|
|
發表於 2005-11-19 14:42:29
|
顯示全部樓層
Originally posted by khtong at 19-11-2005 01:23 PM:
咁就唔好浪費佢啦,聰明仔 Zoff...關咩事??
重有呢,你做咩唔話迪贊巴,基巴神同侯活勁既?定係...
咩費格遜一教曼聯就三冠咩?點解我唔知?
你球齡又幾大?Alan Smith...一場比賽就係球王?你真傻 ...
真係好懷疑你既波齡連10年都冇
米拿揚威世界杯時,都唔知林柏特係邊
當你係英超入得果10球認為係勁既時候,望一望雲佬同亨利既入球紀錄,再望一望雲佬係英超既連續入球紀錄,你會發覺原來自己水平並未去到值得自豪既地步,順道借一借奧雲既說話,當你面對弱旅時能夠上演帽子戲法,你亦未必係巨星,巨星係一d能夠面對勁旅都一樣表現出色既球員,就好似朗尼一樣
原來基斯普,柏加,馬基里尼,謝列美呢d係歐洲頂級聯賽球會打開主力而且表現出色既球員都叫一線尾
就係因為費sir唔係一教就三冠,要將隊波慢慢由非爭標熱門執到變爭標熱門,再由爭標熱門執到上班霸先值得令人回味,而且呢d係完全靠佢個人實力,絕非一個錢字可以形容,誠如雲格所言,現今當你想收購一個球員既時候,你必先寄望佢並未出現係車路士既收購名單當中,否則只好另覓人選,呢個情況係足球界都係第一次出現,作為真正既球迷當然唔希望足球被破壞,但事實卻總係令人無奈,好多人可以為左錢而出賣足球,國際足協主席白禮達就係其中一個極具代表性既人物,為左搵多d贊助費而三番四次係公開場合提議女足應該改行性感路線,因為巴林既富裕當住世人既面前將烏茲別克踢出局而面不改容,真係荒天下之大謬,而接二連三因為現今足球賽程太密而令球員命喪球場既事件卻未能令佢做番d份內事,我相信應該冇人會反對體育運動同商業扯上關係,但點都要有個譜,NBA就係一個好好既例子,NBA毫無疑問相當商業化,但亦都會有佢特別既規則去阻止某d富翁利用自己既錢去改變籃球,呢個底線係任何運動都應該係絕對要受到保護
好多人都會有疑問就係點解有d有足夠實力既球員去到曼聯會交唔出表現,原因黎黎去去都係果個,就借龍門呢個位黎講明一下,須知道當你效力曼聯時你會有千斤壓力,毫無疑問呢個實在要"歸咎"於球隊輝煌既往績,呢d壓力係其他從未輝煌過既球隊係絕對唔會出現,龍門呢個位置特別明顯係因為自從舒米高離隊後所有曼聯門將都活在舒米高既影子底下,每當曼聯收購一個新門將時,傳媒只會千篇一律地提出一個問題:佢真係能夠代替舒米高?壓力令佢地唔能夠發揮水準,波底好既保斯尼治,世界杯冠軍球隊主力門將巴夫斯等人無一倖免,皆因你為曼聯把守最後一關既壓力比你係世界杯決賽為自己國家把守最後一關壓力更大,直至經驗豐富既雲達沙出現至令問題得到相當大程度既解決,可惜佢豐富既經驗仍然敵唔過呢d壓力先會係對米杜士堡既比賽犯下佢加盟曼聯以黎第一個錯誤,其他位置情況類似,基巴臣係曼聯亦踢出過精彩足球,但當佢發覺只要有一場比賽佢稍為失準就會成為被人口誅筆伐既對象時,呢位世界杯冠軍球隊既主力亦難以保持穩定既發揮,始終好似雲佬,雲達沙呢d善於處理壓力既球員唔多
[ Last edited by 雲佬 on 19-11-2005 at 02:46 PM ] |
|
IP卡
狗仔卡
顯身å¡
發表於 2005-11-19 15:44:56
