|
|
Story 16
今日登勤因病請左假, 留左係屋企抖下
==上午十點==
~~登勤家~~
登勤媽: 「 你病就去睇醫生啦, 係屋企典黎典去做乜姐﹖~」
登勤: 「 我怕打針呀…」
登勤媽: 「 妖, 你生人唔生膽架, 你點做消防呀﹖」
登勤:「 你生我出黎既, 你問下你自己囉~」
登勤再典多陣就離開佢住左廿年o既屋村…出左去睇醫生
==上午十點==
~~消防局~~
肥勤係度食緊薯片
基羅斯: 「 肥勤你咁得閒, 落去抹下架生啦!」
肥勤:「 你見唔到我好忙架咩﹖~  」
突然, 有人啪門!!
肥勤: 「 邊個﹖!」
肥勤嚇一嚇
原來係白賴仁返左黎!! 仲著到身光頸靚咁! 謝拉特亦都著到鬼五馬六咁
白賴仁: 「 I’m home baby!!」
阿爆突然閃出!
阿爆: 「 你條粉腸去左邊度黎呀, 好似撈得好掂咁啵!」
白賴仁: 「 我撈得咁掂, 都係全靠史談佢炒x左我咋! 我真係要多謝佢~ 如果唔係佢炒左我, 搞到我冇工開o既話, 我又點會去借錢過世, 跟住冇錢還, 比人賣去伊拉克姐﹖ 去到伊拉克, 有條友見我咁muscle, 於是就請左我做保鑣, 成十萬蚊一個月呀!!! 好過係呢間爛鬼消防局度做消防, 成日無所事事, 又要受氣!」
謝拉特: 「 冇錯冇錯, 所以我都去撈埋一份, 橫掂我又冇野做, 哈哈。  」
門外忽然有個黑影閃過!!
阿爆: 「 係邊個﹖」
冇人回應…
阿爆: 「 死喇…大家快d拜下關二哥啦~  」
基羅斯: 「 我落去抹下d架生先~」
基羅斯一推門就見到史談扒左係地下度!
基羅斯: 「 史sir… 你曬太陽呀﹖」
史談: 「 我…我攤抖下姐~…」
航仔: 「 係呢, 白賴仁, 你返黎做咩呀﹖」
白賴仁: 「 我見賺夠囉, 咁咪返黎做生意囉~」
航仔: 「 做咩生意呀﹖」
白賴仁: 「 …嘿嘿嘿…」
==中午十二點==
~~黃綠醫院~~
登勤o岩o岩睇完醫生
登勤: 「 小呀, 睇一次醫生等成兩粒鐘, d護士又唔正…」
登勤行行下見到有兩個大漢夾左個少女入後巷! 於是佢即刻走過去昅下
大漢: 「 喂, 你老母…差我地條數幾時還呀﹖」
壯漢: 「 你唔好以為你係明星就唔洗還啵!」
原來果個被夾的少女就係瑪姬!
瑪姬: 「 我老母差你錢你咪搵佢還囉, 做乜成日搵我姐!」
大漢: 「 你老母…而家玩失蹤呀, 我唔搵你搵邊個呀!」
登勤殺出!
登勤: 「 豈有此理! 光天化日之下調嬉良家婦女﹖!」
壯漢: 「 …大漢呀…點解呢句野咁q熟既﹖」
大漢有理冇理一拳打左落登勤度先!!
“O彭”一聲! 登勤被打中上5寸下5寸o既位置!
大漢: 「 乜而家d人咁x鐘意做架兩架! 我都費q事同你講咁y多野! O靚妹, 你同我聽住呀! 如果聽日仲冇錢還o既話我就捉你去做鐘點架喇下!」
瑪姬: 「 唔好呀…我唔識做家務架…」
大漢同壯漢走左~
瑪姬: 「 先生…唔好意思呀, 連累埋你添…  」
登勤忍忍作痛
登勤: 「 唔….緊要…最緊要你冇事..」
瑪姬: 「 今日o既事你唔好同人講啵!」
登勤: 「 梗係啦…我係你o既fan…屎…..黎架….」
瑪姬: 「 原來係咁…」
瑪姬好快速咁簽左個名送比登勤就想走
登勤: 「 等陣呀…瑪姬…」
瑪姬: 「 咩事呀﹖」
登勤繼續禁住比人打果度…
登勤: 「 其實你撞車果日我有…份救你架…」
瑪姬喜出望外!
