|
|
這天我完成早上的兩轉車程,然後返家休息.
返到家中,我一邊聽電台節目,一邊玩Play Station 2打發時間.
“一股冬季季候風將於未來幾日影響華南沿岸,到時氣溫會下降至14度左右……”收音機的天氣報告這樣的說.
“頂!又黎……”我心想.
過了幾天,天氣變得寒冷,我每天冷到幾乎不想起床.不過為了生計,就算天氣再冷我都要準時回到車廠開始新一天的工作.
這天我和Miki一起在巴士內吃早餐的時候,Miki從她的手袋中拿出一條間條頸巾,然後遞給我.
“呢幾日天氣咁凍,我特登織條頸巾俾你.”
“正呀!係我最鍾意既紅色同黑色.你真係知我心意.”
“做得你女朋友當然要知你既心意,嘻嘻.”
在我讀大學的時候,我很羨慕男同學擁有由另一半所織的頸巾.雖然當時我和我暗戀的女同學關係很好,但她由此至終只當我是朋友,而她沒有送頸巾給我.想不到這天終於有女孩送頸巾給我了!
接著我戴上頸巾,走進站長室.
“拿,咪話我做大既唔醒D細既,今晚三串一阿仙奴贏,拉科贏,國米贏超穩.”強哥拿著報紙說.
“贏左同Setphy食餐勁既!”浩基說.
“贏左買件曼城波衫熨孫繼海.”阿新說.
“三串一?你應承我D咩架?”一把熟悉的聲音在我身後發出.我回頭一看,原來是Miki.
“應承得你既野我一定會做.呢D野我冇掂好耐.”我說.
“咁就乖啦,錫啖先!”Miki吻著我說.之後她走到站頭等候我開車.
“我好羨慕你同Miki咁恩愛.我到而家仲未追到Theresa.”阿峰說.
“呢D野係唔急得既,慢慢黎啦!”我回應道.
“佢叫你做咩你就做咩,你好有做老婆奴既潛質.”強哥說.
“唔好玩啦!Miki對我好溫柔架!佢唔會係一隻老虎.”我說.
聖誕節假期很快就會來臨,亦即是說Miki將會有一個十幾天的假期.雖然到時在巴士內看不見她的縱影,不過我倆仍會天天相見.
在以往的聖誕節,我在街上看著人們一對一對的逛街,心裡感到不是味兒.但今時不同往日,我已經不再是單身,這個聖誕對我來說是沒有灰暗的色彩.
究竟我應該準備甚麼節目去和Miki一起歡渡聖誕?這個問題足以令我傷腦筋.於是我打電話給浩基,徵詢他的意見.
“嗨!”
“係我呀!平安夜同聖誕節你同Stephy會有咩節目?我仲未想到果兩日點同Miki慶祝.”
“平安夜果晚我地會去睇戲同埋睇燈飾.聖誕節果日我地會去海洋公園玩番日.”
“海洋公園?有錢得你丫!”
“你不如同Miki去添馬艦個環球嘉年華丫!果度好多野玩架!”
“都好.唔該晒你先.唔同你講喇,我有電話入.”
於是我按掣接聽另一個電話.
“嗨!”
“阿峰呀!請問你聖誕節果晚得唔得閒?”
“你冇搵錯人.咩事呢?”
“果晚Theresa會係佢屋企攪聖誕party,想睇你同Miki去唔去者.而家阿基,Stephy,阿新,Kary話會去.”
“去!同你地happy下都好.”
“記住唔好放飛機呀!”
“得啦!果晚見啦!”
掛線後,我已經想到平安夜和聖誕節的行程.平安夜當晚收工後和Miki一起看電影和看燈飾.聖誕節當日日間和Miki去環球嘉年華,夜晚和Miki去Theresa家中出席她的聖誕聯歡會.
日子過得真快,平安夜終於來了.這晚我依時將巴士駛回車廠,然後往Miki家中吃晚飯,晚飯過後便是戲肉來臨的時候.
當我倆到尖沙咀時, Miki問我:“今晚有咩攪呀?”
“嗯……去睇戲丫!”
“好呀!我想睇[無間道3].”
“你鍾意啦!睇完戲我地去睇燈飾.”
其實我是屬意看[地下鐵]的,不過Miki一心想看[無間道3],就順她意吧!只要能令Miki開心,我做甚麼也不介意.
[無間道3]果然沒有令我倆失望,每分鐘很是精彩.散場後我倆手拖手往尖東海傍看燈飾.
看見這些如斯美輪美奐的燈飾,我的攝影癮又發作,我拿起數碼相機不停地拍照.不過Miki似乎不太滿意我只顧拍照.
“咪掛住影啦!理下我啦!”
“Sorry,係我唔岩,忽略左你添.”
看完燈飾,我送Miki回家,平安夜就這樣的過去.
翌日由於是”紅字”的關係,我毋須開工.這天我吃完早餐,便和Miki一起前往環球嘉年華會場.
會場內的遊戲雖然很好玩,但每次動輒二三十元.不過看見Miki玩得這麼開心,我也忘記了錢包的”損傷”.
正當我倆排隊玩摩天輪的時候,阿峰和Theresa也在排隊.
“喂!咁岩既?”阿峰說.
“你黎呢度又唔同我講,個party係唔係今晚七點開始?”我問.
“係呀!Miki,今晚個party你記住早一個鐘頭去我屋企.”Theresa說.
“好既.”Miki說.
原來今晚的聖誕聯歡會Miki會協助Theresa籌備食物.
我倆在摩天輪內互訴心事,原來向最愛的人訴心事會令自己感到更舒服.當我倆離開摩天輪的時候,我不敢相信自己的眼睛,還以為看到的是幻象.
待續 |
|
IP卡
狗仔卡
發表於 2004-4-13 13:07:50
提升卡
置頂卡
沉默卡
喧囂卡
變色å¡
顯身å¡
發表於 2004-4-13 23:53:56