|
|
上回提要:
阿爆: 「 damn it!!!!!」
Story 12
第二日, 大家放工之後走左去醫院接出院o既白賴仁
~~黃綠醫院~~
阿爆: 「 你前排唔係話要做乜鬼物理治療架咩﹖ 點解咁快出得院既﹖」
謝拉特: 「 醫生話佢意志力驚人, 而家個籮柚已經好得七七八八架喇, 只係間中要返黎檢查下姐~」
七狼: 「 比人檢查﹖  」
白賴仁: 「 係喇, 為左..」
謝拉特突然插咀
謝拉特:「 我表哥話為左慶祝佢出院, 大家今晚一齊去佢屋企開p喎~」
七狼: 「 又開p﹖~~」
白賴仁忍唔住破口大罵謝拉特
白賴仁: 「 我頂呀! 你而家係咪當我死左先! 係咁搶我d對白!! 你都知我戲份唔多架啦, 連果幾句對白你都搶埋黎講!!!  」
白賴仁同謝拉特打起上黎…
阿爆:「 你地唔好咁啦..」
阿爆說罷又單拖拖走左謝拉特…
於是, 大家又決定今晚去白賴仁屋企開p
==晚上==
阿爆自己一個前去白賴仁屋企
阿爆: 「 嘩…乜咁難搵架…  」
阿爆已經遲左出門口, 佢打算向人問路
突然, 佢見到有兩名大漢拖左條女入後巷!!
阿爆基於好奇兼咸濕o既心態前去探個究竟．．． 
阿爆係角落頭偷望入去, 見到個少女比個大漢渣  ……住條頸
大漢: 「 你差我地條麻雀數幾時還呀﹖!」
少女冇答到佢
大漢: 「 快d答我呀!!! 答我呀!!!!」
壯漢: 「 大哥, 你鏈得佢太實啦…佢講唔到野…」
大漢放左手
大漢: 「 快d講!!」
少女: 「 大佬, 我冇錢呀…如果我買果幾萬張六合彩是但中左張頭獎o既話咪有錢還囉~」
大漢: 「 幾萬張…你差我地五千銀咋嘛!! 買咁多張六合彩都唔還比我地﹖﹖!!  」
阿爆突然殺出!!
阿爆: 「 豈有此理! 光天化日之下竟然欺負良家婦女﹖!」
壯漢: 「 何來光天化日呀…」
大漢: 「 o靚仔, 你想做架銀兩呀﹖」
阿爆: 「 擺明架啦!」
於是阿爆就同兩名大漢打埋一齊啦!
阿爆: 「 喂!! 唔好攻下面好啵!!」
大漢: 「 呀!! 你好毒啵!!」
經過一輪激戰, 阿爆以一人之力擊退左兩個大漢
阿爆休休條褲先
阿爆: 「 小姐, 點解你同呢d人拉上關係呀, 好危險架!」
小姐: 「 我……我為左幫我果個體弱多病o既阿媽買藥…所以…..所以先至….嗚嗚嗚」
阿爆: 「 買咩藥要咁多錢呀…」
小姐: 「 by the way, 我好多謝你呀先生, 我叫茄雲呀, 比張咭片你呀~我趕時間, 我走先啦, byebye~」
阿爆睇一睇張咭片, 寫住
「 忽腰貿易公司
行政總裁
李茄雲 」
阿爆: 「 咁高級咁既… o shxt! 唔記得左去白賴仁屋企添!!」
阿爆即刻發晒癲咁周圍問人點去
半小時後, 阿爆終於到達
阿爆: 「 唔好意思呀…我有d事, 所以遲左…」
阿爆到達果陣大家已經party緊
白賴仁: 「 喂~~有邊個想玩臀部相撲呀﹖~  」
七狼: 「 我黎!  」
航仔: 「 我先呀!  」
蘇甘甘:「 wow Yeah!」
阿爆是但搵個位坐低左…
「 喂! 」 坐阿爆隔離果個人喂阿爆
阿爆望一望
阿爆: 「 咦! 你咪係頭先果個咩茄﹖」
茄雲: 「 茄雲呀~ 乜你係消防員黎架﹖ 唔怪得咁好打啦」
阿爆: 「 呀..係呀, 點解你係度o既」
茄雲: 「 冇, 我係登勤個friend 黎架, 佢唔得閒黎, 咪叫我黎玩囉~」
阿爆: 「 係喎…登勤呢﹖」
航仔行埋阿爆度
航仔: 「 登勤去左醫院睇呀瑪姬喎! 咦, 係度媾女呀﹖ 咁阿嬌呢﹖」
茄雲: 「 原來你有女朋友架喇…我明喇…唔好意思, 我有d唔舒服, 我走先…」
茄雲就咁走左喇
阿爆望住茄雲o既背影…諗左陣, 叫左航仔入房
阿爆: 「 航仔, 你入一入黎呀~  」
航仔: 「 搵我咩事呀」
阿爆刪埋房門…
「 啪啪啵噗啪!!~~! 」
房入面傳出打鬥聲…
~~黃綠醫院~~
登勤係大堂度等侯瑪姬o既消息
有兩個醫生經過登勤
醫生: 「 果個女明星傷得咁重…睇黎都…」
登勤聽到就即刻撲埋個醫生度!
登勤: 「 醫生! 你地一定要想辦法救下瑪姬呀!! 我求下你地啦!  」
登勤哀求兩個醫生
醫生:「 我地會盡力架喇…」
之後有兩個實蕉捉住登勤!
登勤: 「 做咩事﹖ 你地想點﹖﹖」
護士: 「 就係呢條友係度賴死唔走, 係度話係佢救瑪姬o既! 快d同我拉佢走!」
登勤: 「 真係我救佢架..」
護士: 「 出面d fans夠話係佢阿媽啦, 唔通比晒佢地入黎呀﹖ 實蕉, 快d拉佢走!」
登勤: 「 我唔制呀~~! 成日比人拖走~!  」
登勤一路喊一路比人拖走左…
12集完 |
|
IP卡
狗仔卡
發表於 2004-9-6 17:15:26
提升卡
置頂卡
沉默卡
喧囂卡
變色å¡
顯身å¡
發表於 2004-9-6 17:31:46
發表於 2004-9-6 20:27:38
