黑社會 以和為貴

Leong頂

好睇,,肉碎勁核突,,
鄭浩南勁型

FlyingDonkey

http://blog.webs-tv.net/tonyblue/article/1876406

古龍的偉大在於寫出了永遠適用黑幫份子的墓誌銘：「人在江湖，身不由己！」

有的電影紅塵俗世等閒過，故事和人生扯不在一塊，純粹是夢幻；有的電影則是人間情仇歷歷在目，枝節大意，都有發人深省的比對功能。

杜琪峰參加今年坎城觀摩映演的《黑社會以和為貴》是以黑社會鬥爭故事為體例，講的卻是嘲諷政治本質的內容。

例如：和勝連這個幫派組織，每兩年就要改選話事人（幫主），好不容易安定下來，立刻就又要腥風血雨了…民主是讓人人有希望，但是民主帶來的是更多的動亂和不確定！

例如：和勝連的幫派傳承信物就是那個龍頭棍，情況緊急，老大就把信物往中國送，結果卻是公安頭頭把龍頭棍交給新幫主。和勝連源出洪門（《黑社會》曾在前集中大張旗鼓說明歷史源由），求的是反清復明，求是的在政權下的獨立行事，如今，卻俯首甘為政客奴，甘為公安操控，是政治的囂張？還是黑社會的墮落？還是你要解讀成政府勢力是另一個更可怕的黑社會？

幫主就是要領袖群倫，但是為了爭奪幫主，誰不是比狠比酷，滿手血腥而不擇手段，《黑社會》最精彩的戲就是釣魚時狙擊兄弟，以及開車談判，紅燈決生死的氣氛營造。到了《黑社會以和為貴》時，杜琪峰同樣用了舊瓶，卻裝進了新酒。

例如，同樣有釣魚戲，同樣在談判幫主寶座，山雨欲來之際，卻突然來了三名不知情釣客，眼看公式即將用老，卻急轉直下，杜琪峰明顯耍了「資深」影迷一下。

例如，同樣是命運全看車上人，《黑社會》中任達華給過梁家輝機會，才能一統天下；到了《黑社會以和為貴》時，古天樂卻不給任達華任何機會，親信痛下毒手時，錯愕的不只是任達華而已。

明明是公式，卻有變數；明明是舊招，卻有新意，杜琪峰彈奏的《黑社會》變奏曲，讓人看到他的遊刃有餘。

順我者昌，逆我者亡，王朝如此，黑社會亦如此。古天樂只想做生意，卻偏偏被拱成話事人，古龍名言「人在江湖，身不由己」，而且一定要血腥更無情才能勝出，人肉餵狗的威逼恐嚇或者樓梯上推踢鄧叔下樓的逆倫變臉都是杜琪峰最直接的論述，不管古天樂平常多麼地衣冠楚楚，要活下去，只能比狠。

做為黑幫電影，《黑社會》系列電影最大的問題在於攝影質感，總是曝光不足的寫實風情，讓《黑社會》系列少了精緻力道，少了《教父》系列的古銅和古典光澤，那卻是杜琪峰黑道系列電影共同的特質，粒子粗，光影淺的畫面，或許有了街頭取景的寫實味道，卻讓人若有所失。

ivansclo

原帖由 Leong頂 於 2006-5-1  10:31 PM 發表
好睇,,肉碎勁核突,,
鄭浩南勁型

咁一定二好睇d?

橙色力量

原帖由 ivansclo 於 2006-5-3  02:05 PM 發表

咁一定二好睇d?

二好好多。

肥仔麟

原帖由 橙色力量 於 2006-5-3  03:47 PM 發表


二好好多。

我反而覺得一好睇d , 不過二都見到杜生d功力幾深厚 ...
不過古天樂擔正 .... 見得佢有d吃力 , 不過第一次黎講 , 算係咁

evoasy

原帖由 Leong頂 於 2006-5-1  10:31 PM 發表
好睇,,肉碎勁核突,,
鄭浩南勁型

佢最搞笑..........係話要加錢.....
不過死果幕幾慘....估唔到會唔夠果4條友打..

Leong頂

原帖由 evoasy 於 2006-5-3  04:27 PM 發表

佢最搞笑..........係話要加錢.....
不過死果幕幾慘....估唔到會唔夠果4條友打..

度門打開個陣我都以為係佢打贏嫁,,
勁慘,,仲要俾人隊死埋

Leong頂

原帖由 ivansclo 於 2006-5-3  02:05 PM 發表



咁一定二好睇d?

i think 2

hehe0114

原帖由 evoasy 於 2006-5-3  16:27 發表

佢最搞笑..........係話要加錢.....
不過死果幕幾慘....估唔到會唔夠果4條友打..

因為東莞仔

肥仔麟

原帖由 hehe0114 於 2006-5-4  12:21 AM 發表

因為東莞仔

預告片有佢比人槍斃個鏡頭 .....  

睇黎有機會仲有第3集

hehe0114

原帖由 肥仔麟 於 2006-5-4  00:39 發表

預告片有佢比人槍斃個鏡頭 .....  

