|
|
樓主 |
發表於 2012-2-7 03:26:55
|
顯示全部樓層
原帖由 Liverman 於 2012-2-6 17:17 發表 
魯兄可唔可以簡述下西維爾攪乜季中打後好似未上力咁...
歇冬後睇左幾場, 正選人腳其實都幾齊章, 但打起上黎真係各有各踢, 連主場都踢到一pat野咁, 尤其是簡路迪同尼格度簡直係一塌糊塗...
大可套用昨晚英超 topic 內我地傾車路士嘅主旨, 只不過西維爾目標定位更尷尬...
心想但把口唔講明爭標 (我深信係咁, 尤其佢地主席大人迪尼度), 俾人照舊睇成非歐冠盃即歐羅巴聯席位得主又好似冇乜所謂而壓力又少d咁款...
人腳牌面看似仲可保達到佢地嘅 "合理定位", 實際上卻不然...
其實西甲10-11季初我地已有談及, 西維爾面臨不進則退 -- 奠定前列多年一直沒能昇華至真．爭標份子, 睇落反而更似會弱化...
我會話佢地嘗試加入新球員但當中甚少新元素亦冇帶來活化或刺激, 陣上發揮因循苟且而且唔(再)夠高效仲唔算太穩定 (作為當然主將的JN7...稍後再講佢), 幾可肯定佢地冇砍掉重練嘅勇氣, 起碼今季仲係咁...
西維爾人腳無論負責進攻或防守, 都係個別質素優於整體效果
華拉斯今季正式接替柏納隊長而成為西維爾主力門將, 自己已算有晒交待, 回報會方對佢嘅信任, 不過哩半季亦已夠反映出佢多員防守隊友嘅不力或有心無力的而且確有份襯托佢嘅好表現 (佢地造訪魯營和 0:0 攞一分走, 係少有嘅例外, 但其實都仲係華拉斯明顯踢得好過晒西維爾防守眾將)
今季主力防守人腳當中表現最好嘅係上季華歷簡奴成功爭取今季重返西甲嘅功臣副隊長翼衛高基.安杜查, 佢兩邊都踢得, 喺西維爾就主力踢右翼衛, 不過佢表現突出在進攻而非防守 (都唔算差)...間接說明西維爾幾年前成功過嘅基石 -- 中後場硬朗可靠, 已經進一步平庸化, 而家頂多只有硬朗而唔多可靠...
儘管個別防守人腳具有一定即戰力, 佢地通常都踢唔出自己應有效果, 令西維爾競爭力有淪為得過且過中上游之勢
季中放走馬田.卡沙里斯, 收返同樣踢得晒成左中右後衛嘅卡拿 (防中都得喎)...記得佢嗎? 早喺西甲09-10已成名但終究未算位已上, 當季佢連續三場入波做咗一陣子得分後衛...上季外借卡塔赫納@西乙A, 今季開季轉借出國踢AEK雅典 (當時主帥仲係西維爾老臣子文諾路.希文尼斯)...無論卡拿本人還是西維爾, 要寄望都唔係今季而係未來日子
進攻上, 法比安奴已成過去, 其實比佢更擅長配合嘅尼格度終究冇同任何進攻拍檔特別合拍, 儘管佢上季贏到薩拉獎 (咩情況咩原因? 或者因為佢長期以來都冇被安排同任何人特別地嘗試合拍, 佢身後隊友唔係個個位置都有固定人選...但咁講終究係賴, 我所講人夾人可以係無解, 當然包括唔夾嘅案例啦)...亦即尼格度冇被人盡其才, 上陣通常只為爭取入波 (同希古恩近年走勢近似), 冇波入時表現通常都值得被垢病 (仲慘過希古恩; 仲衰過尼格度踢西班牙國家隊時)...
