大埔足球隊 衝擊甲組冇班費copy from goalgoalgoal

疾峰

<<轉載自 明報>>
團體 專訪

數年前香港足球總會邀請各區成立足球隊參加丙組聯賽，其時民政事務總署及康文署亦表示支持，其中大埔足球會更是成績優異，由丙組升上乙組，現時暫列乙組第二位，積分上亦高於第三位的球隊10分之多，將很大機會跟第一位的隊伍衝擊甲組聯賽，但未衝擊甲組前已經面對營運開支上的衝擊，可謂既喜且憂。

成績好固然值得高興，但升上甲組卻面對班費問題，單是每場比賽的場租已經數萬元，政府的資助已不足以應付甲組比賽。大埔足球會秘書長陳平無奈表示，政府沒有為足球發展定立長遠方向，如果「上到甲組就自己諗掂，而家上(甲組)又係，唔上又唔係。」球員呂志興對於政府的態度亦頗有微言，「政府淨係識得講，搞得出(地區足球隊)，就應該預佢地有成績......我地連(甲組)聯賽上立足基本資金都冇。」陳平希望有關方面能提高對晉級甲組的地區球隊的資助。

期盼證明實力
雖然面對班費問題，但陳平說：「無論如何，如果可以，我地一定會升班，等佢地有機會感受下甲組賽事，都係好事。」而對於可望升上甲組，一眾大埔足球會球員亦顯得雀躍，呂志興笑說：「由丙組開始，踢咁多年，都想試下職業球賽......想試自己實力去到邊。」曾經是甲組隊伍愉園預備組的蘇康城認為甲組聯賽操練方式較有系統，相信升上甲組有助提升大埔足球會的知名度。

作為球隊教練及隊長的陳旭智即將大學畢業，他表示找工作之餘亦希望可在甲組作賽，「畀自己一年時間睇下可唔可以甲組立足，會唔會有出場機會，如果踢得好咪繼續囉！」過去兩年受傷而只能斷斷續續比賽的石靖表示，眼見隊友表現出色，亦十分欣慰。

無意作為正職
升上甲組後可能會有球會「高薪挖角」，一直視球員為兒子的陳平表示，絕不介意其他球會「高薪挖角」，但諷刺的是所謂的「高薪」卻遠低於球員本身正職的收入，所以，雖然他們可一嘗甲組球員滋味，但談到做職業球員，眾人一致表示不會。

曾經踢過一季甲組的陳思榮表示，足球員生涯不長久，「10年後冇學歷又冇技能，到時搵工唔通同人講『我踢過10幾年波』咁呀？」他又謂，甲組球會「班主話哂事」，球員要看老闆面色，「佢畀得起錢，鍾意咪畀你踢正選，唔鍾意就唔畀。」蘇康城亦認同，「始終有份正職，冇理由辭職去踢波。」呂志興亦謂，「踢得10幾年，過當打陣，仲邊有人簽你？」20出頭的男孩卻仿佛已看透世情。

贏體育精神獎
撇開升上甲組資金問題，大家對於升上甲組都十分嚮往，陳平表示，「睇到佢地成長係好開心，佢地紀律好好，踢波都唔會放棄學業，年年都『體育精神獎』，拎到好成績又唔拎牌(紅黃牌)唔容易！」球員亦謂大家就像「兄弟班」，即使輸波大家都是互相鼓勵，而非互相埋怨，所以大家感情十分融洽。

後記：
坐在記者面前的不過是20出頭的男孩，嘴 邊卻常常掛：「陣時我地......」仿佛說數十 年前的歷史。常說：「歲月催人老」， 或許足球歲月更甚。


copy from goalgoalgoal

hehe0114

又會多個大學生足球員???


唉
其實又有幾多隊二合同西貢丫

講野無point的人

...........

Manu super fans

原帖由 講野無point的人 於 2006-3-18  08:18 PM 發表
...........

政府...

hehe0114

原帖由 Manu super fans 於 2006-3-18  20:31 發表

政府...

舊聞

截拳道小子

原帖由 Manu super fans 於 2006-3-18  08:31 PM 發表

政府...

叫全球第十仲好啦

講野無point的人

原帖由 截拳道小子 於 2006-3-18  08:33 PM 發表

叫全球第十仲好啦

冇錢賺既唔好煩我

ibrahimovic

香港足球..............

bazookay

曾經踢過一季甲組的陳思榮表示，足球員生涯不長久，「10年後冇學歷又冇技能，到時搵工唔通同人講『我踢過10幾年波』咁呀？」

而家D人聰明0左。。。退休之後咪又係打回原型。。。

聽講有甲組球員0係季休0既時候響地盤做過墨斗賺兼職。。。。睇黎果份正職0既錢都0吾夠用。。。

肥仔麟

原帖由 bazookay 於 2006-3-19  12:02 AM 發表


而家D人聰明0左。。。退休之後咪又係打回原型。。。

聽講有甲組球員0係季休0既時候響地盤做過墨斗賺兼職。。。。睇黎果份正職0既錢都0吾夠用。。。

踢完波出黎 , 可能做小巴的士司機 , 一係地盤 ,
咁不如襯細一早出黎學門手藝仲好

chungundertaker

叫班商家佬出黎搞下足球好過啦

bazookay

原帖由 chungundertaker 於 2006-3-19  08:36 AM 發表
叫班商家佬出黎搞下足球好過啦

呢D對佢地黎講0既蝕本生意佢地係0吾會做0既。。。0係香港搞足球係等於掉錢落鹹水海。。。

cowred

睇黎政府係時候做d野

啊啊啊啊

連訓練場地都唔多夠..
睇黎要踢街場當練波遲d

平仔

單是每場比賽的場租已經數萬元



我諗hk08果份都已經係政府俾
邊有咁多錢

源．京一

無國際賽成績
點支持你...政府既觀點就永遠都係咁

講野無point的人

原帖由 源．京一 於 2006-3-20  12:43 AM 發表
無國際賽成績
點支持你...政府既觀點就永遠都係咁

其實香港已經上番亞洲20大

bazookay

原帖由 源．京一 於 2006-3-20  12:43 AM 發表
無國際賽成績
點支持你...政府既觀點就永遠都係咁

一來係0甘。。。

二來0係香港大多數父母都0吾會贊成個仔去踢職業波。。。識捻0既都0吾會揀呢樣野去搵食。。。

講野無point的人

其實政府唔俾錢都岩既

但係d場租好心就咪鬼收啦

bazookay

原帖由 講野無point的人 於 2006-3-20  01:11 AM 發表
其實政府唔俾錢都岩既

但係d場租好心就咪鬼收啦

佢地會講一大堆官腔。。。"康民署發言人話現時並沒有減價或豁免0既空間。。。但會認真探討民眾0既意見。。然後再作出調整。。。(下刪一百字)。。。"