睇黎有機會仲有第3集

好多都cut左
個葬禮果段電視有但係電影冇

Dioray

娛樂名人
B074  壹週刊   
2006-05-04  



豪語錄
鄭浩南酷男  



「你加錢，我就幫你搞掂埋佢囉。」鄭浩南手執大鐵鎚。

「×！變態！成世發惡夢，呢鋪真係要加錢。」鄭浩南滿身鮮血。

《黑社會以和為貴》，鄭浩南是個見錢開眼，心狠手辣的古惑佬。一出場，偏偏引起全場大笑。完場後，有女觀眾咬耳仔：「鄭浩南好型好靚仔。」影評意見是：「鄭浩南無份拍第一集，勝在新鮮，算是比較搶鏡……」

這天他在影樓內檢視身上五十號西裝，邊照鏡邊吃麥包，看自己沒半點脂肪的軀殼，再來一個側身七分面，加埋有點像吃了酸梅乾的嘟嘴，自得其樂。「隔了廿年，你話我會唔會有機會再被提名？」

不是信口開河，出道廿一年，拼命保持一百六十八磅，三十一吋腰圍，為的就是說服自己仍然青春無敵有心有力作戰到底。

八五年跟葉蒨文演《愛神一號》，角逐香港電影金像獎最佳新人，原本前路光明，卻敗給沒多少人記得的陳婉麗，從此無運行。

鄭浩南英文名叫Mark，《英雄本色》的Mark哥原本替他度身訂做，電影公司於開拍前突然認為鄭浩南太仔，換上周潤發，結果周潤發紅到去荷李活；九○年，電影實施三級制，他拍《香港舞男》，被定型為專拍三級片的Sex Icon；更詭異是在《古惑仔之龍爭虎鬥》內，身手靈活渾身肌肉的鄭浩南要被以背心遮腩肉的陳浩南打到爆晒缸。「唔通我嘈咩？做人咁計較做乜？好快死。」

錙銖必較，債多還少，市井無異。去到四十二歲，仍有機會在夕陽工業中反彈，可能因為嘈得少。之不過，直到今天他仍咬牙切齒，主動提起N年前怎樣反抗TVB高層，我還是相信他跟你跟我一樣，不會進攻，拳頭打埋身，也必須自。

少爺仔

本刊的影樓位於將軍澳堆填區不毛之地，記者怕已多年無在港的鄭浩南迷路，主動提議安排汽車到他下榻的酒店接送，卻把鄭浩南嚇了一跳。「唉，我講俾你聽，我肯坐（你們的）客貨Van，表示我份人幾咁無所謂，換第二個可能掉頭走啦。」

鄭浩南有所不知，本公司的客貨Van歷史悠久，接載過無數當紅小生花旦影帝影后。

「我份人其實真係無乜所謂。我好記得九六年，當時TVB監製李元科搵我拍台慶劇《刀馬旦》，我試晒造型。臨開拍前，我跟他說，可否逢星期日給我三個小時練棒球？那時我係香港棒球代表隊，要打世界賽，但他不批准，我咪唔拍囉。杜琪知道呢件事都好勞氣，大叫：『邊×個係李元科呀？』」

鄭浩南重提十年前的恩怨仍然咬牙切齒，卻說自己不執，都真係幾唔執。

但也難怪他能夠不畏強權堅持自己。

鄭浩南父親從事製衣生意，小學讀喇沙，家住美孚新一千七百呎大單位，之後搬到九龍塘巴富街，與演唱會之父，正被廉署調查的Ba叔為鄰。「他經常叫我肥『袋』，睇住我大，上年仲做埋我經理人。出事後，我都有慰問他。」