好喇, 咁都算, 當尼格度係純射手咁嚟餵, 咁d供應又夠唔夠呢? 從不懷疑, 只有贊同, JN7 同佩洛堤相當好波, 但佢地有一點係我幾年前冇估錯 -- 佢地未必夠穩定作為絕對主力去帶領球隊爭標, 或者轉踢大會做半主力會令佢地舒服得多 (正如 JN22@西班牙, 只有個別場次被倚重, 就夠)...唔係佢地唔夠努力, 而係踢法特性使然
咁當然, 今季佩洛堤同上季 JN7 一樣因傷缺陣過唔少場次
另外...
曼奴.迪莫拉爾已算今季西維爾進攻上有d貨交嘅新將...馬會棄將喺基達菲官至場上隊長, 表現算討好咗唔少人, 連迪波斯基都喺2011夏天帶佢去美洲踢友誼波派 1 cap 俾佢...佢係右腳前鋒或翼鋒, 技術型, 偏左踢起較好, 喺西維爾既可代佩洛堤, 亦可以踢雙或單前鋒, 理論上好用, 實際上效果未至於太差, 只不過佢終究級數所限不成大器, 有佢發揮空間嘅球會唔似會係西甲強勢前列份子
簡路迪未走, 但佢被列入 "已成過去系列" 又似乎唔算過份...試過踢後一格扮攻中分波, 半桶水層次, 唔係好招數...已經34歲, 係時候退化到離開頂尖賽場啦佢
中場線上幾名進攻人腳值得講講: -曹確夫斯基令人失望, 其實佢喺漢堡後期都已經係咁上下 -- 遠射專家威力不再, 死球又唔再係大權在握, 又要負起唔算少嘅中場助守職責, 攻守佢都不協調, 唔好提入波助攻數字大不如前, 佢實際上好多時都唔知踢乜 (或者係我已經唔知佢踢乜) -拉傑迪延續佢空有天份 (唔夠人高, 都總有d) 但陣上硬係發揮唔晒嘅半高不低定位, 佢喺西維爾被造就踢過正攻中, 邊路踢起亦有, 總好過以前喺史浩克04試過被屈踢防中...入波助攻都累積好幾次, 但唔足以令人激賞佢, 西維爾亦冇因而受惠太多 -荷西.甘彭拿希望在明天, U19歐國盃2011冠軍西班牙陣中其一傳球者潛力新星只需要交出好傳送就夠, 成事要睇隊友...今季佢初踢西甲, 暫時累積三次助攻 (哈哈, 對我地佢後備上陣助攻x2, 包辦製造2:6當中主隊所入兩球), 自己而言唔差, 球隊問題非佢一人所能解決, 佢目標肯定唔係今季上晒位架喇, 反正佢近來已經齋坐冇得踢...
雷耶斯呢咁? 季中回歸母會, 陣上吃力不討好, 我肯定佢覺哩個環境惡踢過上季馬會ok多...
11世青西班牙左翼衛安東尼奧.隆拿近來被母會用作左翼, 但除執自己死雞而喺西甲開齋之外佢基本上乏善可陳, 本身又唔係有個人突破能力, 係有d速度前插...我唔認為佢就係西維爾未來棟樑
塞內加爾前鋒巴巴.迪亞華拉季中加盟, 佢之前喺馬里迪莫作為前鋒射手, 技術一般, 速度唔突出但總算有些少衝刺力, 射術難稱精湛, 頭球反而幾好, 但一切都只係佢踢葡超時所留下嘅印象, 佢轉踢西甲果真前途未卜...雖則, 上輪安達路西亞打吡客負馬拉加 2:1, 佢後備上陣表現尚可, 臨尾有球頭球僅僅越楣
(結果我做唔到簡述...)
總結, 我就早覺西維爾今季冇乜希望, 前列一席不保都唔會太意外
喪失埋下季歐戰資格其實都未必係純粹壞事喎... |
|
IP卡
狗仔卡
顯身å¡
發表於 2012-2-6 02:17:21