瑪姬: 「 真係架﹖ 咁即係話你係郵差啦~」
登勤: 「 o下…………………  」
瑪姬: 「 乜唔係呀…咁你係飛機師黎架下話~ 我好鐘意飛機師架, 又英又型啵!~」
登勤: 「 …我係消防員…黎架…」
瑪姬: 「 噢…我好鐘意消防員架, 又高又大啵!~」
登勤心諗: 瑪姬有冇讀過書架呢
瑪姬: 「 先生呀…既然你都幫左我兩次囉, 不如幫多我一次啦~」
登勤: 「 咩事﹖」
瑪姬: 「 我可唔可以去你屋企暫住呀… 」
==上午十一點==
~~救護站~~
阿嬌同阿sa傾緊電話~
馬豬: 「 …我落去檢查下架車先…」
馬豬喊晒口咁講
奧益: 「 算吧啦馬豬… 聽日哥哥帶你去wet!~」
馬豬: 「 你唔好呃我啵~」
奧益: 「 傻啦, 我點會呃你呢~」
馬豬: 「 你對我真係好…」
氣氛有d恐怖．．．
==下午兩點==
~~消防局~~
大家都係操場打緊排球
七狼: 「 白賴仁就好啦~ 而家unun腳嘆世界喇~」
阿爆: 「 枉我果時仲咁勞氣, 擔心佢冇野撈…」
阿爆似乎仲好介懷上次打車輪輸左比史談
突然一個波打中阿爆塊面!! 阿爆即時訓低!!!
阿爆: 「 頂!! 邊條粉腸打我!!」
希亞: 「 sori…唔覺意…」
阿爆即刻彈起身!
阿爆: 「 唔覺意﹖ 我話你有心就真喇! 你以前做開隊目, 而家比人鄧左冬菇, 調過黎比我head住唔憤氣咋嘛!!」
希亞: 「 我洗唔憤你﹖」
阿爆: 「 唔係咩呀!」
蘇甘甘出面調停
蘇甘甘: 「 算吧喇, 唔好嘈啦, 你地打車輪解決啦, 輸左果個照舊洗乾淨晒間!」
阿爆同希亞即刻走去搵兩個車輪黎打~
蝦仔: 「 蘇甘甘sir, 係醒啵, 借勢搵人洗埋間局~」
蘇甘甘怕怕醜醜咁打左蝦仔一下~
蘇甘甘: 「 死仔, 咪擦我鞋啦~ 我唔會比糖你食架~  」
蝦仔: 「 … 我..我甩左較呀…」
<<叮咚咚叮>> [ 一級火警 旺角去細搶, 泵車, 升降台, 鋼梯, 救護車, 救護電單車 地址係xx村李屋企]
七狼: 「 個地址咁熟既~」
==下午一點==
~~登勤家~~
登勤: 「 媽媽, 我返黎啦~」
瑪姬跟住登勤入屋
登勤媽見到瑪姬就即刻破口大罵!!
登勤媽: 「 我xx你個yy呀! 你仲害我個仔唔夠呀! 而家仲黎搞佢﹖」
瑪姬一頭霧水
登勤細細咁同佢阿媽講
登勤: 「 媽媽, 你搞錯啦, 呢個唔係以前果個黎架, 以前果個係假架, 呢個先係真係o既瑪姬呀!」
登勤媽: 「 下…即係呢個係正版﹖」
登勤: 「 我絕對支持正版!」
登勤媽: 「 支你媽媽啦~ 你成屋果d咩dvdvcdcdmp3全部都唔係正版黎架啦!」
登勤: 「 有人客係度唔好爆我大獲啦, 瑪姬快d入黎啦~」
登勤媽帶左瑪姬入登勤房, 講左登勤以前既事比佢聽~
而登勤就係廳度訓緊覺
登勤媽: 「 係呢…你地開始左幾耐呀﹖」
瑪姬: 「 下…」
傾左半粒鐘到登勤媽佢地就出返廳,
突然聽到有人大嗌: 「 火蠋呀!! 救命呀!!」
登勤媽即刻拍醒登勤起身睇下咩事
登勤即刻打開門, 見到對面屋突然有個火人走左出黎!!跟住d火沿住條走廊 燃燒!!! 
火人迎面向登勤衝埋去!!!!!!
待續． ． ． |
|
IP卡
狗仔卡
發表於 2004-9-30 16:52:45
提升卡
置頂卡
沉默卡
喧囂卡
變色å¡
顯身å¡
發表於 2004-9-30 17:15:20
