|
|
樓主 |
發表於 2012-1-26 19:35:22
|
顯示全部樓層
原帖由 Liverman 於 2012-1-26 11:08 發表 
咁C朗近呢一兩次對巴塞又未至於隱形
我覺得華蘭尼o係隊中冇一個好既「師傅」帶住佢打係有d蝕底, 成長亦冇咁快
艾比奧爾如果唔係狀態咁差都未必要拉莫斯移番入中路
但問題係拉莫斯同皮皮一樣, 對住強隊都唔多穩陣之餘仲會隨時自爆, 即係現有人選冇個靠得住...
我諗唔到唔買即食中堅既理由
爾兄點睇, 有冇心水要買邊個?
C朗
踢中堅嘅 SR4
中堅同防中都有踢嘅比比
今季對巴卡夢三都試過盡力而為, 競技上有錯漏都已經唔算太離譜
我又唔傾向批評佢地喺今季至今五場西班牙打吡嘅表現, 只不過真係喺同宿敵交鋒時被比下去, 都可謂力戰而敗, 輸得尚算體面
望就望唔會重創我地士氣, 我地喺西甲表現可以盡快回復高水平 (唔係話要場場大勝, 而係要踢得好而贏得有說服力, 大部份賽程如是, 甚或只有一場造訪魯營可以係例外...)
實有皇家馬德里支持者會只求我地喺今季贏到巴卡夢三一場咁多, 而我地一無所有, 都受
我就寧可我地今季終於破己隊紀錄贏第32次西甲冠軍
有腦, 曉用波嘅中堅, 卡華路本來就被視為華蘭尼可學習對象...我唔會反對, 但或者真係可以搵過個更好嘅師傅
我認為最重要其實係華蘭尼可唔可能成為 "華蘭尼" 而唔係任何中堅前輩嘅近似貨色
是的, 艾比奧爾好狀態的話, 根本唔可能多次被華蘭尼搶先上陣, 喺卡華路今季缺陣多時之下
決定季中唔駛千五萬買巴西超新星身高接近米9外型有d星味本職中堅但踢甘美奧右翼衛上位成名準巴西大國腳馬利奧.費蘭迪斯
冬休之後嗰輪西甲個 topic 我有個 post 專題講過下佢, 我話就算佢一加盟就空降我地正選踢右翼衛, 我都唔會有異議...
但, 就同唔考慮買中堅一樣, 計人頭夠駛嘛, 連季初已經有傳季中就掉艾比奧爾俾馬拉加仲講到艾比奧爾本人已經接受不過到而家都冇咗件事, 仲點會買中堅?
雖則, 計 DR 嘅人頭, 摩連奴係計埋佢真．便宜仔拉屎, 仲有咸密...
比起中堅位, 我梗會話右後衛位唔增兵或更換人腳以求昇華係更唔合理, 喺摩連奴終於落實 SR4 踢常規中堅嘅前提之下
事實上, 摩連奴早就表明今季季中佢無意增兵
至於真係要諗買中堅...
先要問一個問題: SR4 下季仲踢唔踢常規中堅? 言之尚早
其次, 有中堅更有希望抵抗巴卡夢三嗎? 難矣
件事應該係睇防守上整體而非個人效果...摩連奴應該會認為佢今季部署 (已非場場都嘗試主守或選舉對攻, 而我不反對這樣做) 得宜, 已盡可能令巴卡夢三難踢...咁都講得過去, 反正我地應該唔會似艾梅利教練隊華倫西亞咁令巴卡夢三不爽 (而我唔打算討論哩壇野又係咪格食格, 我覺冇咁簡單說明得到件事) |
|
IP卡
狗仔卡
顯身å¡
發表於 2012-1-26 06:37:30
)