|
|
記招完左…我心入面都冇再諗同LUMOR 打賭呢一件事,因為我心入面已經開始諗緊…點樣去面對呢一班列斯既球員, 我大佬同我講過, 要隊中高薪球員減薪, 唔減薪既只有被賣走呢一條路, 不過賣走左D人又點樣搵番一D 有足夠能力去踢呢隊波既人呢…算…都係唔好諗咁多野, 見步行步啦…首先要同班列斯球員傾掂數先…我一路向住列斯既訓練場行,一路諗緊點同佢地講…
行到訓練場外,發覺班球員冇練波,坐哂係度, 好似等緊佢地既新領隊咁…我行埋去既時候佢地應該知道新領隊就係我.
“大家好,我就係你地既新領隊Bruce Hakkinen…”
“你係邊個呀,點解我從來未聽過你個名既??!” 第一句都未講完已經俾個高大球員插嘴.
“我係你地既新領隊,我個名好可能你地從來未聽過,不過我黎到呢隊教,係好想令到呢隊波回復幾年前既風采,什至更上一層樓.”
“哼,聽住先啦…可能你連我係邊個你都唔知” 個球員仲係好串咁講.
繼頭先俾LUMOR 挑戰我既知識之後,黎到呢度又俾人挑戰,睇黎執教呢隊波真係比我想像中難…
“你就係隊中既皇牌前鋒Viduka 丫嘛,雖然我對呢隊波認識唔太深,不過球員我總認得出既” 我微笑咁向Viduka 講
Viduka 一言不發,好似俾我講落去咁
“首先, 今日我要做各位為隊波做一件事,係關於大家既周薪問題"
“減薪? 唔係呀嘛,減幾多先”
“一黎到就減薪,之後仲有咩事發生架”
“死啦,仲減薪,冇錢就女媾架啦啵”
“我仲想買多部車架,減薪…點得架…”
球員之間不滿聲音此起彼落.
“首先,大家都要明白呢隊波既財政部狀況係十分差,如果大家唔減薪既,球會唯有將你地賣出. 我地球會目標係將各位週薪減至每個一萬以下!”
“我係隊中既皇牌前鋒,你敢賣我走咩??” Viduka 好囂張咁問
“你唔單止係隊中既皇牌前鋒,而且都係隊中既最貴前鋒,唔賣你先賣邊個先???” 我反問番佢
Viduka 再一次一言不發,而且呢次仲向訓練場既門口行去…
“我仲未講完,如果你真係咁唔尊重我既,你行出呢個門口就唔使旨意我會用你,我講求既係紀律!”
Viduka 都仲係唔番轉頭,當我冇到咁行出左訓練場.
“我頭先講既野都係認真,如果呢度有邊個唔肯減薪既話, 可以而家行出訓練場,球會仍都會係短期內將你賣出”
我講完之後…最少十個球員行出左訓練場…而留番係度既,只係得番一眾年青球員…同埋隊中三個較重要既球員.
“留番係度既,我好多謝各位…” 除左呢句我真係諗唔到第二句.
“其實我都諗住係今季後退休,所以減薪對我黎講唔係太 大 影響者…” RADEBE 說
“我同RADEBE都一樣,都係打埋今季就退休…” 講野既係BATTY.
“諗唔到咁多個同我同期既人都一一唔肯減薪,留番我一 個 係 度…” 另一個重心球員BRIDGES 好感嘆咁同我講.
“走既,我唔會留,而留係度既,我唔會特登去賣走,對球會忠心既人係應該得到一定既回報,今日我講既野係咁多, 有咩野問題既可以問我,冇問題既今日到此為止,我仍都要進行一連串既買賣動作, 之後幾日相信係由球隊既教練同大家進行訓練”
講完之後,大部份既球員都走左,留番係度既只係得一個, 佢 一眼睇落去幾似一個飛仔,而且幾面善,原來就係之前唔小心用波省中我既人
“原來今日我唔小心用波省中既係球隊既新領隊,真係好笑~!” 佢行埋黎同我講
“嗯,今日相信係列斯近年來最亂既一日,有好多野我要做,如果冇其他問題既,我走先.”
“哦…冇咩野既, 我好相信你係有能力令列斯由谷底上番黎, 呀! 未講我係邊個添,我叫做冬BB 呀,多多指教.走先啦,遲D見啦…” 佢講完就行左去…
聽到個名,我真係幾想笑,望番冬BB一眼,真係睇唔出一個外表睇落去似飛仔人有個咁得意既名…唉,都係冇時間諗呢D野啦,快D搞掂隊波先…
第一次入列斯既領隊辦公室,裝修都算幾好,不過好極我都要做自己既野 – 搵新球員, 首先睇下有咩外借左既球員有用先…發覺好多既列斯青年球員都係岩岩外借…拎唔番黎…正正為呢d野煩惱o個陣, 突然一個球員既名出現係我面前, Klinskan, 前鋒, 17歲o個陣外借左去luton 呢隊球隊五年…聽日就番黎啦…睇下d數據先:
1998/1999 上陣13場入3球
1999/2000 上陣17場入4球
2000/2001 上陣11場入3球
2001/2002 上陣18場入7球
2002/2003 上陣29場入21球
好明顯對上一季既表現好好多, 至於原因相信聽日問下佢就應該知道…
外借既球員只係得一個有用…而青年軍既球員o係我未去睇青年軍訓練前又唔知有咩人有能力,連埋原本既三個,跟本唔夠人手…係未有轉會資金o個陣下一步唯有向球會借人啦…由後面諗起…同時我仍都上網搵緊邊d球員外借而對列斯有用既球員…
腦入面即刻閃出一隊: 車路士,今季大肆擴軍後一定有原有既球員可以俾我借用…有啦,尼日利亞國腳雞巴耶路, 布列治既來投令雞巴耶路冇出場既機會, 而家要求球會將佢外借…相信佢應該都會為正選而黎列斯聯既…好既開始係成功既一半,呢句野今日對我黎講就唔 岩 啦,搵到一個可以外借既左閘之後, 一路都搵唔到第二個後防球員可以借用, 睇黎淨番既要由第二個途徑去搵啦…
跟住落黎係中場, 睇睇下我大嗌左一聲…岩岩退番既外借球員有一個係對列斯既將來有一定既幫助 --- Jermaine Pennant, 睇黎我應該係佢未走之前叫佢番黎先…諗完之後, 睇埋Pennant係呢度既地址, 我即刻門都冇關衝出左辦公室, 向Pennant 屋企進發…心入一面一路諗緊佢會唔會留番低,又一路跑步, 大意撞到迎面而黎既一個光頭佬, 佢高我成個頭有多, 一睇佢瘦削既身型就估到佢係打籃球既… |
|
IP卡
狗仔卡
發表於 2003-12-12 18:30:53
提升卡
置頂卡
沉默卡
喧囂卡
變色å¡
顯身å¡
發表於 2003-12-12 18:56:41
解我打佐d咁ge野
