|
|
Story 19
…
白賴仁: 「 我見你為左我同史談打車輪咁有義氣, 所以我想你唔好做消防, 過黎幫我手姐。 你過黎幫手既話, 果條女筆數咪就咁算囉~」
阿爆: 「 …」
白賴仁: 「 我比兩日時間你諗下, 有答案o既就上黎我office搵我喇, 呢個係地址。」
阿爆諗都冇諗, 就堅決拒絕白賴仁!!
阿爆: 「 對唔住, 我唔會幫你手, 因為我要繼續做消防, 我做左消防成十年, 而家已經成為我生活o既一部份, 我唔會轉工。」
白賴仁嬲到即刻彈左起身!!
白賴仁: 「 頂你呀, 我當你係兄弟先叫你黎幫手咋啵, 你咁q大牌﹖ 你咁鐘意做消防下話, 大漢, 拎把刀黎!!」
白賴仁想拎把刀砍阿爆隻手!!!!!
桉桉:「 你地係度做乜黎﹖﹖」
警員桉桉同其他咖哩啡警員及時殺出, 救左阿爆一命!
白賴仁:「 阿sir, 黎茶餐廳拎住把刀就梗係切野食啦, 你唔係未食過火腿煎雙蛋下話﹖」
桉桉: 「 切蛋要用西瓜刀架咩﹖」
白賴仁: 「 而家最潮就係用西瓜刀切蛋食, 唔得咩﹖」
阿爆準備上警車返警局落口供, 點知一出門口就見到希亞
阿爆: 「 ...你係度做乜﹖」
希亞: 「 係我報警架, 頭先諗住黎呢度買碌腸食, 點知成間野比人包左, 跟住我就聽到你把聲喇…我都知事有qk架喇, 所以報定警先…」
阿爆d淚水即刻湧晒出黎
阿爆: 「 …點解…我咁樣對你…你仲幫我…  」
希亞: 「 話晒我地曾經係兄弟黎架嘛, 雖然你對我咁差, 但係我本善良, 點會同你計呢~  」
阿爆: 「 以前o既事…」
希亞: 「 過左去o既事就算喇, 我地永遠都係兄弟黎既~」
阿爆喊晒口咁樣攬住希亞
阿爆: 「 希亞…」
希亞: 「 ﹖」
阿爆: 「 你個身好臭。  」
希亞: 「 sori 」
一星期後, 登勤平安無事出返院, 如常地返消防局工作
~~消防局~~
大家一齊食早餐, 肥勤就睇緊報紙
航仔: 「 邊有人一路食野一路睇報紙架﹖ 你阿媽冇教你咁樣係好冇禮貌架咩﹖」
肥勤: 「 我阿媽淨係教我食咖喱果陣唔好講大便姐~~」
七狼睇到肥勤睇緊份報紙o既背面, 竟然有瑪姬張相!
七狼: 「 咦, 瑪姬又上報既﹖」
肥勤: 「 係啵! “過氣女歌手煲愛心靚湯探小白臉” ﹖」
瑪姬去醫院探登勤果陣比記者影到…
登勤: 「 …我又幾鬼上鏡架啵!~  」
七狼: 「 梗係啦, 塊小臉咁白~」
{廣播} [ 叮噹 ] 消防員添登勤請到大閘, 有人想見你 {/廣播}
登勤去到大閘, 原來係瑪姬搵佢, 成班友仔就係角落頭睇戲
蘇甘甘: 「 呀…咁鬼遠, 唔知佢地講乜添…」
於是七狼同阿爆就幫佢地現場直播
七狼: 「 親愛的…我有件事想講你知…」
阿爆: 「 噢 打令, 唔好咁拘謹喇, 有咩事不妨直說。」
七狼: 「 其實我有個私生子…」
阿爆: 「 什麼!!! 幾大呀﹖ 是男是女呀﹖」
七狼: 「 已經十歲喇, 仔黎架…不過冇屎忽…  」
阿爆: 「 噢…」
~~大閘~~
登勤: 「 做咩事呀, 瑪姬﹖」
瑪姬: 「 你有冇睇報紙呀﹖...」
登勤: 「 我睇左…」
瑪姬: 「 …我陣間就要飛去美國喇」
登勤: 「 點解呀﹖﹖」
瑪姬: 「 我要去進修呀, 我特登黎同你講byebye架…係咁喇, byebye…」
瑪姬慢步咁離開…
瑪姬心諗: 仲唔出聲留我﹖ 
登勤經歷過之前悲慘o既糟遇之後對感情有d驚…
阿爆等人即刻衝上去圍住登勤
阿爆: 「 人地要走喇, 你仲唔快d同人講﹖」
蘇甘甘: 「 係囉, 咪話阿叔唔教你呀, 機會係唔會等人架~」
登勤立定決心追出去!!
登勤: 「 瑪姬!!」
<<叮咚咚叮>> [ 三號火警 旺角去細搶, 泵車, 升降台, 鋼梯, 救護車, 救護電單車 地址係白賴仁座商業大廈]
蘇甘甘: 「 喔噢… 大家快d上車喇」
阿爆: 「 呢個地址…」
瑪姬: 「 你要出動喇…」
登勤: 「 我點都要講埋落去架喇…瑪姬, 我愛你呀!!!」
瑪姬: 「  」
瑪姬開心到跳起! 即刻攬住登勤!
瑪姬: 「 咁你要比返個名份我啵~」
登勤: 「 一定!」
阿爆: 「 快d上車啦, 返黎先煙un啦~」
登勤喉禽地錫左瑪姬一啖~~~ 
登勤: 「 等我返黎呀!!」
瑪姬: 「 你小心d呀~~」
~~事發現場~~
長沙灣局手足已經救緊火, 但係火勢依然好猛烈, 濃煙滿佈
長沙灣局隊長尼維特入完一轉火場出黎換ba
尼維特: 「 喂, 希亞! 咁慢架」
(大家有睇開既話都知希亞以前係跟開尼維特既)
希亞: 「 我騎架電單車梗係慢d架啦~~」
其他人到達現場增援
現場由高級區長魯摩指揮
史談: 「 魯sir, 我係旺角消防局隊長史談。」
魯摩: 「 我知你乜水啦史談  , 你黎得o岩喇, 等我講d detail過你聽…呢座大廈樓高三十層, 尼維特係二十二樓同二十三樓發現多個火頭, 可能係比人縱火…」
史談: 「 又係果個縱火徒﹖」
魯摩: 「 maybe…座大廈有兩條樓梯, 你地由後樓梯上去廿二樓喇, 不過你地要小心d, 因為廿二樓發現有好多雜物…另外打梯上廿三樓外圍射水。」
史談: 「 yes sir!」
史談由指揮車行返出黎, 叫班手足做野
阿爆一支箭咁走左入大廈!
史談大嗌: 「 阿爆你條粉腸!! 跑咁快做乜野呀!!!!!」
阿爆: 「 呢座大廈係白賴仁架!!!! 茄雲都係入面做野架!!!!!!!!!!  」
史談望一望上面起火層數
史談: 「 holy shxt… 大家快d上去!!」
眾人急急腳咁跑入大廈…
請留意下集完結篇 |
|
IP卡
狗仔卡
發表於 2004-10-21 17:07:51
提升卡
置頂卡
沉默卡
喧囂卡
變色å¡
顯身å¡
發表於 2004-10-21 19:41:39
要死 
發表於 2004-10-21 20:18:08
