|
|
發表於 2004-3-30 00:25:11
|
顯示全部樓層
[QUOTE=魯爾~小明]第十三集
好快又過左一個月,o係呢個月裏面,我無心情去做任何野,淨係將自己收埋o係屋企,唔係訓就食,唔係食就訓,再唔係就對住部電腦玩icq,晚晚chat o既對像都唔同,而我亦都感覺到自己同一個廢人無咩分別,日日就係比屋企人煩住,日日d電話都會響過不停,呀媽話澎馬流浪打過好多次電話黎喎........
我無再操自己,無再去練波,無再約人踢波,總之凡係有關足球o既野我都無再掂過,決定左啦,都係放棄罷啦...
今朝呢個電話響左好耐,將我嘈醒左,我估計係澎馬流浪打黎,諗諗下,好啦,做人唔可以拖泥帶水,點都要有個交代,我鼓起勇氣拎起個電話筒,正想通知對方退隊之際......
"喂...家豪呀,係我呀,健威呀,你成個月去左邊呀,打黎一係就無人聽,一係你呀媽就話你唔o係度..."
"哦,無咩點,係呢,搵我咩事呀........."
"無呀,便利店請人呀,你又無咩做,不如一齊上去見工啦......."
"都好呀,幾時去呀..."
"就今日得唔得呀?"
"好呀..."
就係咁我同劉健威就o係我樓下o個間便利店度返工,雖然乜都要做咁,又要搬貨,執貨,收銀,入數一腳踢,但一d都唔辛苦,起碼好過o係屋企日訓夜訓先啦,就係咁,又過多一個月,澎馬流浪o個邊已經再無打過電話黎,我諗佢地都已經唔記得左我呢個人,我亦開始我o既新生活,都唔知有幾耐無掂過個波lu.......
有一日,有個著住成身運動裝o既中年男人走左入黎便利店,而我正o係度執緊貨...
"李家豪..!!"
佢開口叫我,我望一望佢....
"你點知我個名o架..."
"我就係澎馬流浪預備組o既教練岑志輝...."
聽到佢咁講,我的確有d驚訝...
"係呢,搵我咩事..."
"我想問下你你幾時會返黎球隊...?"
我沉默左一陣.....
"我唔會返黎o架啦...."
岑志輝猶豫左一陣....
"點解呀,唔通你隻腳o既傷仲未好返...?"
"唔係呀,其實我....其實我根本就唔夠資格加入你地...."
"點解咁講,資格唔係你定o架,係我地定o架....."
"總之我已經唔想再踢足球啦......."
我o既語氣開始加重,唔想同佢講落去,岑志輝對我o既說話亦感到好驚訝....
"既然係咁,我都唔再勉強你,但一日我仲係o係球隊,我都無任歡迎你返黎..."
佢好失望咁同我講完呢句說話之後,轉身步出便利店...
我見到佢咁o既樣,的確有d唔好意思,但奈何我真係唔想再踢波....
(待續)[/QUOTE]
有冇頭幾集
我之前無睇  |
|
IP卡
狗仔卡
提升卡
置頂卡
沉默卡
喧囂卡
變色å¡
顯身å¡
