自從桑拿士被炒,就冇睇過紐卡素踢沒,點知禽晚一睇,佢就輸俾我睇.
同桑拿士教時候o既分別,但係用多o左地波,中場4個人控球能力都ok,不過波一到前線就斷,尤其是到老味腳下.舒利亞保持水準,由佢拍老味,敵人真係好易防守,而高空波面對曼聯防線,亦唔覺有咩優勢.
我地今場後防,面對有速度o既攻線真係不堪一擊,唔計回傳失誤o既第一球,郎尼幾乎一有波到腳就俾到威脅我地,如果唔係沙夏同C.RON o既垃圾射門,我地點止輸兩球.希望後防眾人傷好之後會有改善.
中場其實真係打到好漂亮o既短傳,不過我地o既慢速攻擊手根本冇能力拉開敵衛,好多波質死中間,我認為咁o既打點都要配合一D有速度有活力o既前鋒,另一個前鋒就最好有控球能力,同制空權.究竟盧基係唔係傷病,佢打前o既話,我覺得中前場都會生好多.
就算奧雲遲D復出,最好都幫佢搵個拍擋,如果佢拍盧基就完全冇制空力.舒利亞太老,老味好慢,真係好慢,不足以當主力.
我亦覺得要幫盧基定番個位,冇錯尼索比亞係打得好好,不過唔用盧基就真係好可惜,盧基隻左腳係好強勁o既攻門武器.個人認為佢左路同前鋒都得,如果俾我選甚至會放佢o係奧雲之上,不過我都知只係我個人想法,現實冇咩可能. |
IP卡
狗仔卡
發表於 2006-3-13 00:57:31
顯身å¡
發表於 2006-3-13 02:14:38
發表於 2006-3-13 04:15:58
