|
|
上集講到白賴仁出左院, 成班人走左去佢屋企開party. 阿爆就咁認識左茄雲啦~
而登勤就係醫院等侯瑪姬o既消息, 點知等等下比實蕉拖走左!
Story 13
~~消防局~~
為左慶祝白賴仁出院, 大家都夾錢搞左個歡迎會
蘇甘甘: 「 前晚咪開左p囉, 而家又要搞乜春會, 我d錢冇喇..  」
航仔: 「 咪咁啦, 難得有一次咁o既事, 咪慶祝下囉~」
白賴仁: 「 航仔, 你咁講咩意思先…」
史談失驚無神鼠左出黎!
史談: 「 白賴仁, 你陣間食完野入一入黎我屙佛士呀!」
史談拎左兩隻燒雞同擔左幾個蛋撻返office~
<<叮咚咚叮>> [ 特別服務 氣體洩漏 旺角出細搶, 泵車, 救護車 救護電單車 ]
史談: 「 豈有此理! 我隻雞仲未食架!  」
大家都上左車, 唯獨唔見左登勤..
航仔: 「 咦, 登勤呢﹖」
阿爆: 「 唔知呀, 今朝都冇見過佢」
細搶車開始駛出門口
「等埋!!!」 登勤終於出現啦!!
「o彭」 一聲, 登勤上左車
登勤一上車, 即刻丘一丘條褲先~
航仔: 「 嘩, 你趕到甩褲呀﹖」
阿爆即刻掩住個鼻…
阿爆: 「 我諗唔係啦……  」
登勤: 「 我肚屙左成朝呀! O岩o岩去車果陣我仲屙緊…」
航仔: 「 咁你…」
大家都冇出聲, 即刻申個頭出車度
「 o彭」航仔個頭撞左落條燈柱度．．． 
航仔: 「 小呀, 好彩帶左頭規姐!」
~~事發現場~~
阿爆望一望隻錶
阿爆: 「 咦, 基羅斯, 今日手車快左啵!」
基羅斯: 「 係你隻錶壞左姐!」
阿爆又望下隻錶,
阿爆: 「 頂呀, 真係唔郁啵!  」
阿嬌就同史談講話有個阿嬸話係佢屋企漏媒氣, 屋企仲有人係度添!
於是史談就揹住ba 帶住大家一齊上樓喇
上到樓, 史談發現道閘反鎖左!
阿爆見白賴仁企到好後…就話喇,
阿爆: 「 今次等我爆門啦!」
史談: 「 好, 白賴仁, 準備開喉介備啦!」
阿爆戰戰兢兢咁拎起大鉗…剪開道鐵閘 
肥勤: 「 千其唔好黎真呀! 唔係唔得你死啦…………………」
史談: 「 開喉!」
阿爆即刻打開道門!
阿爆: 「 好彩冇爆到!」
發現係劉料之後, 大家入屋抄左一抄, 搵唔到有人
於是大家就落返樓,
阿爆: 「 好彩係劉料姐!」
登勤: 「 但係果個師奶點解話係佢屋企溜媒氣既﹖」
阿爆: 「 咁你住果層溜媒氣o既話, 你都想人第一時間救左你間屋先架~」
登勤: 「 咁又係…」
~~消防局~~
就黎晚飯時間, 登勤扭開部電視睇下新聞先
[ 六點半新聞報道] 大家好, 我係珠珠~ 日前發生車禍o既藝人瑪姬, 經過一輪搶救之後, 終於渡過危險期, 現時情況穩定。 佢需要留院接受檢查, 跟住係其他新聞……
航仔: 「 咦, 瑪姬冇事喇啵」
登勤即刻開心到係咁傻笑~ 
阿爆: 「 史談叫左白賴仁搵佢, 大家快d去聽下咩事啦~」
於是佢地就走左去史談office門外偷聽
白賴仁: 「 史sir, 你搵我咩事呢﹖」
史談: 「 首先你冇事出返院我非常之開心, 但係我有件事想同你講..」
白賴仁: 「 有野就講啦!~」
史談: 「 你都知而家政府成日亂咁洗錢, 搞到我地呢d政府機構要縮減開資架喇。」
白賴仁: 「 我都知個政府唔掂, 但係講比我聽做乜﹖」
史談: 「 而家消防處慳得就慳, 局長睇過你既報告, 佢決定…」
白賴仁: 「 咩話!!!!!!!」
史談: 「  我仲未講… 局長決定炒你…原本我諗住調你去文職, 但係消防處d文員都冇乜用, 加上局長話慳得就慳, 所以…」
白賴仁冇出到聲… 就返出房
白賴仁出到門口見到大家都企晒係度, 場面尷尬非常…
航仔: 「 …唔緊要o既, 唔做消防唔洗死既．．．」
七狼: 「 你唔洗咁急執野呀, 你仲有成日慢慢過埋佢…」
白賴仁粒聲都冇出就返左房
阿爆就走入去同史談傾
阿爆: 「 太過份啦!!!!!!!! 白賴仁同我地出生入死左咁多年, 你而家話炒佢﹖」
史談: 「 我都唔想, 但係我真係冇辦法…」
阿爆: 「 太可惡啦!!!! 我忍無可忍啦!!」
阿爆谷谷埋埋咁多年o既怨氣終於要爆啦!!
大家即刻走埋去拉住阿爆!!
史談: 「 咁你想點呀!! 係咪想打過呀!!」
阿爆: 「 打咪打!!」
隔左一陣, 阿爆同史談係操場拎左兩個車輪準備要黎打!
肥勤: 「 死囉, 佢地要打車輪喇…  」
航仔: 「 希望唔好有事啦」
蘇甘甘: 「 呢種決鬥方式的確幾新穎啵!  」
阿爆: 「 邊個最快打爛個車輪o既就為之嬴!」
史談: 「 好, 輸左果個要洗乾淨晒成間局!」
阿爆: 「 一言為定!  」
於是兩個人就係咁打車輪啦!!
蘇甘甘: 「 上呀!!」
七狼: 「 加油呀!」
冬之子: 「 上上上!」
蝦仔: 「 yeah!!」
白賴仁就係呢d嘈炒o既叫聲中離開左… |
|
IP卡
狗仔卡
發表於 2004-9-13 15:29:35
提升卡
置頂卡
沉默卡
喧囂卡
變色å¡
顯身å¡
發表於 2004-9-13 16:46:04
