勁歌總選後感

Raul_Gonzalez · 發表於 2005-1-9 05:41:21

Originally posted by 沙基 at 2005-1-9 02:51:

但唔明點解華仔要咁俾人踩jer~

其他人我唔清楚,我就肯定認為今年基仔比劉華值得攞,哩個同努力與否無關..

到今時今日,劉華仲未有一首歌令我心服口服地認同佢嘅音樂..
我絕對唔係想標奇立異,大家都咁like劉華我就踩佢,肯定唔係!
我只係表達我嘅想法..

[ Last edited by Raul_Gonzalez on 9-1-2005 at 05:43 AM ]

Raul_Gonzalez · 發表於 2005-1-9 05:53:31

仲有,人老攞獎,當然冇罪啦..

孫中謝拉特.奧雲 · 發表於 2005-1-9 06:11:44

頒獎禮前，個人已經覺得係克勤同劉華之爭，從幾點之中可以睇到；娛樂大搜查中，本來一直標榜克勤同志安爭男歌手，到到年尾突然覺得唔對路轉做克勤對劉華，可能志安個勢真係谷唔起，所以要劉華起番同佢爭。點解我唔覺得基仔係呢咁，係因為佢今年所做既野未能夠真正打動到"一家大細"既心靈，或者咁講，佢太後生喇，佢未有一首歌能夠令"大"呢個範疇既人服佢拿到呢個獎，而且無線o係男歌手爭持激烈既時段之中亦都極少提及到佢個名（梁漢文更加係少之又少），所以其實一早已經係克勤同劉華之爭。

至於點解係華仔呢，我個人認為係克勤今年所做既野真係比華仔少。我地姑且放下"最受歡迎男歌手"呢七個字睇，劉華今年無論o係樂壇，影壇都不遺餘力；<<無間道>>系列，<<大隻佬>>，甚至近期既<<天下無賊>>都好，都發揮得淋漓盡致；樂壇方面，佢同林夕一人包辦半隻碟既填詞，五隻歌都係寫出左佢既心聲，例如<<無須擔心>>，<<如果我有事>>同埋<<影帝無用>>都好能夠表達到佢自己，當然佢仲幫其他歌手填詞啦；最重要既就係佢今年開既巡迴個唱。呢一切一切都係克勤今年比唔上佢既，當然，克勤今年既努力係人都見到，但係相比起華仔，華仔比佢更加值得拿呢個獎。

如果大家對點解基仔明明係"最受歡迎"既男歌手，點解佢冇得拿有疑問既話，我只好答你一句："呢個世界上冇野係公平既！"　　

如果903話佢自己計播放率係最公平的話，我會話"個個DJ都有自己唔同鐘意既歌手，佢地播多D佢地鐘意既歌手既歌，咁已經唔叫做公平啦"

希望大家會明白，對於歌手黎講，獎只係一個鼓勵，無論有獎冇獎佢地都要做野，佢地都要搵食，唔通上年克勤贏左劉華基仔佢地今年就唔做野咩，我諗佢地都唔希望樂迷們為邊個拿到同拿唔到而發生爭吵。

　　　　　　　　　　　　　　　　　　　　　　　　　　　小人物　謝拉特　字

Raul_Gonzalez · 發表於 2005-1-9 06:17:51

Originally posted by 孫中謝拉特.奧雲 at 2005-1-9 06:11:
如果大家對點解基仔明明係"最受歡迎"既男歌手，點解佢冇得拿有疑問既話，我只好答你一句："呢個世界上冇野係公平既！

好句!
我喺情版早就講過:"世界上接近冇公平可言",你話我明唔明哩個道理呢?

孫中謝拉特.奧雲 · 發表於 2005-1-9 06:19:12

Originally posted by Raul_Gonzalez at 2005-1-9 06:17:

好句!
我喺情版早就講過:"世界上接近冇公平可言",你話我明唔明哩個道理呢?

