|
|
上集提要:
航仔: 「 邊有人一路食野一路睇報紙架﹖ 你阿媽冇教你咁樣係好冇禮貌架咩﹖」
肥勤: 「 我阿媽淨係教我食咖喱果陣唔好講大便姐~~」
登勤: 「 我點都要講埋落去架喇…瑪姬, 我愛你呀!!!」
<<叮咚咚叮>> [ 三號火警 旺角去細搶, 泵車, 升降台, 鋼梯, 救護車, 救護電單車 地址係白賴仁座商業大廈]
Story 20
阿爆: 「 呢座大廈係白賴仁架!!!! 茄雲都係入面做野架!!!!!!!!!!」
史談望一望上面起火層數
史談: 「 holy shxt… 大家快d上去!!」
眾人急急腳咁跑入大廈…
肥勤: 「 呀, 白賴仁條友仔呀, 撈得咁掂既, 成座大廈都係佢~」
史談: 「 做緊野唔好咁多野講, 快d追返阿爆先!!」
阿爆一口氣衝到上二十樓!
阿爆: 「 茄雲…我黎緊救你呀…你等我呀…」
阿爆上到廿二樓, 見到有幾個手足救緊火
史談等人極速咁追到上黎!!
史談: 「 阿爆你係咪傻x左呀!! 係火場入面係唔可以自己一個行動架!! 你做左咁耐消防都仲咁意氣用事架!!  」
阿爆: 「 如果我地唔快d行動, 茄雲同白賴仁就會!!…」
尼維特換完ba帶左幾手足上黎
尼維特: 「 廿二樓而家由我take charge, 你地旺角隊上廿三樓睇下有冇人被困啦!  」
於是史談就帶左team人上廿三樓
七狼: 「 …果個尼維特…以為自己係高級隊長就大晒, 對人呼呼渴渴…」
航仔: 「 唔怪得你要調局啦…」
眾人由後樓梯上到廿三樓…又見到幾個手足救緊火
由於有兩條走廊, 所以佢地分左兩team, 令搜索更加快速
史談: 「 蘇甘甘, 你帶阿爆、七狼、冬之子去右邊走廊搜索, 其他人跟我去左邊走廊搵!」
~~東走廊~~
蘇甘甘摸一摸房門口, 發覺唔係好熱, 於是就爆門入去睇下有冇生還者
突然有人大叫 「「「救命呀!!!!」」」
蘇甘甘: 「 咦! 有人係度, 大家分散黎搵!」
蘇甘甘好似踩住左d野… 
蘇甘甘: 「 o shit!! 我搵到個傷者啦!! 先生, 你冇事嘛﹖」
傷者: 「 我隻手好痛呀…頭先好似比d野壓住左咁…」
蘇甘甘: 「 …你唔洗驚架, 你會冇事架喇! 冬之子, 快d除低ba比佢帶住!! 七狼, 帶佢離開呢度!」
阿爆即刻走左去另一個單位度搜索
蘇甘甘: 「 你行咁快做咩呀!! 等埋啦!」
~~地面~~
冬之子同七狼送左個傷者出黎
馬豬: 「 嘩, 好嚴重啵… 輸50cc鎮靜劑, 即刻送佢去醫院啦!」
奧益: 「 咦, 佢好似有野講啵!」
傷者: 「 快d….救…我……..同事…」
馬豬: 「 你同事﹖ 放心啦, 消防員會救佢架啦, 你唔好講咁多野先啦!」
傷者: 「 佢….去左…廿四樓….拎貨….快d…..救…..佢…」
奧益: 「 …你同事叫咩名呀﹖」
傷者: 「 …茄……茄…茄…雲…」
基羅斯: 「 嘩, 上面真係大火囉…好彩我唔洗入去姐~」
希亞: 「 乜你咁講野架…你因咩事做消防呀咁﹖」
基羅斯: 「 錢。」
希亞: 「…」
謝拉特突然殺出!!
謝拉特: 「 死啦!! 我老表仲係上面呀!! 你地快d諗辦法救下佢啦!!  」
謝拉特非常激動
警員桉桉強行拉走左謝拉特!!
桉桉: 「 呢度已經被封鎖, 閒人係唔可以入黎架!!」
基羅斯: 「 嚇得我呀…」
~~東走廊~~
史談佢地再細分做兩team人, 史談同航仔去左最尾o既一個單位搜索
史談入到去發現有個人訓左係地下度!!
