FM 2006 Tactics 專區

雲佬

Originally posted by mc247 at 18-11-2005 04:54 AM:
My Man Utd Tactic ():
-----------------Van Nistelrooy----------------
-----------Leo Messi-----Ronney-------------
--Giggs---------------------------C.Ronaldo--
---------------------Smith------ ...

軒斯同李奧應該掉轉位置
最大問題都係呢個陣中門大開,中間得1個阿倫史密夫點頂,打中場亦都唔係傑斯同c朗最擅長既位置,既發揮唔到佢地攻擊強項,係協防方面幫助亦唔太大,特別係c朗,佢地推上半格會好d,將朗尼拉番落黎係中間搶下波,最弊係條防線,用李奧已經大獲,仲要用埋唔靈活既軒斯打中堅,淨係輸身後球都輸死,梗係多單刀,右閘果個唔識,不過左閘搵奧沙打又係死得,基本上後防唔係好岩work rate低既人打

[ Last edited by 雲佬 on 22-11-2005 at 05:15 PM ]

阿爆

Originally posted by 雲佬 at 2005-11-22 05:03 PM:

軒斯同李奧應該掉轉位置
最大問題都係呢個陣中門大開,中間得1個阿倫史密夫點頂,打中場亦都唔係傑斯同c朗最擅長既位置,既發揮唔到佢地攻擊強項,係協防方面幫助亦唔太大,特別係c朗,佢地推上半格會好d,將朗尼拉番 ...

你咁講既話即係4-4-2 Diamond 係廢既

仲有你咁講既話即係大家好多時整陣都唔應該係有MR/ML 呢兩個位 , 而應該係要AMR/AML 呢兩個位...

最後...不要認為自己的一套就係岩... 我用Rio 完全唔覺有問題 , 你淨係插佢個後防做咩 ja ?? 話佢知不如將O'Shea 同Henize 掉轉放仲好啦

【劍心】

雲佬不嬲有獨特一套.....要人跟

所以我多數睇完就算...

肥仔麟

Originally posted by 【劍心】 at 2005-11-22 10:05 PM:
雲佬不嬲有獨特一套.....要人跟

所以我多數睇完就算...

TinTin

Originally posted by 【劍心】 at 2005-11-22 05:05 AM:
雲佬不嬲有獨特一套.....要人跟

所以我多數睇完就算...

雲佬

Originally posted by 阿爆 at 22-11-2005 05:52 PM:

你咁講既話即係4-4-2 Diamond 係廢既

仲有你咁講既話即係大家好多時整陣都唔應該係有MR/ML 呢兩個位 , 而應該係要AMR/AML 呢兩個位...

最後...不要認為自己的一套就係岩... 我用Rio 完全唔覺有 ...