你實明的

我深信有一日華仔會感動到你的

Raul_Gonzalez · 發表於 2005-1-9 06:20:33

Originally posted by 孫中謝拉特.奧雲 at 2005-1-9 06:11:
點解我唔覺得基仔係呢咁，係因為佢今年所做既野未能夠真正打動到"一家大細"既心靈，或者咁講，佢太後生喇，佢未有一首歌能夠令"大"呢個範疇既人服佢拿到呢個獎

真的嗎?劉華就有嗎?

Raul_Gonzalez · 發表於 2005-1-9 06:21:58

Originally posted by 孫中謝拉特.奧雲 at 2005-1-9 06:19:

你實明的
我深信有一日華仔會感動到你的

咁唔該你記住我哩一刻講嘅哩一句:"接近冇可能!"..

孫中謝拉特.奧雲 · 發表於 2005-1-9 06:22:28

Originally posted by 納比 at 2005-1-9 00:37:

我未聽過,咁做乜唔plug哩幾首,plug係應該plug最好/最易hit果幾首

o係出左碟之後 , 歌手係好難知道碟裡面邊隻歌hit架....

孫中謝拉特.奧雲 · 發表於 2005-1-9 06:27:03

Originally posted by Vincent Chan at 2005-1-9 02:35:

我一直都唔明點解小城大事咁hit

千嬅預左冇女歌手-->由歌入手-->揀左呢首-->叫paco用佢既力量要個金曲金

有傳因為咁所以令到本來paco同tvb傾緊基仔做男歌手既計劃擱置~

孫中謝拉特.奧雲 · 發表於 2005-1-9 06:34:48

Originally posted by Raul_Gonzalez at 2005-1-9 06:20:

真的嗎?劉華就有嗎?

打從<<一起走過的日子>>，<<謝謝你的愛>>，<<暗裡著迷>>，<<不可不信緣>>等等．．．至到九十年代中的<<忘情水>>，<<真永遠>>，<<情未鳥>>，<<情深的一句>>，<<中國人>>，<<世界第一等>>等等．．．至到九十年代尾的<<你是我的女人>>，<<他的女人>>，<<笨小孩>>，<<心只有你>>，<<男人哭吧不是罪>>等等．．．

每一首都為人認識的呢

孫中謝拉特.奧雲 · 發表於 2005-1-9 06:35:19

Originally posted by Raul_Gonzalez at 2005-1-9 06:21:

咁唔該你記住我哩一刻講嘅哩一句:"接近冇可能!"..

不要緊

世界上沒有一個人是能令所有人信服的

Raul_Gonzalez · 發表於 2005-1-9 06:38:46

Originally posted by 孫中謝拉特.奧雲 at 2005-1-9 06:11:
五隻歌都係寫出左佢既心聲，例如<<無須擔心>>，<<如果我有事>>同埋<<影帝無用>>都好能夠表達到佢自己

佢自己填詞表達自己當然好啦,但係唔代表其他冇做填詞工作嘅歌手嘅歌唔能夠表達佢地喎..
我諗歌手自己或多或少都會以歌曲抒發自己嘅感情,分享自己嘅想法,唔止劉華一位,問題係共鳴哩家野真係因人而異喎..
我唔否認有唔少人對劉華嘅音樂產生共鳴,但係我諗劉華嘅支持者唔一定係因為佢嘅音樂而支持佢呱..

P.S.:
我個大妹唔like劉華(注意:係唔like),但係佢好like<如果我有事>同<如果你有事>,因為當中歌詞的確可以理解成佢嘅經歷--佢果位拍拖多年嘅男友年多前因心臟病去世..
哩d就係共鳴,可能有違作者原意架..正如藍兄講過,各人對同一篇歌詞可以有唔同嘅感受..

Raul_Gonzalez · 發表於 2005-1-9 06:40:34

Originally posted by 孫中謝拉特.奧雲 at 2005-1-9 06:34:

打從<<一起走過的日子>>，<<謝謝你的愛>>，<<暗裡著迷>>，<<不可不信緣>>等等．．．至到九十年代中的<<忘情水>>，<<真永遠>>，&l ...

真有趣,原來對我而言,劉華嘅歌真係被學友比下去..

當然,基仔嘅歌我唔係全部都鐘意,但係真係有部份我有共鳴..

