|
|
上回提要:
史談: 「 媽的 , 航仔蝦仔拖兩條喉上去, 冬之子就升上去5樓外開喉, 其他人全部咩ba跟我上樓!」
阿爆: 「 先生, 你隔離房火燭呀! 你做乜仲留係度呀﹖ 頭先冇人嗌火蠋咩﹖」
捷禾: 「 o下… 我聽唔到啵…我o岩o岩沖緊涼, 仲以為佢有免費熱水供應咁正添…原來隔離火蠋．．．． 」
茄雲: 「 真係辛苦你喇, o岩o岩放工就要仆黎接我~ 」
阿爆: 「 唔緊要啦, 能夠送你返工, 係我o既榮幸~~等我幫你挽鞋啦~」
Story 15
馬豬今日day off, 所以約左阿嬌去睇戲~
阿嬌遲左成半粒鐘先到．．．
阿嬌: 「 唔好意思, 遲左少少~」
馬豬: 「 少少姐, 少少姐…」
馬豬大熱天時企係街度等到出晒汗
阿嬌: 「 係呢, 我地今日睇咩戲呀﹖」
馬豬心諗: 兩個人睇戲梗係要睇d浪漫d o既戲架喇
馬豬: 「 一於睇異獸戰啦!~」
阿嬌: 「 好似好浪漫咁啵, 我驚會睇到喊.. 」
等左陣, 終於開場啦, 馬豬一馬當先咁行, 去到a院入口, 馬豬鼓起勇氣拖住阿嬌入場!!
馬豬: 「 …阿嬌…做救護做到你隻手粗晒喇…等我第時同你拉埋天窗..你就可以嘆世界架喇………」
肥勤: 「 我唔興呢味野架啵!  」
馬豬嚇左跳!!
馬豬: 「 嘩 小!! 點解會係你架﹖」
肥勤: 「 我黎睇戲嘛~」
阿嬌而家先入場,
阿嬌: 「 咦, 肥勤, 乜咁o岩呀~」
肥勤: 「 阿嬌﹖ 你又黎睇呢套戲呀﹖ 聽人講呢套戲好感人架~」
阿嬌: 「 咁就好喇, 大家一齊睇啦~」
==睇戲時間==
馬豬心諗: 陣間實嚇到阿嬌撲埋我度姐
阿嬌睇到入晒神, 突然…異然閃左出鏡!!
「「「「嘩!~~!!!!!」」」」 全場尖叫!! 
馬豬: 「 仲唔撲埋黎﹖」
“ o彭” 一聲, 馬豬比肥勤壓扁左! ( 肥勤咁o岩坐馬豬隔離 )
肥勤: 「 我好驚呀………嗚嗚...  」
馬豬陷入半死狀態…
阿嬌: 「 唔好喊啦, 姐姐呵返啦~」
阿嬌安慰嚇親o既肥勤
肥勤: 「 一d都唔感人既!~~」
又突然, 阿嬌個電話響起 “咇咇咇咇” 咁o既聲
阿嬌: 「 喂, 係……係呀…好啦…咁我而家黎啦~」
阿嬌收線後就即刻同馬豬&肥勤say bye 走左
馬豬同肥勤都呆左咁望住對方
馬豬: 「 跟!!」
馬豬同肥勤戲都唔睇就走去跟縱阿嬌喇
出到戲院門外, 馬豬見到阿嬌上左架私家車, 佢地即刻截架的士跟住佢
半打鐘之後, 阿嬌係一座公寓外落左車, 行左上公寓
馬豬: 「 唔係嘛…」
佢同肥勤二話不說就上左樓
上到去佢地發覺原來得一層, 有好多廣告板掛係度
肥勤: 「 嘩… （ 熟女 ）, （ 少婦 ）, 呢度咩地方黎架…… 得閒黎飲下茶先~」
又再一次突然, 阿嬌係一個單位走左出黎, 佢同隔離果條友十指緊扣緊!!!!!!!!!!!!!!!!!!!!!!
馬豬同肥勤大怒!! 
馬豬二話不說就一拳打左落阿嬌隔離條友度!
條友: 「 哎呀~~~~~!!」
條友訓低左!
馬豬: 「 咦, 咁淋o既…」
阿嬌: 「 阿sa, 你冇事呀嘛﹖ 你有冇搞錯呀﹖ 咁樣打人都有架!」
馬豬又呆左一呆, 肥勤好似get到 d野, 開始鬆人
阿sa: 「 女人你都打, 你係咪男人黎架!!」
馬豬隻眼凸到就跌出黎咁滯!
