香港波-----聯賽盃

Blackburn_Owen

香雪晨曦6：1炒08
13/11/2005


尋日聯賽杯開鑼日，除南華○比一負傑志外，衛冕冠軍香雪晨曦則有飛躍開始，以六比一大勝香港08隊，打響頭炮。  

七球都係晨曦經手
  

香雪晨曦面對實力平平香港08隊，全場佔盡優勢，連同「烏龍球」昨仗七個入球均由該隊包辦。包括有亞古沙梅開二度，歷高、高尼路、陳豪文及陳耀麟各建一功。

香港08「破蛋」的一球則在完場前八分鐘，憑晨曦後衛梁志榮救球心切下，門前「擺烏龍」將球撞入。

昨日聯賽杯「雙料娛樂」賽事，旺角場共有一千零七十一人入場，購票人數八百四十九人，收入二萬七千九百八十元。

Blackburn_Owen

舉牌7分牌醒夠10分鐘
球證補時補到傑志贏
13/11/2005


香港有「黑哨」？聯賽杯分組賽昨午於旺角場上演，B組南華踢出佳作，卻遭傑志在長達十分鐘的補時階段攻破大門，最終以○比一輸波，在場球迷大呼：「球證補時補到傑志入波！」為南華不值。  
補時過晒龍實錄


南華今仗拚勁十足，令傑志老鼠拉龜，比賽過程亦順暢，眼看可爆冷搶分，在甲組執法兩年多的球證黃志騰，卻於完場前一分鐘指示第四裁判要補時七分鐘。  

偉哥質疑點只七分鐘
  

補時階段，傑志佔盡上風，七分鐘過去，黃志騰仍未吹雞，在場人士起哄，傑志終在補時達十分鐘時由張健峰射入全場唯一入球，全取三分。

賽後球迷對黃志騰的超長補時議論紛紛，「補時補到傑志入波」之聲不絕於耳。一名女球迷對南華助教陳國雄說：「咁gei球證，你踢得幾好都冇用，傑志唔入波佢唔會吹完場！」

另一老球迷怒吼：「香港有黑哨！我真金白銀畀錢買飛入場，唔想見到咁！」

南華練黃文偉不忿地說：「一定唔只補七分鐘，講得多都晒氣！」總監梁守志則指出：「補七分鐘已經奇，點知打打下補十分鐘，同我一齊睇波張恩華都話過分。雖然輸贏好閒，不過見球員搏到盡都輸，咁搞法，只會搞到球迷卻步。」

曾任球證的傑志總監伍健則說：「呢d野唔到我控制。從現場球迷反應，我都知唔對路，不過我都唔知個球證點解補時補咁耐！」  

黃志騰曾被球員追打
  

球證黃志騰執法水平問題其實已有先例，今年五月舉行的上屆足總杯四強愉園對日之泉，黃志騰執法共出示四紅四黃，賽事中更被日之泉球員陸曉東追打，場面混亂不堪。


from東方日報

肥仔麟

喂 , 補十分鐘誇d wo

TAMTOM

香港08

特長補時

肥仔麟

Originally posted by TAMTOM at 2005-11-13 11:57 AM:
香港08

特長補時

08果隊入左一球之後 , 開心到彈彈下

leung_kenneth

(星島日報報道)傑志昨日於聯賽盃首日賽事，在球證令人費解的補時之下，於完場前一剎由張健峰射入全場唯一入球擊敗南華，小組賽旗開得勝。

　　傑志昨仗排出三箭頭攻堅，惟面對積極防守的南華卻顯得無計可施，兩隊半場互無紀錄。下半場傑志續以排山倒海攻勢圍堵南華，眼看南華成功取得一分之際，主裁判黃志騰無視旁證補時七分鐘的決定，任由比賽多進行近十二分鐘，傑志卒憑張健峰在禁區混戰射入全場唯一入球取勝，而球證黃志騰在南華重開比賽後僅數秒即鳴笛完場，判決令人側目。

　　頭場賽事，香雪晨曦以六比一大破香港○八，現時與傑志分列A、B組榜首。聯賽盃今日續上演兩仗，頭場澎馬流浪對公民，尾場愉園(相關新聞 - 網站)對東莞聯華。

leung_kenneth

我想知球証o係比賽報告上面會寫乜...

HackerWong

黑哨!!!!!!!!!!
還我一分!!!

AirKID

唔該足總公開交待件事
如果唔係水洗唔清

阿sa

y 補時七分鐘? 之後仲要補12 分鐘?

