Addictedness rating?????

一路向北

原帖由 阿爆 於 2006-3-23  07:05 AM 發表


即係你地三個人既post , 我咩都可以唔回應 , 但係呢句真係唔得 , 投票又一大堆 , 哂命既又一堆 , 無聊&問人意見既又一堆(<--對開Topic 個位就唔係useless 既 ) ; 真係問題既其實來來去去都係個十零廿個

阿爆兄....希望你唔好誤會...
雖然我有水蛇春咁長既回覆, 但咁絕對唔代表我對你有任何不滿..

打從我上呢個網開始, 我都認為你既回覆係最有用, 最有參考價值...
我亦都體諒到身為一版既版主, 真係好辛苦, 好多野覆,,,
所以有時我發post係真係duplicate得好明顯既, 我都會say句sorry...

而從你以上既回覆, 可以睇得出,,
講緊既, 係會員發言既質素,,,
牽涉既, 係清理版面既手法,,,
從一個visitor既角度出發, 要求佢地響每次發post前必須先完全檢閱有否duplicated既舊post,
著實覺得有點嚴苛...相信大部份會員極其量都只會翻閱頭4-7版既topic....
往後既topic, 未必每個會員有心注意......
究其原因, 相信係多數人既瀏覽方法, 都會先瀏覽主題版面, 若有問題時, 便直接click"發新主題"發問..
instead of click"搜尋".......

至於其他, e.g. 投票, 哂命等post....
可能對於一個以&#31899;清版面為己任既版面管理員黎講...會覺不勝其煩..
但在我而言, 卻覺得眼見會員"互窒"..係頗有趣既事, 亦係討論區既特式/樂趣之一...

在此, 並無意, 亦無資格教人做版主....
但個人意見, 不防將所有較熱門話題, 或曾duplicated的, 全部置頂...
並講明"凡於說明書有提及過或出現於置頂既問題, 一概不回答"
咁做可能要置頂既主題會多達數版或十數版,,,
但起碼可以提高發言質素, 不會重覆主題,,

最後, 本人自覺不屬一些不會胡亂發言的高質素會員....
又或如某會員所講, 自找答案才是cm/fm既真諦....
在此, 再次衷心謝過阿爆兄一直以黎既指導....
講真, 真係令我對cm/fm既認識加深不少.....

thomaskung

原帖由 一路向北 於 2006-3-23  12:30 PM 發表
miss&#21655;呢句: "等佢地知道玩cm,fm既真諦係要自己發掘玩法..."

如果你呢句說話係成立既話.....
咁所有有關fm2006既討論區都應該可以收皮....
只需打一句"玩cm,fm既真諦係要自 ...

你真係冇藥可救....小心你既字眼.....

完全知道你係一個連討論區存在目的都唔知既人....

呢個forum本意係希望大家討論遊戲意見同心得...包括tactics,players...etc...
而唔係比大家問一d連說明書都寫左既問題...

你上si網問冇問題...因為係service....但係hkcm唔係開善堂....冇必要逢問必答...
答係同情,唔答係應該....

我所講既真諦...只係針對一d只係話唔識玩之後問人點玩既....
人地乜都幫哂你...你仲駛玩既咩?

有唔明唔識....咪開game不停試下囉....
好似有人問拉線咁.....
只要拉左線...睇pitch都會發現有唔同....點解唔試下....
更何況說明書有寫....hkcm都search到....
冇奶油要開個topic問....
如果試過都發現唔到....咁證明冇專心玩...要檢討下啦...

我唔介意有人post個陣容出黎討論...如果個陣有事...
我都會盡力幫佢...
但係post個全部星級球員話前鋒入球一季冇60~70球....
咁自然係你自己有問題....呢d絕對唔抵幫....
有幾十m都話唔夠用既仲離譜....俾夠1000m你都冇用啦....
都唔識運用...

一路向北

原帖由 thomaskung 於 2006-3-23  06:36 PM 發表


你真係冇藥可救....小心你既字眼.....

