歐洲國家盃八強賽事 - 英格蘭 對 意大利

女武神

我覺得兩樣野都有問題啦
成隊既配合固然係差, 形成唔到有效反擊
但個別球員表現亦係水準以下, 連最基本既 ...
捷克NeVeD子彈 發表於 2012-6-25 15:04

朗尼狀態好D或者得，但佢除左06年踩人J之後好似冇大賽爆發過
即係中場就搵個曉組織既都等左成十年，前場見到D韋碧克迪科爾之流真係喊都無謂...

Dioray

我又唔太認同.

中場中
最有HOPE 既 WIHSHERE/ CLEVERLY 傷左.
CHAMBERLAIN 表現一般...

SMALLING, WALK ...
Gianni Rivera 發表於 2012-6-25 14:18

外圍賽頂住成績壓力？有邊個領隊敢用新人？

軒仔、張伯倫、鍾斯、拜恩斯…帶左去又出得幾多分鐘？朗尼28，但佢大賽的表現係點？係佢死火定陣容拖累？

半年後外圍賽

英格蘭始終都係糾結於「雙特」問題，屆時連防中都青黃不接，左右中場仍然要選唐寧，但最後出場係米拿、巴利？

結果始終係外圍賽踢到識飛，然後決賽周十二碼出局再賴欠運？

英格蘭打波同打仗一樣，永遠都唔識咩叫戰略，當德國人可以大膽放棄一屆大賽改革，英格蘭人仍然都係死抱帶最好陣容去賽事然後失望而回

自雙舒到雙特十多年年過去了，始終都係原地踏步

Gianni Rivera

外圍賽頂住成績壓力？有邊個領隊敢用新人？

軒仔、張伯倫、鍾斯、拜恩斯…帶左去又出得幾多分鐘？朗尼28 ...
Dioray 發表於 2012-6-25 15:26

外圍賽又唔用, 決賽要成績又唔用, 咁幾時用?

rooney, 的確自從04 年之後都無咩佳作. 但唔用佢又可以用邊個?

可能我要求低.
英格蘭可以去到8強已經係合理結果, 如果條線好d (對a 組) 可能更好.
今次首名出線仲係over-achieve 左. second 對spain 唔駛pk 就比人炒啦.
   
我又唔覺得德國又幾時放棄過.
02 亞軍, 06第3, 08 亞軍, 10 輸比spain.... 12..4強.

佢係08 後d 新人彈出來...
無邊個大賽係有放棄train 人.

我仍然認為大賽決賽係要盡量拎成績
之後係點係之後既事. 例如italy 係06 要train人而唔盡力拎個wc?? (italy 之後係廢左好多, 但都無理由要放棄 個時既成績 而為  第時  train人.)

唔知點解依度d 人會話welbeck 係唔掂,
佢係英軍前線少數hold到波又可以傳番比自己友既人.
你叫carroll 上場波都未控定就比人搶走左啦.

Solari

No doubt about the player who had the most influence last night: Italy's 33-year-old master Andrea Pirlo. According to a BBC Sport website analysis, the Juventus midfielder was by far the game's leading passer - making 131 passes. England's most frequent passer was Ashley Cole with 44. Pirlo also ran further than any England player, covering 11.58 kilometres. Steven Gerrard ran 11.26 km.

Gianni Rivera

No doubt about the player who had the most influence last night: Italy's 33-year-old master Andrea P ...
Solari 發表於 2012-6-25 15:49

Milan fans in rage.

Dioray

外圍賽又唔用, 決賽要成績又唔用, 咁幾時用?

