林尚義萬念俱灰擬封刀

joewong1124

東方日報專訊】著名足球評述員林尚義「阿叔」，自愛妻劉蕙芳在年初因急性肝硬化病逝後，突然失去老伴的他，像是失去生存意義，意興闌珊，傷心得就連最愛的足球也不想再接觸。據知即將在○六年舉行的「世界杯」，無線本屬意由阿叔繼續擔任主持，但他也提不起興趣，遲遲未肯動筆簽約。

自愛妻離世後，阿叔的生活十分寂寞，大部分時間也孤獨一人，甚少與朋友聯絡前日下午一時許，記者便目睹他獨自拿著一袋衣服到寓所附近的洗衣店，期間有途人大聲叫他的名字，他也竟然聽不到沒有理睬，之後他又折返寓所附近的士多舖，呆坐在門口，跟老闆閒聊了半句鐘後，他又徒步到隔鄰的茶餐廳吃午飯。

計畫移民新加坡

昨天下午一時許，阿叔又獨自離開寓所，記者問他是否決定不再講波時，他表示有這個想法，神情哀傷的他說：「有乜辦法，老婆都死，早排不斷落大雨，幾日前先幫佢造好個墓碑。依家一個人屋企，唔係對住電視機，就係對間空屋，真係好孤單，我想離開呢度去新加坡……總之就係要離開呢度。有時搵朋友食飯，但係朋友都陪唔到我咁多，始終都係得自己一個人。」據知，阿叔跟無線的合約在八月尾約滿，他說會考慮一星期，才決定是否續約。

夫妻恩愛常作伴

在一班同事眼中，阿叔跟太太的感情十分要好，阿叔先後到過美國及法國做「世界杯」直播賽事，太太劉蕙芳也請假相陪，待阿叔工作完畢後，二人又會留在當地遊覽一番。而在報館工作的劉蕙芳，每晚都會相約阿叔吃消夜撐腳，知道丈夫好杯中物，又會每晚陪阿叔飲幾杯，阿叔曾因此向朋友表示：「佢細我二十年，如果飲酒出事，都係我走先，唔會係我睇住佢死。」但愛妻突然先離他而去，從沒有心理準備的阿叔，實在未能面對。

阿叔的好友更擔心他未能適應新生活：「佢本來養一隻狗，但因年老關係，幾年前要人道毀滅，依家太太又走埋，阿叔真係好寂寞，佢話要移居去新加坡，我都好擔心佢能唔能夠適應。」另據知除無線外，擁有一班後生fans的阿叔，也被電台密斟過檔講世界杯，但亦遭他拒絕。

GErrARd

阿叔

利達斯

慘....

thomaskung

冇左個講波笑匠....

星影

伍晃榮走左
阿叔又走埋
唔通真係要靠Peter

lauroy18

中肯講句
阿叔講波開始唔夠到肉
急流勇退都係好事

Blackburn_Owen

今晚有講波

Blackburn_Owen

Originally posted by 星影 at 2005-8-12 15:51:
伍晃榮走左
阿叔又走埋
唔通真係要靠Peter

鍾仔

hehe0114

Originally posted by lauroy18 at 2005-8-12 16:38:
中肯講句
阿叔講波開始唔夠到肉
急流勇退都係好事

唔到肉都仲係最好既