馬豬: 「 女人…咁阿嬌…你…」
阿嬌: 「 係呀, 咁點呀! 而家咩年代呀, 我地咁in, 梗係要試下架啦~  」
呢一日, 係馬豬o係世上最苦o既一日．．．．．．
事情句一段落, 幾日後…
~~消防局~~
登勤發現唔見左肥勤,
登勤: 「 咦喂, 肥勤呢﹖」
阿爆: 「 我頭先經過廁所, 聞到好大陣煙味, 梗係肥勤係廁所庖馬經啦~」
肥勤閃左出黎, 好精神咁話: 「 邊個想買馬﹖  」
登勤: 「 嘩, 你叉完電喇﹖」
史談忽然call晒全部人落樓
史談: 「 今日局長話比我知有架消防電單車黎左我地局, 亦即係話, 我地需要一位同事去渣一渣佢。」
阿爆: 「 o下, 咁係邊個渣 呢﹖」
史談: 「 要渣呢架車, 當然係要接受過訓練o既人先得啦~」
基羅斯: 「 唔會係我掛~」
史談: 「 你都十下十下既, 你地呢輪有人返八鄉受過訓咩﹖」
基羅斯: 「 咁你肯講邊個未呀﹖  」
基羅斯條氣有d唔順
史談: 「 渣呢架車o既同事呢, 就係由其他局調黎既~ 佢就係 - - - 希亞喇~」
阿爆: 「  」
阿爆同希亞o既關係… 大家睇返早期唔知第幾集啦~
史談: 「 阿爆, 你地以前都合作過架喇, 而家再度合作, 係咪好開心呢, 唔洗多謝我架~~」
史談轉個頭就走左喇
希亞: 「 大家好, 我係希亞…」
希亞係一位年近三十歲o既呀叔
<<叮咚咚叮>> [ 一級火警 垃圾火 旺角去泵車, 救火電單車, 救護車]
希亞一到步就要出動, 認真唔老黎
1分鐘後, 希亞趕到現場, 見到有個垃圾房燒緊
於是希亞就走埋去救火喇, 其他人仲趕緊黎
希亞救救下火, 有個人下半身著晒火咁由垃圾房走左出黎!!
於是希亞即刻對住佢下面射水!!!
咁o岩泵車趕到,
肥勤: 「 呢種感覺…肯定非筆墨所能形容到!  」
阿爆: 「 講咁多野做乜呀, 快d駁喉救火啦!」
過左陣, 火救熄左, 比火燒果個人都冇乜事
於是阿爆就走去問一問佢野
~~救護車~~
阿爆: 「 馬豬, 佢冇乜野嘛﹖」
馬豬: 「 冇乜野, 只係受左少少刺激姐, 但係仲做到野既~  」
阿爆: 「 …我問 “佢” 冇乜野嘛﹖」
馬豬: 「 … “佢” 冇乜野喇, 皮外傷姐, 頭先d差佬同佢落埋口供添啦。」
阿爆望一望果個人, 覺得好似係邊度見過咁…
阿爆: 「 咦…先生, 我地係咪係邊度見過架﹖」
捷禾: 「 係呀, 我地咪係上次酒店火燭果陣見過架囉~」
阿爆: 「 係啵, 乜你咁唔好彩呀..」
捷禾: 「 唉…我o岩o岩由外國返黎香港, 人生路不熟, 咁o岩見到果間唔知乜野d味鬼死咁香, 咁我咪入去睇下咩餐廳佈置得咁精美囉, 點知我一入到去, 就有幾支火把飛入黎喇…搞到我火燒後尾爛…」
馬豬: 「 咦, 又係種火案啵!」
馬豬知少少扮晒代表咁發言
阿爆: 「 好, 等我同蘇甘甘報告先。」
蘇甘甘係街角小緊便…
阿爆: 「 蘇甘甘, 又係種火案啵!」
蘇甘甘: 「 哎呀…射到手添..  」
阿爆: 「 真係好cake手呀, 毫無頭緒, 又唔知條友有乜目的…」
蘇甘甘: 「 喂, 一唔一齊屙呀﹖  」
阿爆: 「 至憎呢d無聊人, 想做死人咩﹖」
蘇甘甘: 「 嘩, 今朝忍到而家, 好爽呀! 」
阿爆: 「 冇乜野我返上車先喇…」
蘇甘甘: 「 你幫手執埋野先好走呀!  」
今集完 |
|
IP卡
狗仔卡
發表於 2004-9-24 17:57:28
提升卡
置頂卡
沉默卡
喧囂卡
變色å¡
顯身å¡
發表於 2004-9-24 19:27:18