rooney, 的確自從04 年之後都無咩佳作. 但唔用佢又可以用邊 ...
Gianni Rivera 發表於 2012-6-25 15:47

問題係有幾何見過英格蘭外圍賽大膽起用新人？

當然，觀點與角度

如果英格蘭自認同瑞典、丹麥同級，屆屆都係入分組賽達標，八強或以上係bonus，大家做球迷都無咩好講

但當自認世界第一流，現代足球發源地，下下以冠軍為目標，但都係捧果班明知唔得的球星出黎，要贏冠軍始終靠負碌

德國嗎？其實捧奇連士文出黎已經係一次改革信號，但意想不到的是，改革陣痛異常地短，幾乎唔覺

不過都係果句，德國同英國係足球底蘊上的差距，大概等同於德軍與英軍係wwII的差距

Gianni Rivera

問題係你幾何見過英格蘭外圍賽大膽起用新人？
Dioray 發表於 2012-6-25 15:58

至少WILSHERE, JONES, SMALLING, WELBECK, CARROLL 都係CAPELLO 手下有FIRST CAP

BTW, ENGLAND 條TEAM AVERAGE AGE比10 已經低左唔少
當然, 有無出場係第二件事.

自認世界第一流?>?
依句野我成日都覺得係反英D人作的....
就算係都係係. INTER-WAR PERIOD

EPL 就可能係.

德國勁過ENGLAND?
依幾十年有邊年唔係..

舒利亞

外圍賽又唔用, 決賽要成績又唔用, 咁幾時用?

rooney, 的確自從04 年之後都無咩佳作. 但唔用佢又可以用邊 ...
Gianni Rivera 發表於 2012-6-25 15:47

問題係要卡路爾做韋碧克做既野呢件事本身已經係錯誤
我本身諗住學神會識用卡路爾
結果原來都係唔得

Gianni Rivera

問題係要卡路爾做韋碧克做既野呢件事本身已經係錯誤
我本身諗住學神會識用卡路爾
結果原來都係 ...
舒利亞 發表於 2012-6-25 16:06

除左NEWCASTLE 邊個識用佢? :P

Dioray

其實是有點愛之心、責之切

作為前宗主國，飲英超奶大的，有哪個香港球迷沒有少許英格蘭情意結？至少英超球星，大家都是琅琅上口

但要承認的是，英格蘭球員係技術層面上，己見追不上世界一流，就連領隊戰術素養也非常落後

沒有翼，沒有供應，出卡路爾基本上是打少個，用來做前線支點，他的技術也是粗枝大葉了點

在這陣容下，選卡路爾還不如選高治

但英格蘭也有強項，至少防守是一流的，中堅已經多年沒有斷層，龍門也出返個hart，我相信未來十年後防也沒有問題

但中前場的問題，已經到了不得不重視的地步

makkaho

卡路爾我堅係覺得冇問題,係個打法玩死佢
韋碧克先係問題,我覺得佢直頭係迪科爾再降一個呢

小妖

其實是有點愛之心、責之切

作為前宗主國，飲英超奶大的，有哪個香港球迷沒有少許英格蘭情意結？至少英超球 ...
Dioray 發表於 2012-6-25 16:29

祖國一定強

捷克NeVeD子彈

我又唔覺得德國又幾時放棄過.
02 亞軍, 06第3, 08 亞軍, 10 輸比spain.... 12..4強.
Gianni Rivera 發表於 2012-6-25 15:47

德國肯定有啦
1998年俾克羅地亞淘汰出局, 2000歐洲國家盃一場不勝墊底
果段時期德國青黃不接好嚴重
經過兩屆大賽失利之後2002以老帶新加入左紐維尼、高路斯、芬寧斯、波歷克等人, 最後意外地係當屆世界盃拎左亞軍
然後2006世界盃加埋拿姆、普杜斯基、小豬冒起, 德國先慢慢上返正軌

捷克NeVeD子彈

卡路爾我堅係覺得冇問題,係個打法玩死佢
韋碧克先係問題,我覺得佢直頭係迪科爾再降一個呢 ...
makkaho 發表於 2012-6-25 16:43

我唔同意, 以卡路爾咁高大既身型, 理應可以對對面後防做到更多加衝擊, 尤其是高波方面
但佢做唔到, 依家唔單純係戰術問題就可以掩蓋佢既不足
好似尋晚場波, 佢無論面對派路、馬治奧、邦路斯, 係迎接高波時都落於下風, 呢樣野我覺得好值得詬病