完全知道你係一個連討論區存在目的都唔知既人....

呢個forum本意係希望大家討論遊戲意見同心得...包括tactics,players...etc...
而唔係比 ...

身為d"低質"會員既我, 真係冇資格再同你呢d"高質"會員爭論落去.....
講完以下幾點就算, 唔想浪費版位, 就算打後你!@#@!我都好, 都唔再回覆:

1/ 我唔知你本說明書係咪SI別注俾你, 我就搵唔到有列出關於"addictedness rating"既sample,
    你有既話, 唔駛講野, 放上黎俾人睇下....

2/ 哥仔, 你邊位呀?? 你係網主咩?? 你係版主咩?? 你係版面管理員咩??
    你憑咩講"呢個orum本意係希望大家討論遊戲意見同心得"先??
    乜原來個本意係你定架??? 我咁耐冇見過邊度有寫"只歡迎大家討論遊戲意見同心得"喎...
    換轉阿爆而家同我講, 我即刻收聲, 你???
    再講, 就算真係如你所言, 咁響論壇裡面有冇開宗明義講過俾人聽論壇既宗旨先???
    我真係search唔到喎~~~~~  

3/ 以下呢句我覺得好x離譜:
    "你上si網問冇問題...因為係service....但係hkcm唔係開善堂....冇必要逢問必答...
     答係同情,唔答係應該...."
     同情??????? 你冇野呀!!! 而家邊個需要人同情呀?????? 打機咋大佬, 同情....
     言下之意, 係咪所有開過post, 俾人答過既人都係俾人同情&#21655;先????

p.s. 講咁耐, 我好認同你係高級, 我係低級....
       但我冇諗過, 我開post, 原來係俾人同情緊....

文仙尼

其實有說明書的話不妨睇一睇先,睇完唔明再問,咁冇人話過睇左說明書要一定明白嫁~
我都認同樓主話,說明書冇講"addictedness rating"(又或者我英文水平差啦),咁唔明上黎hkcm問下都不為過,而且我亦唔覺得問呢樣野有咩問題,起碼真係好少人問過

不過對於#22的人兄講:答係同情,唔答係應該.... 就真係好反感囉
冇錯,hkcm唔係善堂,冇人一定要回覆其他人的問題.咁hkcm的會員都唔係乞丐,唔需要人地同情先可以有人答覆
你唔答人係你o既權利,但你冇權話開post的人要人地同情,而且呢度只係分享討論姐,唔係施捨你的寶貴知識比人,人地有問題問下都唔一定要受侮辱掛

如果個個都睇完唔答,仲有冇人會開新post問野呀? 雖然好多時d人問果d版版都有,日日都問一次的舊問題,佢地可能真係好抵死唔搵下舊post就問,但亦難保有d人真係新黎的,或者睇完舊post都唔明再問下,都唔係有咩咁過份,唔可以下下都話人問埋d無聊野嫁~

我唔係咩懶正義只係覺得不吐不快姐

古都

你呢班不知所謂既垃圾. 有本事既未以後唔好返黎囉!

Smithy

凡事太盡，緣份勢必早盡

spurs_timduncan

原帖由 古都 於 2006-3-23  10:54 PM 發表
你呢班不知所謂既垃圾. 有本事既未以後唔好返黎囉!

對住班囉小小事特等搞大, 偷換概念兼唔聽其他人講的人, 只有徐小鳳名曲可以形容......

無奈

一路向北

原帖由 古都 於 2006-3-23  10:54 PM 發表
你呢班不知所謂既垃圾. 有本事既未以後唔好返黎囉!

乜呢度你屋企咩???
可能我地呢d亂問野既"低質"會員係垃圾....
但至少我地冇出言侮辱其他人......

但照以上所見......
就有2個"高質"會員出言侮辱.....

可悲可悲.....

