大的敵人．
卡蘭績卡 (樸茨茅夫), 09年8月 , 2.5M
克羅地亞重炮，06年已成名的他被當時執教樸茨茅夫的列納帶到英超，於效力3年期間成為球隊重要核心，足總盃冠軍成員．
於合約只剩12個月的情況下以蔗渣價錢加盟白鹿徑與列納再度合作，迅速融入球隊，國家隊隊友摩迪受傷時貢獻不少 (9月至12月Modric對狼隊複出期間，4入球２助攻).
10/11球季坐多過踢，列納本人以其狀態不佳為理由，唯球員本身卻在接著3日2場內的國際賽轟入3球，聯賽於僅有的上陣時間下先後絕殺保頓及新特能，暫時為熱刺射入8球，當中不少都是靚波 (對保頓２球，韋根，新特能各１球).
曾與羅馬及基輔戴拿模扯上關係，後者卻因熱刺叫價太高而放棄，休季期間乃走人大熱門之一，但摩迪事件又令他有可能9月仍然會身穿熱刺球衣．
卡保爾 (樸茨茅夫) 10年 1月 , 9.5M
歐塞爾青訓產品，與迪亞比及沙格拿為同期隊友．07年加盟，揭幕戰對新特蘭正式上陣，用球及助攻能力不俗，且屢屢入球，一道被球迷看好．
但好景不常，自桑迪拉莫斯於07年9月接任起被放了入雪櫃，季中活基治的加盟令他於季後離隊改投當時由列納當主帥的樸茨茅夫,自此成為球隊不可或缺的一員．
09/10季中經列納手中重返熱刺，上陣機會不少，更得到國家隊的垂青，近月在國際友誼賽中射入第１個國際賽入球，唯位置經常於徘徊右閘與中堅之間，對他來說並不是一件好事．
Naughton (錫菲聯), 09年7月 , 9M交易其中一員
錫菲聯青訓產品，與Walker於同一單交易中加盟，隨即於季前北京亞洲挑戰賽上陣，表現良好．
期後先後外借到幾間英冠球會，最近被外借到重回英超的諾域治，雖然潛質不錯，但與Walker比較下難免有檔次差別．
於球隊的前途不大樂觀，不過要在英超立足相信不成問題．
Kyle Walker (錫菲聯), 09年7月 , 9M交易其中一員
同為錫菲聯青訓產品，助攻意慾超強的右閘，爆發力驚人，0910球季對樸茨茅夫一役處子登場．
1011上半季外借到英冠昆士柏流浪，出色的表現令球隊長期處於榜首，季中收回後再轉戰英超於維拉鍛鍊，第一場上陣即射入個人英超第一球．
於參加本屆歐洲U-21決賽週的英格蘭的一池死水中可算是一道清泉，分組賽首戰對西班牙整場狂轟對手左路，完場前助攻韋碧克扳平，隨即被西班牙傳媒冠以"新卡路士"稱號
新球季已正選上陣數次，絕對有力挑戰下任國家隊右閘位置．防守輕率，自信心過強是現時最需要改進的地方．
加拿斯 , 10年 8月， 免費
法國老將，先後效力車路士，阿仙奴及熱刺三間死對頭球會，更擔任隊長，前無古人後睇怕都唔會有來者．
起初因年齡及曾效力阿仙奴的背景而不被看好及討厭，及後憑藉其經驗與表現令球迷們收聲，已再續約多2年，正在等待為熱刺射入第１個入球.
雲達華治 (皇家馬德里), 10年8月 , 8M
荷蘭天才，入球能力極強，老婆好索．轉會窗最後一秒加盟，令不少球迷尖叫，首季共射入15球，比隊中三名前鋒仲要多．
辛祖 雲尼亞里 (國際體育會), 10年8月, 8M
國體會青訓產品，南美自由盃冠軍絕對主力成員，被視為巴西下一個5號. 10年世界盃不幸落算最後23人大軍，加盟後起初明顯不甚適應，季中開始轉好，兩戰AC米蘭成為其代表作，至此鞏固其正選地位，作客車路士射入３０碼窩利金球，新球季暫時因傷未能上陣．
入選上月美洲國家盃巴西名單，但其於國家隊的位置自新教練上任開始就一直慘不忍睹地屈居於盧卡斯(利華)之下．  
Khumalo (ask Wiki), 11年1月 , 1.5M
南非中堅, 10年世界盃分組賽最後一場對法國先開紀錄，最後令對手包艇出局．季中加盟後外借到普雷斯頓，年齡並非太輕的情況下，看來都是過客一名．
派拿 (愛華頓), 11年1月, 2M
阿績士衛星俱樂部的傑作 (唯一 )．效力愛華頓期間與拜恩斯於左路的合作令不少對手吃盡苦頭，1011季中加盟，表現暫時未如理想，且間接令卡蘭積卡被放入雪櫃，故普遍球迷對此收購不大歡迎甚至憤怒．
費度(阿士東維拉), 11年5月, 免費
美國老將，可能是英超最被underrate的GK. 因為搞足球學校自資太多而陷入經濟危機，英超連續上陣紀錄保持者 (276).
Total: 104.75M
而到今時今日球迷們仍然對沒有買到一個好前鋒而不滿，煩躁，憤怒．有部份甚至認為中堅都需要加強.
跟住再睇返陣中有一半的重心如連隆，赫度士東，艾確圖，初路卡，多遜，巴爾，高美斯都係前任甚至前前任時買落
雖然艾確圖的確係經列納手中先進步到呢個Level，而連隆0910頭半季唯一一期爆發或者開竅你都可以話佢有功勞，高美斯情況一樣.
但係咁同佢洗錢方面係冇關係ge
咁究竟列納你呢一億或者幾千萬用左黎做乜9呢?
Reference:
(1) 羅比堅尼借帶團打Golf為名實則帶隊開Party
http://www.mailonsunday.co.uk/sp ... -Dublin-deceit.html
(2) 巴斯桑 "從天堂到地獄" :
http://www.mailonsunday.co.uk/sp ... eave-Tottenham.html
(3) 基輔戴拿模欲簽卡蘭積卡，但熱刺回價過高
http://www.dailymail.co.uk/sport ... ranjcar-claims.html
(4) 西班牙傳媒 "新卡路士"的稱號:
http://www.offthepost.info/blog/ ... carlos-kyle-walker/
http://www.goal.com/en/news/9/en ... arison-to-brazilian
(5) 費度搞非牟利足球學校而導致破產:
http://www.footballticketsonline ... -declared-bankrupt/
如要轉載，請原汁原味．因為你一改會改走埋我的風格，成篇野即時變得乏味．
[ 本帖最後由 熱刺#29戴維斯 於 2011-8-25 01:37 AM 編輯 ] |
|
IP卡
狗仔卡
發表於 2011-8-25 00:57:30
顯身å¡
發表於 2011-8-25 03:23:00