至於韋碧克, 我真係冇乜野好講, 真心覺得史杜歷治可能會仲好D

~小朋友~

我唔同意, 以卡路爾咁高大既身型, 理應可以對對面後防做到更多加衝擊, 尤其是高波方面
但佢做唔到, 依家 ...
捷克NeVeD子彈 發表於 2012-6-25 17:08

其實係england踢前鋒真係搵黎搞
中場冇組織冇供應,搵邊個踢都死啦
出得welbeck都係想用佢勤力肯助守,活動範圍大,佢呢幾場既表現我已經俾佢合格
同佢做到配合/肯做配合得rooney...弊在rooney,young狀態都差
再望返個後備,仲有咩人揀...
遲下parker,g4都冇埋,唔知可以點,其中一個上位既係wilshere,但其他位呢...

捷克NeVeD子彈

其實是有點愛之心、責之切

作為前宗主國，飲英超奶大的，有哪個香港球迷沒有少許英格蘭情意結？至少英超球 ...
Dioray 發表於 2012-6-25 16:29

近十年黎英格蘭真係唔知踢過D乜出黎
好既球員唔係冇, 至少泰利、謝拉特、林柏特、碧咸、朗尼都係出色既球員
但由2002對巴西開始, 從來冇感覺到英格蘭有乜有自己風格既戰術同對手抗衡
打弱旅就靠個人球員技術, 打勁旅就龜縮

有好幾個問題
英格蘭太唔敢棄用大牌球星 (今屆鶴臣算好D, 林柏特咁岩傷左, 里奧費迪南同泰利唔岩KEY), 雙特問題講左N年, 效果之差係人都知但都冇人敢去解決 (今年謝拉特 + 柏加我覺得OK wor)
個人技術唔係特別出色, 同歐洲幾隊一線列強例如西班牙、德國、法國、意大利、荷蘭比, 地面進攻質素肯定不及
戰術又冇, 1996年果隊英格蘭雙翼雙閘傳中 + 兩個傳統中鋒呢個方法簡單得黎有效, 依家?
舒利亞舒寧咸退休之後, 連個二傳射門似樣D既中鋒都冇
兩邊翼既人選除左高速落底之外好似乜都唔識
人又冇, 戰術又冇, 踢出黎效果當然唔好

講真, 我覺得今屆英格蘭係達標了, 畢竟鶴臣接掌時間短, 打左4場至少防務做得唔錯, 冇乜特大犯錯
但進攻上唔花D心思去研究下, 之後大概極其量都係8強止步

捷克NeVeD子彈

其實係england踢前鋒真係搵黎搞
中場冇組織冇供應,搵邊個踢都死啦
出得welbeck都係想用佢勤力肯助守,活動 ...
~小朋友~ 發表於 2012-6-25 17:21

兩樣都有啦我諗, 執行戰術果個能力唔優秀, 而戰術又唔能夠令個別球員發揮佢最大功用
都係死架勒

~小朋友~

兩樣都有啦我諗, 執行戰術果個能力唔優秀, 而戰術又唔能夠令個別球員發揮佢最大功用
都係死架勒 :icon101 ...
捷克NeVeD子彈 發表於 2012-6-25 17:25

我承認我對welbeck係有偏好,因為係mu少有青訓前鋒

捷克NeVeD子彈

我承認我對welbeck係有偏好,因為係mu少有青訓前鋒
~小朋友~ 發表於 2012-6-25 17:30

其實我對韋碧克就冇乜反感, 純粹真係覺得佢好普通

捷克NeVeD子彈

朗尼狀態好D或者得，但佢除左06年踩人J之後好似冇大賽爆發過
即係中場就搵個曉組織既都等左成十 ...
女武神 發表於 2012-6-25 15:09

其實唔知點同朗尼定位好
佢技術有少少, 突破能力有少少, 速度OK, 射術OK
如果佢專心只做1998奧雲, 靠自己搵食可能效果會好D
打突擊時我唔信對方後衛可以好有信心截到朗尼

問題係我覺得, 領隊要求朗尼做既野太複雜
又想佢有份入波, 又想佢有份配合, 可能仲想係做多D防務
變左佢都唔知點好, 就失左佢應有既作用