[ Last edited by Raul_Gonzalez on 9-1-2005 at 06:46 AM ]

Raul_Gonzalez · 發表於 2005-1-9 06:41:48

Originally posted by 孫中謝拉特.奧雲 at 2005-1-9 06:35:

不要緊
世界上沒有一個人是能令所有人信服的

冇錯,正如我講過,"任何人都唔可能取悅所有人"..

Raul_Gonzalez · 發表於 2005-1-9 06:43:01

仲有,我講過,我唔推崇劉華嘅音樂,但係唔代表我唔認同佢其他值得被認同嘅範疇..

孫中謝拉特.奧雲 · 發表於 2005-1-9 06:46:43

Originally posted by Raul_Gonzalez at 2005-1-9 06:38:

佢自己填詞表達自己當然好啦,但係唔代表其他冇做填詞工作嘅歌手嘅歌唔能夠表達佢地喎..
我諗歌手自己或多或少都會以歌曲抒發自己嘅感情,分享自己嘅想法,唔止劉華一位,問題係共鳴哩 ...

我絕對冇意思要批評其他歌手既諗法，我想帶出既係佢所做既野係比一般既歌手多，佢亦都能夠將自己既人生填滿一首，甚至兩至三首歌，呢D野係其他歌手暫時未能夠做到既野，所以我覺得佢呢方面比較出色，值得加分。

當然我肯定唔係所以劉華既支持者都係因為佢既音樂而支持佢，但係至少佢拍電視之後，真正令到佢成名既係佢既歌唱事業，我諗唔少支持佢既歌迷都係因為欣賞佢既歌而成為佢既FANS。

孫中謝拉特.奧雲 · 發表於 2005-1-9 06:48:36

Originally posted by Raul_Gonzalez at 2005-1-9 06:40:

真有趣,原來對我而言,劉華嘅歌真係被學友比下去..

當然,基仔嘅歌我唔係全部都鐘意,但係真係有部份我有共鳴..

[ Last edited by Raul_Gonzalez on 9-1-2005 at 06:46 AM ]

你都識講共嗚唔D野係因人而異，我個人對基仔既歌都幾有共嗚，我都幾鐘意佢

nakata710 · 發表於 2005-1-9 06:49:00

Originally posted by 孫中謝拉特.奧雲 at 2005-1-9 06:34 AM:

打從<<一起走過的日子>>，<<謝謝你的愛>>，<<暗裡著迷>>，<<不可不信緣>>等等．．．至到九十年代中的<<忘情水>>，<<真永遠>>，&l ...

但今年最受歡迎男歌手只計今年d歌ba

你講0個d有冇一首係今年??(我真係唔知..

)
我認為基仔今年d歌會好個劉德華law
可能d人一聽到愛與誠直情就知點唱...
但聽到劉德華就唔知係咩歌or唔知點唱...

孫中謝拉特.奧雲 · 發表於 2005-1-9 06:49:27

Originally posted by Raul_Gonzalez at 2005-1-9 06:43:
仲有,我講過,我唔推崇劉華嘅音樂,但係唔代表我唔認同佢其他值得被認同嘅範疇..

總括黎講,佢係一個值得尊敬的人吧

孫中謝拉特.奧雲 · 發表於 2005-1-9 06:53:50

Originally posted by nakata710 at 2005-1-9 06:49:

但今年最受歡迎男歌手只計今年d歌ba
你講0個d有冇一首係今年??(我真係唔知..)
我認為基仔今年d歌會好個劉德華law
可能d人一聽到愛與誠直情就知點唱...
但聽到劉德華就唔知係咩歌or唔知點唱...

我果d歌冇一首係

我冇意思要將佢以前既野全部計落呢次既獎項上面~只係我所提及既"打動到"一家大細"既心靈"呢件事裡面基仔比劉華遜色~

當然"愛與誠"呢首歌係好多人都會識唱~但係你都識講~呢個獎係計全年既~劉華開演唱會~兩隻個人大碟~呢d野都係今年發生既~可能係佢個人開既公司"功力"冇金牌果邊咁有實力~所以派台歌方面會遜色少少~

		自動登錄	找回密碼
密碼			會員申請