|
|
上集講到眾人係蘇甘甘屋企p左成晚, 基羅斯仲對蘇甘甘個妹 – 肉酸琪產生興趣添!!
不過今集唔會講佢地兩個  ~
Story 10
今日天文台掛起3號風球…
~~消防局~~
阿爆:「 而家3號波啵, 希望唔好掛8號啦, 8號出動既話好慘架…」
肥勤:「 我聽收音機話呢個風可能吹正香港啵, 係就扑街啦~」
[特別新聞報道] 一則特別新聞報道, 我係李樽… 颱風《團部》現正集結係香港以南約 169公里, 天文台表示不排除在稍後時間改發八號風球。 凸別新聞報道完畢。
阿爆睇完新聞之後突然大叫!!!!!!
阿爆: 「 啊!!!!!!!!!! 點解唔係珠珠報新聞架!!!!!!!  」
七狼: 「 睇黎呢個團部可能會兜口兜面咁中正香港啵!」
航仔: 「 講咁多做乜呀, 落去抹架生啦!!」
眾人落到大堂, 見到謝拉 特企左係度 (唔知佢乜水o既話睇返上集啦小 )
航仔: 「 咦, 點解你會係到既﹖」
謝拉特: 「 醫生話白賴仁佢聽日就出得院啦!」
航仔: 「 真係﹖﹖ 咁咪好囉~」
謝拉特: 「 個醫生話你地成班蛋散成日襯佢病, 走去睇下佢仲有冇命嘛~ 為左多謝你地, 我特登走去元朗講左幾個蛋散比你地食~」
肥勤: 「 唔係買老婆餅先會特登走入元朗買架咩…」
航仔: 「 你真係有我地心喇~」
謝拉特: 「 但係我今朝冇食到早餐, 所以我係黎緊o既途中, 係車上面已經食晒佢啦~ 而家得返個盒~  」
肥勤拎住個盒, 心諗: 「 唔怪得咁輕啦, 頂…」
航仔: 「 你真係客氣啦~..」
謝拉特:「 幾架~」
謝拉特理直氣壯咁講
謝拉特: 「 我都係唔阻住你地啦, 我上去飲杯茶食個包就走架啦~」
於是謝拉特又老實不客氣咁走左上canteen飲杯茶食個包啦, 而眾人就繼續抹架生
==晚飯時間==
阿爆: 「…」
航仔: 「…謝拉特…點解你仲未走既﹖」
謝拉特:「 出面風大雨大, 我走唔到呀, 我今晚係度過夜架啦~ 」
阿爆: 「 呢度邊有位比你訓呀﹖﹖」
七狼: 「 有~ 訓消防車囉~」
基羅斯: 「 你諗都唔好諗呀!!  登勤今日冇返工, 你訓佢張床咪得囉!」
「 邊個夠膽訓我張床!!!!!!!!!!!!!!!!!!!!!!!!!!!!!!」
原來登勤返左黎!!
基羅斯: 「  登勤…你唔再休息下添﹖」
登勤: 「 休你個頭! 我乜事都冇, 老偶都可以扑死幾個!!」
<<叮咚咚叮>> [ 特別服務 交通意外 旺角出細搶, 泵車, 救護車 地址係…]
~~事發現場~~
現場落緊好大雨, 有3架車係十字路口抄埋一碟, 一架私家車, 一架van仔同一架旅遊巴形成左個類似mitsubishi咁樣既形狀
蘇甘甘: 「 嘩, 咁大獲呀…」
蘇甘甘吩咐其他人拎架生前去救傷者, 佢就埋去近距離睇下點搞
眾人都standby 好,
蘇甘甘: 「 登勤, 航仔, 你地救左個旅遊巴司機先..」
冬之子: 「 阿sir, 個van仔司機自己爬左出黎啵!!」
睇黎個van仔司機冇乜事, 只係流左少少蚊飯~
蘇甘甘: 「 ok, 而家只係淨低個私家車司機同乘客姐…」
架私家車車頭扁晒咁滯!! 睇黎個司機都係冇得救咁滯架喇…
阿爆就打開左隔離位個車門, 佢見到個女乘客個樣好面善…
阿爆:「 咦, 呢個咪係瑪姬﹖」
登勤: 「 唔係嘛…」
阿爆: 「 係真正個瑪姬呀!! 女明星呀!」
登勤呆左…
登勤: 「 唔係嘛…」
雨勢愈落愈大… 而且間中有好多聲行雷同閃電…
登勤: 「 瑪姬, 我黎救你!!!」
登勤好激動咁衝埋去救瑪姬
但耐何瑪姬隻腳夾左係個車頭度, 郁都郁唔到…
登勤係咁用個斧頭由車入面敲個車頭, 希望敲鬆佢..
蘇甘甘:「 ｓｔｏｐ ｉｔ！！ 你傻架﹖ 咁樣敲點幫到佢呀, 你冷靜d先啦!!」
登勤依然好激動咁敲!!
阿爆:「 頂!!」
阿爆拖走左登勤…
架私家車車頭比架旅遊巴壓住左一半…
蘇甘甘:「 大家夾手夾腳推開架旅遊巴先啦!」
眾人合力推開架車。 幾經辛苦, 架旅遊巴終於被推開左~
眾人又行返去架私家車度諗計
突然, 一下雷聲畫破長空!!  一下雷擊擊中左架旅遊巴!!!!!!
旅遊巴發生爆炸!! 火勢直迫果架載住瑪姬o既私家車！！！ 
究竟瑪姬會唔會冇事呢, 同埋, 蘇甘甘、航仔、七狼等人會唔會中埋招呢﹖﹖﹖
下集講 |
|
IP卡
狗仔卡
發表於 2004-8-28 19:43:17
提升卡
置頂卡
沉默卡
喧囂卡
變色å¡
顯身å¡
發表於 2004-8-28 20:23:03
發表於 2004-8-28 20:47:56