十多歲時，他舉家移民加拿大。數年後回港，被施南生發掘，找他跟葉蒨文演《愛神一號》。「新人獎給了《女人風情畫》的陳婉麗，結果她捧這個牌頭去嫁人，晒！」

他直認多年來因少爺脾氣，容易得罪人。○三年羅嘉良涉嫌醉酒駕駛導致撞車，他竟公開寸對方：「如果咁都唔入罪，對我呢唔會酒後駕駛的人唔公平。

「我份人直得滯，唔就會出聲。」

曾志偉叫他埋明星足球隊堆，都被他推掉。

「第一，我好耐無踢波。第二，我根本唔鍾意足球。我唔可以話入面好多擦鞋仔，但好多人黐埋去，好多個根本唔識波。」

《以和為貴》首映當晚，記者問杜琪為何隔八年才再找鄭浩南？他亦忍唔住回贈兩句：「你要我搵到佢先得？呢十年八年佢都無我面前出現過，鬼記得佢咩？」

但主動爭取有時未必幸福，時來運到反而更勝一籌。去年鄭浩南偶然跟杜琪的徒弟羅永昌通電話，對方說他正忙於拍《黑社會》，過了兩天，對方打給鄭浩南，說想找他演續集。

永不超生

絕大部分男人有了家庭，不管從前是不是吊兒郎當率性而為，也會有所檢點。

鄭浩南○二年迎娶比他年紀小十多年的馬來西亞華僑鮑愛玲。夫婦在馬來西亞首都吉隆坡、檳城和怡保經營火鍋連鎖店，至今已開到第五間。前年，太太更為他誕下女兒鄭喜文。

這位住家男人曾是全港首個演出三級片的男明星，九○年夥拍任達華和萬梓良，在《香港舞男》內做鴨，要在壁球室內強姦闊太。「套戲其實無乜，只係香港人『懶』係有道德觀念。

「香港社會唔同美國，人Harrison Ford和Robert de Niro可以嘗試好多角色，但在香港，你做過咩角色，就會被人在額頭上打個印，永不超生。」

不知鄭浩南是不是演得太入型入格，往後找他演的，大部分是三級艷情片。由《滿清十大酷刑之赤裸凌遲》、到《孽慾追擊檔案之邪殺》、跟《獸性新人類二之失憶性行為》，片名要幾慾有幾慾，要幾性有幾性。「人根本唔係拍戲，係為洗黑錢同搵錢，一味抄抄抄。講真，橫掂大家都係做緊同樣，唔爭在。」

踏入二千年，甚至連三級片都無得拍。「出面四仔五仔六仔乜都有，使乜睇三仔？遮來遮去乜都睇唔到。」

唔吼港女

香港無戲拍，他留在馬來西亞做生意，又或者返內地拍劇拍廣告。直至○六年，事業再現曙光。最近，他在元奎引薦下，接拍了荷李活電影《Rogue》，夥拍李連杰、尊龍和倪星。

完成戲份後，他便匆匆趕返香港，同行還有太太和女兒。「我個女俾我寵壞晒，直到而家一歲半，半夜都要飲四次奶。我同太太講掂數，一人兩次。」

這已是鄭浩南的第二段婚姻，九一年他跟日本動作女星大島由加利結婚，但婚姻維持了四年便畫上句號。

「她長期留在菲律賓拍戲，我就留香港，好多時幾個月都見唔到一次。長期分隔異地會有好多問題，例如對方無聽電話，你都會諗佢點解唔聽？結果我提出與其大家都要專心事業，不如分開各自發展。直到今日，我去親日本都會探佢。」

翻開他的情史，葉蒨文、柏安妮和大島由加利等等，唔係cbc、bbc就直頭係外國人，即使現任太太都在澳洲長大，唯一港女女友只有前亞姐李妮。「對唔住，據我所知佢（李妮）係大陸落。香港女仔要求好高，唔我。」

他要鬼妹仔更要叻女。太太曾在著名廣告公司Leo Burnett任高層，太太的父親更是馬來西亞華人反黑組的最大探長，有財有勢。「揀個無腦，玩完咪走人囉。幾時都係搵個叻女返來，幫到自己先好。」

假浩南 Vs 假浩南

古惑仔去到最後一集，《古惑仔之龍爭虎鬥》，鄭伊健飾演洪興社大佬陳浩南，鄭浩南飾演挑戰陳浩南的司徒浩南。真浩南俾假浩南打到嗌救命求救，其實幾弔詭。

坊間流傳，漫畫版的陳浩南，其實以鄭浩南為角色設定藍本。到被拍成電影版，鄭浩南竟淪為過一過境的小閒角。

「介意嗎？」

「唔緊要，我係咪應該演陳浩南，你話囉。」

字裡行間充滿弦外之音。

不過鄭浩南還告訴我一個秘密：「我根本唔係叫浩南。真名？唔講得。」

鄭浩南原名鄭立興，改名浩南是因為友人認為明星應有一個較酷的名字，建議他採用，用了之後，絕口不提真名。

改了名是不是真能走紅？事實擺在眼前。但叫浩南總比叫立興好，叫浩南，真的一個可以在金像大導作品中劈友，假的一個可以去泰國扮超人；叫立興，就真的只適合開火鍋店。

肥仔麟

段野講得好岩 , 我對鄭浩南既印象就係
捧球 , 古惑仔 , MK , 咸片
今集黑社會有少少拎我改變睇法

Dioray

唔講真係唔知Mark哥原本係搵佢演﹗

灰袍聖徒

原帖由 hehe0114 於 2006-5-4  12:21 AM 發表

因為東莞仔

戰神

利迷阿稹

原帖由 Leong頂 於 2006-5-3  21:57 發表

度門打開個陣我都以為係佢打贏嫁,,
勁慘,,仲要俾人隊死埋

加錢

灰袍聖徒

原帖由 利迷阿稹 於 2006-5-4  04:00 PM 發表


加錢

加左錢一打十都唔驚

利迷阿稹

原帖由 灰袍聖徒 於 2006-5-4  17:04 發表

加左錢一打十都唔驚

會發惡夢

灰袍聖徒

原帖由 利迷阿稹 於 2006-5-4  05:20 PM 發表


會發惡夢

加錢

Leong頂

原帖由 灰袍聖徒 於 2006-5-4  05:26 PM 發表

加錢

總知要加錢,_你個街