首先,軒斯左腳叻d李奧右腳叻d佢地2個位置掉轉係好正常,你睇真實既曼聯佢都會將擅長左腳既施維斯達擺係左中堅既位置,呢d係基本常識黎,因為踢得偏左會有多d機會用左腳,施維斯達最容易出錯就係佢用右腳解圍既時候,因為佢真係冇乜右腳
第二,我唔係話ML/R呢個位冇用,而係唔岩傑斯同c朗呢類進攻就好勁,防守就認真麻麻既球員踢,如果佢係未train好既就更加啦(c朗同傑斯係開game時都係AM黎),如果將佢地擺係AM位,進攻同反擊會勁左,但協防會差左,咁樣唔係可以更加利用好佢地既長處咩?真係要用ML/R既,我就覺得朴智星比傑斯更適合踢左邊啦,速度快體力好攔截強又勤力,搵體能唔強既傑斯係左路助攻助守會唔會好快就冇晒氣呢?
第三,我唔知佢既focus passing係咩,但睇陣式佢會以強攻中間為主,用game既角度去講,兩翼出波會容易屈頭槌好多,係足球既角度去講,如果攻勢太集中係中路既話對方就容易防守好多,所以即使有美斯同朗尼係後面亦都未必有太大著數,事實上好多中路強攻既球隊都係要利用兩邊拉開對方防線再將個波轉番入中路再去,否則淨係係咁係中間去多數都會俾人彈番個波出黎
根據我既理解AMC主要工作都係放d直線波入去俾箭頭或者cut入中間既翼鋒去哨從而製造單刀或者半單刀,至少起碼會係一個攻擊球員可以面對龍門作出攻擊既機會同埋前插接應隊友傳波直接攻門,防守既工作會比較少,可以交由美斯1個去負責,將朗尼擺後1格表面上佢既位置後左進攻好似弱左,但其實正正因為佢位置後左係後上助攻時防守球員會mark得冇咁緊,就好似你擺雙箭頭可能2個俾對方中堅mark到實,但擺1個箭頭加1個AMC時因為對方中堅緊釘只係你既箭頭,AMC後上助攻係由對方回防既中場球員去mark,如果佢集中度稍低或者AMC擅於走位同把握機會既會比較容易從後殺上時係冇對方球員緊迫既情況底下破門得分,呢個亦都係曼聯全盛時期進攻一個重要特色,就係進攻立體感好強,你防到我雙箭頭守唔到史高斯,你守埋史高斯都守唔到係後面既堅尼,將朗尼擺後1格係想做到呢個效果,除左進攻上既考慮之後,亦都有防守上既考慮,就係朗尼速度,體能,效率同埋團隊合作精神都算係高,加多佢1個係後少少既位置可以幫輕球隊中路防守(唔好晒左佢既高teamwork高work rate),因為佢擺左傑斯同c朗2個防守較弱既球員打左右中場,形成球隊中場線基本上只能依靠阿倫史密夫係防守上有比較明顯作用,似乎稍嫌不足,當然如果佢既ML/R係用d攻守兼備而且效率高既球員又另作別論
最後係關於防線問題,我唔知你有冇用過曼聯,睇數值李奧各方面都唔錯,但佢teamwork真係太低,teamwork低既人比較鐘意扭波,呢個係後防球員大忌黎,里奧打得好既時候真係好瀟灑,華麗之餘亦實用,但當佢稍一不慎出錯時球隊往往就因為佢打高章波而失波,如果呢個錯誤係d重要比賽入面犯就大獲啦,根據足球理論,真係有球員犯錯既寧願佢係前鋒好過佢係後衛,因為前鋒犯錯最多入少個波,但後衛犯錯會直接導至失波令球隊陷於苦戰,所以唔好打高章波對於後防球員黎講係非常重要,至於你話將奧沙擺入中路軒斯打番左閘,我唔知你係咪因為身高問題啦,我覺得隻game身高影響唔及數值大,因為我用高柏尼雖然佢身高190,但因為頭槌同彈跳力都唔算高所以基本上我所有頭槌失波差唔多全部係佢頂輸,所以論防守高空波既我個人黎講反而寧願將軒斯擺係中間,雖然會晒左佢既助攻能力,但中堅呢個位實在太重要,晒左都冇計,而我提過軒斯既轉身較慢既問題,係因為我俾人打反擊時唔知點解次次佢都好似慢半拍先開始追個波,結果成日俾對手翼鋒佔左先機,我再認真睇番佢既能力發覺佢agility偏低,如果唔係呢樣野既話佢真係一個相當之完美既後衛黎,我諗佢慢半拍既時候就係佢轉緊身既時候,呢個動作係畫面上睇唔到,但右閘既vanden borre基本上冇呢個問題,所以我係咁睇
無疑一隊波既陣式同打法係好重要,但更重要既係你擺左d咩人落去邊個位置,雲佬再勁但如果你搵佢做翼鋒佢都會冇咩作為,係呢個例子入面佢用ML/R而唔係AML/R,我覺得用進攻能力較低但更全面既朴智星同米拿會比c朗同傑斯好,唔想晒左c朗同傑斯呢2個咁出色既球員,倒不如將佢擺番係AML/R呢個攻擊性更強既位置吧,一來可以更加發揮到佢地速度(係反擊時只要波到佢地腳下已經去到一個相當有利攻擊位置)同攻擊強既特性,二黎佢地可以cut入中間等兩閘助攻時邊路唔好塞車,亦都彌補左朗尼擺後左前面人手少左既問題,當然傑斯埋門果下係隻game入面係差d,如果有d埋門好d既球員效果會更好
以上點點就係我擺陣跟據,我係以唔變佢既正選球員為依歸去建議陣式轉變,所以並非話ML/R冇用,而只係佢擺落去既球員個人覺得唔係最適合踢果個位置,要球隊打得好我覺得最重要係將適當既球員擺番係適當既位置,即使果個球員再強但如果你楚材晉用既話都只會徒勞無功,始終呢個世界唔係太多朗尼呢類好多位置都可以踢得好出色既天才球員

Hakkinen

Originally posted by 雲佬 at 2005-11-23 06:32:

首先,軒斯左腳叻d李奧右腳叻d佢地2個位置掉轉係好正常,你睇真實既曼聯佢都會將擅長左腳既施維斯達擺係左中堅既位置,呢d係基本常識黎,因為踢得偏左會有多d機會用左腳,施維斯達最容易出錯就係佢用右腳解圍既時候, ...