史談: 「 先生, 你冇事嘛﹖﹖」
航仔: 「 咦!! 史sir, 佢係白賴仁黎架!!!」
史談有d老花, 望多兩眼先認得佢係白賴仁
史談: 「 白賴仁, 你醒下啦!! 白賴仁!!」
白賴仁慢慢恢復知覺
史談: 「 白賴仁, 你知唔知發生咩事呀﹖﹖」
白賴仁: 「 係謝拉特放火呀!! 謝拉特放火呀!! 快d走呀!!  」
史談: 「 你冷靜d啦!! 我而家除低ba比你帶, 你好快會冇事架喇!」
白賴仁: 「 謝拉特一直都有思覺失調架!! 佢頭先走上黎同我講數…跟住就搵左幾條友黎放火!!」
史談: 「 收聲呀!! 你有乜野返落去同差佬講, 我o既職責係負責救你返出去咋!!  」
由於所有單位都開晒門, 走廊突然發生搶火!! 火勢一發不可收拾!!!
史談即刻刪埋房門, 唔比d火衝入黎!
白賴仁: 「 死啦!! 呢次死梗啦!!」
史談: 「 唔洗驚, 你快d帶住個ba先啦!!」
航仔拍一拍史談
航仔: 「 史sir, 等我除低ba比佢啦… 你仲要帶我地返出去架!」
肥勤同蝦仔及時逃出廿三樓, 即時飛奔落廿二樓!
尼維特: 「 上面發生咩事﹖」
肥勤:「 上面搶火呀…成條走廊都著晒火…」
尼維特: 「 咁我d手足呢﹖﹖」
肥勤: 「 …」
蝦仔: 「 我諗而家應該要升四級火…」
尼維特即刻call指揮車
尼維特: 「 長沙灣高級消防隊長尼維特calling MCU, 廿三樓發生搶火, 要求升四級火, 要求增援!」
~~指揮車~~
魯摩即時叫手下升四級火
魯摩: 「 尼維特, 你地有冇人受傷﹖」
尼維特: 「 我有兩名手足被困係廿三樓, 情況未明…」
肥勤搶左尼維特個對講機黎講!
肥勤: 「 我地仲有4個手足困左係廿三樓呀!! 快d派增援黎啦!!」
~~西走廊~~
蘇甘甘同阿爆入左一間辦公室暫避
對講機突然響起
史談: 「 蘇甘甘, 我係史談, 你地有冇事﹖」
蘇甘甘:「 而家等返我同阿爆係度, 不過我地都冇事…」
史談: 「 我地同登勤失散左, 但係搵到白賴仁, 佢話仲有一個員工係廿四樓, 你地有冇辦法上到去﹖」
蘇甘甘發現辦公室有一幅空心牆, 懷疑係加建o既
蘇甘甘: 「 我發現有塊加建左o既牆, 打穿左可能有出路!」
阿爆即刻憶起茄雲同佢講過佢上司間office係改建而成, 以前係冇呢個單位
阿爆: 「 茄雲以前同我講過呢間房係加建而成架, 好可能會有路上樓上!!」
蘇甘甘: 「 咁快d打穿佢啦!!」
經過一輪努力, 蘇甘甘同阿爆終於打穿道牆!
蘇甘甘: 「 真係有條樓梯可以上樓上架!!!」
蘇甘甘同史談交代完就同阿爆上左廿四樓!!
~~東走廊~~
史談: 「 好喇, 而家到我地搵路走喇…」
由於單位係密封式, 所以佢地唔可以叫人打梯上去救佢地
白賴仁: 「 隔離房係廁所..果度有窗可以打開架…」
史談即刻同對講機叫樓下安排一條鋼梯去接佢地
史談:「 航仔, 快d整穿道牆!!」
航仔:「 yes sir!!」
呢個時侯, ba突然響起, 表示ba只淨低十五分鐘氧氣…
~~廿四樓~~
蘇甘甘: 「 o shit…得返十五分鐘氧氣咋…」
阿爆:「 我地要加快速度呀..果個可能係茄雲黎架…」
Part 1完 |
|
IP卡
狗仔卡
發表於 2004-10-27 18:32:50
提升卡
置頂卡
沉默卡
喧囂卡
變色å¡
顯身å¡
發表於 2004-10-27 18:58:33
發表於 2004-10-27 19:06:48
[/QUOTE]
