|
|
2004年夏天,全港掀起歐洲國家盃熱潮.我這名荷蘭”死硬派”球迷,在揭幕戰前特意用了六百多元購買荷蘭隊橙色球衣,背面還印上史譚的名字和號碼.
“件波衫好睇嗎?”我恨不得將這件球衣展示給Miki看.
Miki縐起眉頭:“?!又波衫呀?你悶唔悶D呀?”
我討好Miki:“好喇好喇!我以後會著少D波衫.”
“算你啦!”
賽事期間,浩基,阿峰和阿新每天下班後一定會到馬會下注.我為了Miki不敢踏入馬會半步,若給Miki知道我故態復萌,她必定恨透我了.
這天早上,我在平田總站開車前在站長室和強哥以及其他司機閒聊一會.這時阿新向著我,浩基和阿峰說:”今晚有冇興趣去Kary屋企睇英葡大戰?佢屋企部三十四寸Plasma電視好正架!””
“好!我call埋Theresa黎!”阿峰說.
“我又帶埋Stephy黎先!”浩基說.
“我要同Miki見證英格蘭輸波.”我說.
當晚我們四人帶著另一半去Kary家中看英格蘭對葡萄牙的賽事.每當英格蘭球員(尤其是碧咸)帶球時, Theresa和Kary這兩名英格蘭球迷都會興奮地尖叫.相反每當葡萄牙球員帶球時,她倆表現得很是肉緊.
兩小時過去,兩隊要互射十二碼定勝負,打頭陣的碧咸再度射失十二碼.
我模仿Nike電視廣告,按著Miki的頭:“Ole!”
Theresa激動地指著電視:“碧咸,你太令我失望喇!”
Kary怒罵:”碧咸,你去踢飛機欖啦!”
到了第六輪,葡萄牙輪到門將列卡度主踢十二碼.只要他射入,便能實現我的願望------英格蘭出局.
Theresa驚訝地說:“?!龍門射十二碼?”
阿峰:”佢射入至奇.”
列卡度右腳射入十二碼,意味著英格蘭可以提早歸家.Theresa和Kary頓時露出失望的表情.
阿峰吻著Theresa:”唔好唔開心啦!勝敗係兵家常事.”
Kary向阿新說:”我相信英格蘭可以係下屆世界盃捲土重來.”
暑假過去了,這天是開學日.去年今日,我遇上了Miki.不知為甚麼,我心裡湧現了和Miki同居的念頭.
當晚我放工後如常和Miki共晉晚餐.
Miki考一考我:“記唔記得今日係咩日子?”
我笑著說:”今日係我地相識一周年.呢排我覺得我地既相處時間唔夠多.”
Miki驚訝地說:”我地日對夜對仲唔夠呀?你想講D咩呀?”
我神色凝重:”我地一齊住好嗎?我屋企雖然300呎都冇,但係都夠住兩個人.”
對於我突如其來的要求,Miki顯得不知所措:”同居?!俾D時間我考慮下.”
之後的幾天我沒有向Miki提及同居的事.若我不斷地提及,好像強迫Miki似的.一星期後,Miki在我駕駛的巴士內給予我答案.
Miki:”我想過喇,我決定左同你一齊住.”
太好了!Miki終於答應了我和我同居!我的心情比中了六合彩更加興奮.當晚Miki帶同她的私人物品搬進我家中,開始我倆的同居生活.而Miki準備睡在我家的雙人床(也是我家唯一的床)時,我幽了她一個默:”放心啦!我係冇鼻鼾既.”
“我想我會訓得好好呢!呀!我已經整好聽日既早餐,你聽朝係微波爐度叮番熱佢啦!”Miki笑著說.
第二日起床,我看見Miki睡得很甜,就知道她不會出現不適應問題.然而Miki睡覺的樣子很可愛啊!在出門時,我禁不住輕吻了Miki的嘴.
我完成早上第二更的半轉車程,走進葵盛東總站站長室.
“喂!聽阿峰佢地講你而家同阿嫂同居,係咪真架?”海叔問我.
“係呀!”
“你兩個幾時拉埋天窗?”
“嗯……我希望兩年內娶到佢.”事實上,我在年初開始積極地儲錢及減少不必要的開支.而我已訂立目標,在兩年內和Miki結婚.
自從家中多了Miki這名新成員,我每晚放工都會準時在八時三十分回到家中.在家門前總會聞到食物的香味,這些香味使我感到自己可能是世上其中一個最幸福的男人.
我倆就這樣的同居了三個月.十二月某天,阿峰完成早上第一更的半轉車程後主動和小休中的我閒談.
阿峰:“今朝你舊愛上左我架車.”
“唔明.”
“Natalie呀!你大學時代暗戀果個女仔呀!”
“你眼花乎?”
“我敢肯定果個係Natalie!”
我不太相信阿峰的說話.下午五時十五分,我駕著巴士接載Miki回家,而我感到一種不祥的預感.當巴士駛到葵興地鐵站,我赫見Natalie正在等候三十八號線.
不祥的預感終於應驗了.Natalie再次在我面前出現,使我勾起當年的悲痛回憶.
待續 |
|
IP卡
狗仔卡
發表於 2004-8-30 23:08:11
提升卡
置頂卡
沉默卡
喧囂卡
變色å¡
顯身å¡
發表於 2004-8-31 00:17:22
發表於 2004-8-31 01:29:24