首先,同埋圖同埋佢打出黎個陣,中堅位係調左,可見佢唔係特登擺軒斯打右中堅

第二,傑斯,C7 無可否認攻比守優,但我相信大部份翼鋒都係,個陣將佢拉線拉上一格可能會更好,基本上左右中場回防大多數時間既工作會係防死球,標波,其他防守工作相信防中仍都可以做到.如果你要搵速度快,攻守好既左右中場我相信係會有一定難度,朴智星既進攻能力我覺得冇C7,傑斯好,但當然佢防守能力係好過佢地,如果傑斯快冇氣既,可以較個閘減少上前助攻,專心防守,傑斯可以大部份時間可以留係中場線助攻什至反擊

第三,mc247 之所以擺美斯,朗尼係AMC,拉線向上,係希望雲佬拉開後衛後上助攻,就算佢set WIDTH below normal 都可以接受,縮窄所利用既球場闊度,可以令球員更加集中係中間,但同時仍可以突然向邊線發難


第四,AMC 方面,的確佢地既作用係分波,製造機會,後上助攻,前鋒拉開之後,製造機會既唔係1個AMC,而係2個,佢地仍可以分開左右同左右中場夾攻邊線,什至再拉開對方後防製造機會俾左右中場入楔,當然將其中一名移後作MC或將朗尼移前打FC仍未嘗不可,始終都係人地既選擇,而史密夫仍可以後上出LONG SHOT,但當然我仍唔認同阿倫史密夫充當防中一角,但係mc247 講佢堅尼受傷,所以我有理由相信正選理應會係堅尼

第五,你應該有用過曼聯,仍都明白曼聯財政狀況唔太好,冇咩人買錢,里奧係game黎講係一個好中堅,而mc247 既後防仍十分正路,我仍覺得奧沙打中堅好過左閘,但我唔覺得好似你所講咁差,而且TEAMWORK 低既人唔代表鐘意扭波,唔好當左個個都係C7咁鐘意扭波

第六,你話隻game身高影響唔及數值大,君不見討論版內有幾多人討論ZIGIC 既屈機性,唔知你有冇用美斯,但美斯頭槌頂10次10次都係輸的,身高問題...HEADING同JUMPING 當然重要,但身高仍不可或缺,閣下既KOMPANY 失波可能唔係HEADING同JUMPING 問題,可能佢同人爭頂唔係佢強項,相反係里奧強項,相比之下比下去

第七,軒斯轉身慢,你可以SET低少少佢既CLOSING DOWN,並唔係左右閘SETTING都要一樣的,BORRE 我都有用過,佢既速度比軒斯更快,仍可能係佢追得上對方既原因之一

第八,唔好俾球員所屬位置影響你既判斷,C7,傑斯做左右中場絕無問題,只要個人既SETTING得宜,佢地仍能發揮出最大威力,如果擺佢地做AML/AMR,咁防守就絕對會成為問題,所以我寧願拉線+SET FORWARD RUN好過,如果你著重防守力既,可以打4-4-1-1,但mc247 咁set仍冇大問題,事實上我用既曼聯差唔多每場都有失波,但每場平均入2.8球,我覺得都係OK的

第九,個FORMATION同TEAM INSTRUCTION 重要性係遠遠比唔上PERSONAL INSTRUCTION 重要,mc247 可能係PERSONAL INSTRUCTION SETTING既失誤令到經常輸單刀吧 DEFENSIVE LINE 移後都可以增加單刀機會的

TinTin

Originally posted by Hakkinen at 2005-11-22 06:34 PM:


首先,同埋圖同埋佢打出黎個陣,中堅位係調左,可見佢唔係特登擺軒斯打右中堅

第二,傑斯,C7 無可否認攻比守優,但我相信大部份翼鋒都係,個陣將佢拉線拉上一格可能會更好,基本上左右中場回防大多數時間既工作會 ...

