|
|
發表於 2005-8-29 19:45:52
|
顯示全部樓層
其實自己都想開個topic講下紐卡素.
不過宜家有人開o左仲好.
好耐冇睇過紐卡素全場比賽,禽日終於有機會睇到.
好想即刻講下感受.
先逐個講下球員.
基雲:算係紐卡素長期表現穩定o既球員,對曼聯場波不過不失,失兩球佢都唔係佢o既錯失.
巴巴耶路:幾多波踢,助攻o既時候有效率.個人覺得佢攻強於守.
卡爾:攻守都好平均,成場波表現ok,有球波驚俾C.RON甩開用o左D"超技術",經驗 o既表現,你可以話佢卑鄙,但係呢D係足球比賽一部份.
泰萊:以佢o既年齡,打得真係幾好,好穩定,冇咩失誤,可能見慣大場面,一D都唔覺佢會緊張,值得期待o既新人.
保桑:兩個失誤就做成兩個失球.講真我一向對佢印象唔差,覺得佢幾好,高大腳長,防守技巧又好,係個好中堅.可惜禽晚表現失準.會唔會係一路受壓太大?
柏加:好明顯佢今場一開始係一個防守中場o既角色,主力掃蕩,而佢亦好稱職,不過後來安利傷出,佢就似乎受制於曼聯o既中場,唔能夠為球隊加強中場o既攻擊力.
保耶:好早就有一個破門o既機會,呢個人其實可以好勁,不過佢宜家水準太飄,禽晚又受傷離場,做唔到太多o野.
戴亞:我真係唔想再見到呢個人,一開始上腳已經表演帶波出界,其後不停想自己爆,但係就次次都失波.控,扭,傳,射,無樣掂.我永遠都唔明點解紐卡素俾咁高人工同佢續約.
安利:控球能力好高o既球員,有佢o係中場紐卡素控球力真係會強好多,佢可以護住個波幾秒,之後搵隊友分番出去,而我相信佢亦有能力俾出一D KILLER PASS.佢一傷出,成個紐卡素中場即刻好似六神無主咁.
盧基:表現唔算太好,不過佢真係剛加盟,完全未適應英超踢法.其實比賽後段都見佢開始習慣d比較粗野o既防守.可能同隊友冇默契,成日要單打獨鬥.制造o左一D有威脅o既攻勢,例如越位o個球炸糊,同一球挑波過人,之後唔知射o左去邊.狀態不足 o既表現.俾D時間佢,呢個球員睇得出係有質素.
舒利亞:老將,其實見到佢仲做到o野,但係離高峰真係好遠,而且宜家球隊o既情況,要佢打單箭頭,真係好辛苦佢.我覺得,適當咁分配時間同位置俾佢打,仲會好有用.但係次次要佢擔大旗就無可能.
真拿斯:入替受傷o既安利,佢助攻助守,表現稱職,起碼我見到佢好勤力,我真係唔覺得佢有幾隠形,起碼今場唔係,呢度太多人對佢有偏見.ANYWAY,佢仲未成熟,傳波未夠火候,做唔係安利o既o野係事實.不過防守應該會好過安利.
艾美奧比:我相信桑拿士都頂戴亞唔順,先換老味出o黎頂佢踢右翼,不過呢,要佢踢翼就真係敗筆,唔係話我知佢好過戴亞,我相信叫基雲出o黎打右翼都會好過戴亞.要佢o係前線做post player,key下波,做下二傳仲好.
飛耶:我唔熟佢,佢係唔係純防中?淨係知佢出o黎無咩建樹,起初我以為柏加會推上d,佢頂柏加個位,點之又好似唔係,一句講晒:我都唔知佢做乜.
桑拿士:其實我一路都抱觀望態度睇佢,點知佢又真係令我好失望,雖則話對阿仙奴曼聯輸波都唔怪得佢,作客保頓都算喇,主場都贏唔到韋斯咸.宜家打四場一球都冇入過.
係,佢可以話佢自己無將可用,不過都係佢自己一手造成,明知無箭頭都唔留住比拿美同古華特先,買人又唔快手,宜家淨番一個老餅,一個老味.
ok,宜家局打4-5-1,我可以理解,安利傷出唔怪得佢.之後佢用艾美奧比,點解唔打番4-4-2?再之後,用飛耶,指示又唔明顯,攪到成班中場唔知做咩咁.我覺得佢後備放多個尼索比亞或者占士米拿好過放飛耶.總之,呢條友用兵部署好差,人際關係又攪得唔好,又厚面皮,衰到咁都賴死唔走.
其實我覺得上季排個咁o既位置已經好過份,宜家一開季又提早投降咁,唉,都唔知仲可唔可以上番前列,爭個歐洲賽名額打下都好丫.
講住咁多先,有機會再忘忘講.
我全部憑記憶寫,有咩錯漏請指正. |
|
IP卡
狗仔卡
提升卡
置頂卡
沉默卡
喧囂卡
變色å¡
顯身å¡