好坦白, 我真係唔想阿爆難做....
我發post亦唔係想咁樣....
大家都只不過係熱愛fm2006之人..
不如就此算啦!!!!!!!!!

[ 本帖最後由 一路向北 於 2006-3-23  11:36 PM 編輯 ]

簡拿華路

阿爆 你都係唔岩做版主架喇..


爾爾先係個好版主

STAM

原帖由 簡拿華路 於 2006-3-23  11:42 PM 發表
阿爆 你都係唔岩做版主架喇..


爾爾先係個好版主

算啦,嘈夠啦
唔好再off topic,我地需要個和諧o既討論區

[ 本帖最後由 STAM 於 2006-3-24  12:23 AM 編輯 ]

FlyingDonkey

原帖由 rivaldool 於 2006-3-23  02:32 AM 發表
佢既語氣不騮都係咁啦，咩都叫人用search function，下下都唔比人問咁
講真係香港各大forum10個由7個user唔知有search呢樣野啦，就算知都學你話齋都唔知用咩key word 好，況且呢區都唔係幾多useless post者

同四五年前比, 呢度差不多全部都係 useless post

http://hkcm.hk.st/ 呢度無 CM topic, 但當年的 CM topic 同呢 D 不遑多樣

FlyingDonkey

原帖由 spurs_timduncan 於 2006-3-23  11:06 PM 發表

對住班囉小小事特等搞大, 偷換概念兼唔聽其他人講的人, 只有徐小鳳名曲可以形容......

無奈

超迪仔

原帖由 阿爆 於 2006-3-23  07:05 AM 發表


係ar 係ar 咁只係全香港周圍都有o的咁人 , 版面不夠user-friendly 嗎 ?? 咁都睇唔到 根本係用用家既問題 , 你上o的網既BT 求檔區咪又係咁 , o的人都係話叫你隔離版睇或者用search fun ...

查實我係到睇左好耐，我都覺得爆兄既態度有少少問題.....

即係你唔好奉旨要一個新會員一來到就識用search呢個功能呀~

人地問一樣野，你d回答硬係有d骨架喎~(長期觀察)

友善少少可以嗎?

我明白你既苦處，日日答埋同一樣野的確係好煩，但唔應該將你呢一種"煩"發洩係會員身上囉~

唔知頭唔知路既新會員真係死左都唔知咩事~

Smithy

原帖由 STAM 於 2006-3-24  12:19 AM 發表



算啦,嘈夠啦
唔好再off topic,我地需要個和諧o既討論區

有可能咩

STAM

原帖由 Smithy 於 2006-3-24  01:20 AM 發表
有可能咩

你唔做搞屎棍就可以

Smithy

原帖由 STAM 於 2006-3-24  01:22 AM 發表

你唔做搞屎棍就可以

你做咩講左我句對白

STAM

原帖由 Smithy 於 2006-3-24  01:23 AM 發表
你做咩講左我句對白

唔好再吹水啦吹水版版主

阿爆

原帖由 超迪仔 於 2006-3-24  12:56 AM 發表

查實我係到睇左好耐，我都覺得爆兄既態度有少少問題.....

即係你唔好奉旨要一個新會員一來到就識用search呢個功能呀~

人地問一樣野，你d回答硬係有d骨架喎~(長期觀察)

友善少少可以嗎?
...

唔可以 我只係係咁兒加句請善用search function 之類既說話 , 咁樣講完人地就知道第日要用左search function , 唔係既話又比我插 , 我唔敢講 , o的人一世都唔會識用search function ga

阿爆

原帖由 Smithy 於 2006-3-24  01:23 AM 發表
你做咩講左我句對白

原帖由 STAM 於 2006-3-24  01:23 AM 發表

唔好再吹水啦吹水版版主

夠喇你地幾個 , 再黎呃post 我close topic

beckham421

原帖由 thomaskung 於 2006-3-23  06:36 PM 發表
....咁證明冇專心玩...要檢討下啦...

從呢d字眼睇到你係以打機渡日既雙失青年