你清楚好多

樓上果個千字文﹐我睇左3行就眼花

gloomyfox

同意将杰斯，c7放去aml,r

雲佬

Originally posted by Hakkinen at 23-11-2005 11:34 AM:


首先,同埋圖同埋佢打出黎個陣,中堅位係調左,可見佢唔係特登擺軒斯打右中堅

第二,傑斯,C7 無可否認攻比守優,但我相信大部份翼鋒都係,個陣將佢拉線拉上一格可能會更好,基本上左右中場回防大多數時間既工作會 ...

有幾樣野我唔係咁同意你所講可以討論一下
第一,翼鋒既防守一般黎講唔係只限於死球同標波,而係當對防既閘上前助攻時翼鋒就有責任回防mark番對方既閘
第二,因為佢既戰術冇利用球場闊,所以佢既左右中場係進攻時都唔會企得太邊,就算將個波分俾左右中場佢地都會係靠近中間既位置,咁對方防守球員可以集中防守,球場變相縮細左,用1個誇張d既例子,諗下當雙方11個球員係個7人場踢會點,就係成個場密密麻麻,根本冇空間俾d技術好既球員去發揮佢既個人技術,個波只會好似彈波子機咁下下俾人彈番出黎,攻方唔利用球場闊度對守方黎講係極之有利,將攻勢太過集中係中路只會晒左美斯同朗尼既技術,因為你人多時人地都會人多,球員既平均距離織窄左,你岩岩先擺脫完一個第二個已經殺到
第三,阿倫史密夫既遠射其實幾差,通常都射唔中目標,呢個係我對佢既唯一挑剔黎,所以我唔希望佢會遠射
第四,teamwork低既人會比較鐘意個人表演,扭波就係其中一樣,係曼聯果個專post有好多人都係因為里奧成日係後面打高章波累球隊輸波先賣佢,正正係因為曼聯財政麻麻先要賣走里奧,一黎可以有一筆相當可觀既轉會費,二黎佢95000鎊既週薪對曼聯黎講係一個好大既負擔,我個save將李奧以18m既價錢送左去車仔,以19m收購京治頂佢,雖然我蝕左1m(但同時因為京治人工低,所以齋計第1季已經慳左3.9m人工,長遠計落去更加慳,個人認為絕對係除笨有精),但京治既表現就穩定得多,要入我波通常只有3個方法:1.將京治引離禁區 2.搏12碼 3.趁雲達沙無啦啦走出黎笠入(呢個我覺得係隻game一個唔合理既設定黎,好多時後衛將個波頂番出去時龍門都會走到好出),基本上京治一日留係禁區入而而佢又搏唔到12碼既要入波難度真係相當大,同用里奧時有天壤之別,李奧唔係話佢十分唔掂,只係佢掂起上黎的確好掂,但犯起錯上黎亦都幾大獲,我覺得中堅作為龍門前既最後一道防線有穩定既高水準發揮相當重要
第五,我都有用美斯,但我極唔同意佢頭槌弱既講法,佢頭槌唔單止唔弱,反而係佢既重要殺著之一,我用雲佬打單箭頭,美斯打AMC,AML/R分別係端基同c朗,美斯經常接應兩翼傳中頭槌頂入,佢係球隊既第二號殺手,而大部份既入波都係用頭而唔係用腳,又點會頂10次頭槌輸足10次呢,我既美斯冇高過,身高只不過係169
第六,其實我絕對係一個進攻至上既人黎,我之所以主張將朗尼擺後少少搶波係因為佢話佢輸好多單刀波,我覺得係中路防守薄弱所致,所以都好想知佢到底係輸咩單刀波,到底係輸直線多定係俾人撞牆多呢?我唔係好清楚佢擺呢個陣傑斯同c朗係防守上既表現係點,但如果兩邊防守係要靠阿倫史密夫去協防既話情況就未許樂觀,只要對手轉一轉方向既就可以令阿倫史密夫疲於奔命,我係用朗尼同阿倫史密夫打MC作為後防線前既屏障,因為冇叫兩翼回防所以佢地都成日俾人扯到兩邊踢得幾辛苦,如果要由1人黎擔任呢個工作既情況會更甚(雖然佢既左右中場會防守,但如果唔係成日搶到個波既我相信擔任防中既阿倫史密夫會過去協防,但朗尼同美斯有拉線,所以佢地應該基本上唔會參加防守咁滯,中路既防守要由阿倫史密夫獨力擔當已經相當吃力,如果仲要時不時去兩邊協防既我覺得工作量真係大得滯,多口問句,我想知呢個陣阿倫史密夫打滿90分鐘既話完場後佢既體力會淨番幾多架?)至於你所講將兩翼擺係AML/R係防守上既問題我係絕對同意既,因為我既二閘經常都要1個應付對方2個球員,有時阿倫史密夫同朗尼去協防就會好少少,所以我用曼聯都可以係英超1季失39球,平均每場失多過1球,但亦都因為我將佢地擺上左而且唔叫佢地回防,佢地係進攻上既表現絕對唔失禮,最後埋單入左153球,平均每場高於4球,因為佢地專注進攻同埋等待反擊機會,令雲佬直接得益單季個人狂轟127球,包括作客車仔既聯賽同足總杯決賽對車仔都個人獨中五元,當然都要好彩佢全季都冇大傷先得,但擺前d的確可以入多幾球去補番因為冇返後防守而令失波上升既損失