Blackburn_Owen

Originally posted by AirKID at 2005-11-13 14:52:
唔該足總公開交待件事
如果唔係水洗唔清

邊會丫佢...佢想時間沖淡一砌.....而家仲有冇人提晨曦果單野呢?

StupidPhilip

同白粉報打下對台先

<蘋果日報>

甲 組 聯 賽 盃
南 華 負 傑 志 轟 補 時 太 長

傑 志 昨 午 在 聯 賽 盃 B 組 分 組 賽 憑 守 衛 張 建 峰 補 時 七 分 鐘 的 入
球 ， 以 一 比 ○ 險 勝 南 華 ， 而 衛 冕 的 香 雪 晨 曦 在 A 組 首 戰 以 六
比 一 大 勝 香 港 ○ 八 ， 順 利 打 響 頭 炮 。

第 六 屆 聯 賽 盃 昨 日 在 旺 角 球 場 揭 開 戰 幕 ， 首 天 賽 事 共 吸 引
到 超 過 一 千 名 球 迷 入 場 ； 晨 曦 在 頭 場 一 如 所 料 狂 數 香 港 ○
八 ， 而 傑 志 在 尾 場 表 現 失 準 ， 加 上 南 華 改 善 防 守 ， 令 戰 況
膠 ， 直 至 傑 志 的 張 建 峰 完 場 前 一 刻 近 射 破 網 ， 令 南 華 職 球
員 及 球 迷 對 球 證 黃 志 騰 補 時 七 分 鐘 大 呼 不 滿 。

據 悉 ， 足 總 的 球 證 導 師 在 季 前 給 予 球 證 指 引 ， 為 球 員 在 比
賽 途 中 受 傷 ， 而 要 出 動 擔 架 將 受 傷 球 員 抬 離 場 要 補 時 一 分
鐘 ； 另 外 ， 球 員 替 換 則 要 補 回 三 十 秒 ， 球 證 必 須 嚴 格 執
行 。

晨 曦 6:1 輕 取 香 港 ○ 八
昨 日 傑 志 對 南 華 下 半 場 共 五 度 出 動 擔 架 ， 雙 方 共 換 五 名 球
員 ， 這 已 超 過 七 分 鐘 ， 加 上 南 華 門 將 魏 釗 在 補 時 階 段 受
傷 ， 故 再 補 回 兩 分 鐘 ， 令 賽 事 合 共 補 時 超 過 九 分 鐘 。

足 總 競 賽 部 主 管 林 成 駒 接 受 查 詢 時 表 示 ， 聽 聞 球 證 導 師 曾
向 球 證 作 出 此 指 引 ， 但 要 向 裁 判 小 組 了 解 ， 如 真 有 此 指 引
將 向 外 交 代 。
晨 曦 藉 亞 古 沙 梅 開 二 度 ， 加 上 歷 高 、 高 尼 路 、 陳 豪 文 及 陳
耀 麟 各 建 一 功 ， 遙 遙 領 先 至 六 比 ○ ， 而 香 港 ○ 八 靠 晨 曦 守
衛 梁 志 榮 的 「 烏 龍 球 」 破 蛋 ， 最 終 以 一 比 六 見 負 。

古都

呢球應該係08第2球

TAMTOM

Originally posted by 古都 at 2005-11-13 20:09:
呢球應該係08第2球

唔怪得咁感動啦

古都

Originally posted by TAMTOM at 2005-11-13 08:12 PM:

唔怪得咁感動啦

聯賽好似有1球

古都

08呢隊波
都唔識防高波

StupidPhilip

Originally posted by 阿sa at 2005-11-13 03:00 PM:
y 補時七分鐘? 之後仲要補12 分鐘?

尋日有睇,應該只係補左9分幾鐘

Fifa指引
換人補半分鐘
受傷補一分鐘

5次換人+5次出擔架,5x0.5+5x1應該補7分
補時魏釗受傷,+多1分
傑志球波補時6分幾鐘入
慶祝左一陣
重身開波過多陣吹雞
9分幾鐘差唔多啦

跟足比人批,唔跟足又比人批

古都

原來球證係好人
出4紅4黃都唔代表水準有問題ge

StupidPhilip

Originally posted by 古都 at 2005-11-13 08:24 PM:
原來球證係好人
出4紅4黃都唔代表水準有問題ge

逢親佢執法一定有野火場面(大單野),所謂重點裁培國際球證.....

阿sa

Originally posted by 古都 at 2005-11-13 08:14 PM:
08呢隊波
都唔識防高波

個龍門唔識出黎接...角球又mark 唔緊人,好似zonal marking咁