|
|
發表於 2015-5-6 00:36:48
|
顯示全部樓層
本帖最後由 Raul_Gonzalez 於 2015-5-6 21:45 編輯
巴西國家隊第三門將正式由域陀.巴治變成佢前甘美奧隊友德國裔馬些路.哥夏
域陀.巴治仲終於正式不敵曾經同佢競逐巴西國家隊第二門將, 家陣似會(繼續)壓倒迪亞高.艾維斯而坐正的謝化臣.加華奧
中堅四人恐怕係名氣最大 + 最不會被非議的選擇, 唯一關注點在於祖奧.米蘭達 (仍不斷被傳會於來季轉踢英超) 能否持續搶去上一任巴西正隊長泰亞高.施華的3號球衣 (友誼波都印埋名架, 睇見就覺十幾號泰亞高.施華難看咯)
早前已落實來季加盟 RM 的丹尼路被確認接任巴西主力右翼衛 (而來季踢邊隊都暫未有定案的巴卡主力 DA 則被暫且棄用), 同佢一樣已經官至波圖其一副隊長(但排喺佢之後)的阿歷士.辛祖就落選巴西左翼衛...後備都冇得做, 因為菲臘比.路易斯今季獲 Daddy 賜佢寶貴的副選經驗?
法賓奴, 可踢防中的右翼衛, 今季歐冠被各大阿迷發現新大陸, 佢今季踢摩納哥同前季踢 Castilla (期間榮獲 Daddy 上調過, 仲賜佢 RM 正規軍 debut, 仲替補登場取得助攻) 都係被外借 (係佢被買出國之後的命運) (就快正式轉效大球會?)
只有一人正職殿後 -- 路易斯.古斯達禾
好吧, 卡斯米羅本季被 RM 外借波圖以來確係已成主力正防中 (球衣號碼及位置都繼承佢同胞 "八爪魚" 費蘭度) (Btw, 我就唔會想佢歸隊喇, 趁有黑店加持好評就貴賣去英超啦Hi), 只不過本質而言佢大可同路易斯.古斯達禾同場 (或者會相當符合鄧加口味喎...)
艾利亞斯復辟成功, 唉...你就當我識條鐵啦
佢會爭贏費蘭甸奴? 抑或一齊坐住睇卡斯米羅踢?
是的, 哩廿三人固然仍可踢 4-2-3-1 為主, 但我就覺 "挪亞方舟式" 咁理解係 4-4-2 為藍本似d...
三名技術型攻中: 古天奴不贅述, 另兩員都係左腳(踢右), 德格拉斯.哥斯達由當初出身甘美奧到後來出國加入薩克達的巴西外援大家庭都一直有被傳將會轉踢歐洲列強是但一支咁款...已掘金去了的艾華頓.列比路就成了巴甲近年盟主古些路在15美洲盃巴西大軍當中的唯一代表
加上翼唔似翼又攻中唔似攻中就係會攻又會協防因而深得 Daddy 寵信的威利安 (好吧, 又的確係好似幾實用, 冇佢喺薩克達時咁賣弄)
此四人爭兩個靠邊踢起的正職進攻的中場位置吧, 假設真係踢 4-4-2
(菲臘比.安達臣呢?! 鄧加唔識貨!?)
對上兩三年春風得意上位之後就一直有得入選的好幾名巴西常見中場人選都喺目前各自不夠理想的狀況之下就被鄧加乘勢棄選
正前鋒人選仍舊係遠非具說服力之輩...
費特 (已國際賽退役) 同祖奧有一時運勢之助而各有為國立功表現以後, 鄧加再教巴西就喺友賽時期試用過本季歐冠盃一度領先射手薩克達其一副隊長級主將路易斯.艾祖安奴但效果不似預期, 加上期間有同尼馬隊長一樣不善踢正前的賀芬咸主將費明奴有所表現仲有入球實績, 似乎鄧加索性唔理主力陣上有冇人適合走在最前鳥...
我就唔預期現已 "人望高處" 加盟中超盛世的迪亞高.泰迪利會踢15美洲盃巴西主力囉 (事實上佢由當初上位成名到後來終於喺明尼路ok多產都唔係頂好的箭頭料, 甚至唔係踢正前...Btw, 佢大國腳暫時只得兩粒, 都係喺中國北京鳥巢友賽入阿根廷)
至於都係唔擅長踢正箭頭／走在最前的侯克落選, 同前述一眾大概同期上位的中場隊友相較之下佢狀況冇咁差, 恐怕位置問題都未及信任問題咁大吧...
Btw
連 DA 都落選
咁巴西對上一次捧美洲盃那支大軍當中, 正係07那屆的冠軍主將兼神射手兼大賽最佳球員羅賓奴就係入選八年後這屆大軍的唯一一人, 兩屆都係鄧加做巴西名宿主帥... |
|
IP卡
狗仔卡
發表於 2015-5-5 23:32:19
提升卡
置頂卡
沉默卡
喧囂卡
變色å¡
顯身å¡
....................