雲佬

講多句,美斯唔單止成日頭槌入波,而且時不時佢接應後場既大腳長傳時都可以頂嬴對手中堅俾雲佬輕鬆得到單刀機會,當然呢d波都係頂輸多,因為呢d情況對方係迎頂,要頂嬴難度相當大,有時我用朴智星客串右閘佢d頭槌咁屎都因為係迎頂多而經常頂嬴頭槌勁過佢既人,所以美斯能時不時頂嬴已經係相當厲害,佢既頭槌絕對唔差架

雲佬

同埋zigic頭槌咁強除左因為佢高人一等外,佢既heading同jumping都係20,咁當然屈到爆,要睇下身高重要性去到邊,應該搵d高人一等但jumping,heading呢d影頭頂波既能力值低既人去試下,係我既經驗入面我覺得當面對級數低既對手時,只擁有身高優勢已經可以輕鬆擁有絕對制空權(比基同米基爾係面對較弱對手時通常都係空中霸王黎),但當你面對有一定實力既對手時,就再唔係得身材得天下啦,反而jumping,heading呢d更加重要,至於balance,strength既影響有幾大我就唔係太清楚

肥仔麟

我f5西史essay都無你地寫得咁多字

AirKID

Originally posted by 雲佬 at 2005-11-23 16:40:

有幾樣野我唔係咁同意你所講可以討論一下
第一,翼鋒既防守一般黎講唔係只限於死球同標波,而係當對防既閘上前助攻時翼鋒就有責任回防mark番對方既閘
第二,因為佢既戰術冇利用球場闊,所以佢既左右中場係進攻時都 ...

你寫完文都係想有人睇ｊａ
咁唔該你顧下讀者感受呀

water_long

Originally posted by AirKID at 24-11-2005 01:03:


你寫完文都係想有人睇ｊａ
咁唔該你顧下讀者感受呀

至少都隔下行

water_long

Originally posted by TinTin at 23-11-2005 12:37:


你清楚好多

樓上果個千字文﹐我睇左3行就眼花

我半行都沒

water_long

4132,3個中場的箭嘴上到最頂
剛打完第5場聯賽同聯賽杯後set的,結果打完聯賽第14場後隊波俾我升番上去,暫時此陣仲未敗過
主場time wasting rarely,attacking
作客time wasting often,defensive
作客對強隊轉打2個dm應該有良好效果(之前對阿仙奴打2dm踢成0-0)

ronnotam

唔知點解聯賽開季 4場只係贏 1場

中場搶唔贏... 主場都俾人禁住黎攻...

無論主客, 對方都多射門過我..

有冇高手幫我搞搞佢

W.James

想問你地點樣set單箭頭?我用咩前鋒都發揮唔到佢地的function反而係d中場同埋後衛唔知幾時衝左上黎入波...(唔係free kick or corner)
佢地係差唔多都係負責assist都冇射過波禁...just幾場入左1or2...

巴巴耶路

偉根用咩陣好?????????????/