葉璇刀插左髀標血送院

疾峰

脫殼失魂 拍劇斬人 葉璇刀插左髀標血送院




31/05/2006
文： 專案小組





失寵於「殼王」的葉璇失晒魂！其飛新劇《情陷夜中環2》前日首播，想不到旋即「見紅」贈興！昨日凌晨葉璇趕拍該劇時，導演要她真刀上陣拍復仇戲，結果錯手自插大腿，中刀後送往醫院縫上六針。
昨日凌晨二時，葉璇在清水灣片廠，為《情陷夜中環2》趕拍一場以東洋刀狂插陳寶轅報仇場面時，導演為求近鏡拍攝她舉刀殺人的逼真效果，要求她拿起一把呎半長的真東洋刀。據知原本拍完舉起真刀後，拍攝她狂插陳寶轅的替身公仔時便可換上假刀，但因亞視道具準備不足，在現場竟然找不到一把完整的道具刀，最終罔顧安全，要葉璇繼續持真刀上陣。

就在葉璇擒在公仔上面投入狂插時，該道具公仔忽然走位，結果手起刀落的她，錯手插落自己左腿內側，痛得即時嘩聲大叫，拔出刀時血如泉湧，嚇倒在場工作人員，受傷的葉璇亦驚得大哭起來，隨即在工作人員陪同下送往將軍澳醫院急救，大腿傷口縫了六針後回家休息。

除了葉璇，據知該劇亦有其他演員經常受傷。據悉陳寶轅拍攝時也曾被真刀傷手腳。至於金燕玲早前拍一場撼頭埋牆的場口時，因武指不幫她借位拍攝，結果下下真的要撼頭埋牆，撼到額頭也有瘀傷。

縫六針坐輪椅開工
由於劇集趕工出街，縫針後的葉璇亦冇得休假，昨晚七時許坐輪椅返廠開工。不過亞視亦體諒她的傷勢，只拍攝坐在辦公室的文戲，避免郁動太多，更安排劇中演員返廠探望兼送上花籃，以示慰問。葉璇說：「起初我都有質疑點解要用真刀拍，但導演解釋因為要Close-up拍我上半身舉刀動作，為求逼真所以要用真刀。大家都開十幾個鐘工好，加上又趕緊戲，都冇時間再諗得咁周詳，所以佢話用真刀拍埋狂插公仔場，我已經叫個武指捉實個公仔，點知都捉唔實。劇情要我合埋眼插三下，第三下就插落自己大髀，傷口成吋深，我自己拔番把刀出來，血係咁湧出，當時我都驚到分唔清係真血定假血。」

傷口留疤考慮磨皮
提到受傷休息，葉璇說：「醫生原本開一星期假，但我諒解要趕戲，所以今晚都忍痛開工。不過知道個劇首播收視，比上一輯多出兩點我好開心，都總算有安慰。殺人戲會補拍，但就有陰影，不過監製話唔會用真刀，仲話聽日搞沙灘派對宣傳，醫生話我會有疤痕，叫我點短褲？朋友建議我去磨皮。」

問到有否獲其他演員問候？葉璇說：「有！陳啟泰、陳寶轅、金燕玲等都有問候我。（張文慈呢？）我未見到佢喎！」對於有指因亞視的道具刀爛晒，要演員用真刀拍攝，對此葉璇只說：「意外大家都唔想，冇得怪邊個。」

文迪達

無啦啦整"手達"啦~

joekjen

比人整蠱?

射手shooter

可唔可以告ATV

steven260112

告atvla ,咪等有道具刀先拍lo.罔顧安全
搞到人地傷左.ATV個導演同武指都變態

網名---小本龍彥

原帖由 steven260112 於 2006-5-31  10:11 AM 發表
告atvla ,咪等有道具刀先拍lo.罔顧安全
搞到人地傷左.ATV個導演同武指都變態

亞視班幕後有問題係公開o既秘密

cesc

咁都得...

george_5002

點著BIKINI ar~~

2076

至於金燕玲早前拍一場撼頭埋牆的場口時，因武指不幫她借位拍攝，結果下下真的要撼頭埋牆，撼到額頭也有瘀傷。

ATV

麥旋風

下次拍槍片不如玩真槍實彈

yuren

原帖由 麥旋風 於 2006-5-31  11:03 PM 發表
下次拍槍片不如玩真槍實彈

期待香港奇案續集!!!

JasonDelPiero

atv

灰袍聖徒

原帖由 yuren 於 2006-5-31  11:10 PM 發表

期待香港奇案續集!!!

無線拍在atv發生的香港奇案

FlyingDonkey

原帖由 麥旋風 於 2006-5-31  11:03 PM 發表
下次拍槍片不如玩真槍實彈

下次拍床上戲片不如玩真槍實彈

ivansclo

原帖由 2076 於 2006-5-31  08:58 PM 發表
至於金燕玲早前拍一場撼頭埋牆的場口時，因武指不幫她借位拍攝，結果下下真的要撼頭埋牆，撼到額頭也有瘀傷。

ATV

冇病呀嘛 ....

goodgoodhenry

原帖由 FlyingDonkey 於 2006-6-1  12:55 AM 發表

下次拍床上戲片不如玩真槍實彈

good idea~let me be a ke lei fei~~

Manu super fans

ATV真係...

lhywychk

原帖由 Manu super fans 於 2006-6-1  02:51 PM 發表
ATV真係...

膠囉~

死敵因傷缺陣 淨勝兩球 張文慈心涼寸葉璇自插下體




02/06/2006
文： 專案小組





《情陷夜中環2》昨日舉行沙灘派對，日前不慎用刀自插大髀的葉璇缺席，眾女演員「趁佢病佢命」出言暗寸，「宿敵」張文慈更嘲葉璇是刀插下體，引來哄堂大笑！
沙灘派對在屯門黃金海岸舉行，《情陷夜中環2》眾女演員皆以性感打扮出席，加上葉璇因傷未有現身，各人表現更加風騷賣力，紛紛拋胸作勢搶風頭，並毫無保留地當眾暗寸日前刀插大髀的葉璇，句句入肉、字字有骨！

「宿敵」張文慈在台上發言時，帶頭單打葉璇，她語帶雙關地說：「呢個派對係有人搞出，但自己又冇到，即係自插下體個！」此言一出，台下眾人無不愕然，及後她才補鑊說：「冇睇過單新聞，唔知係下體定大髀……大髀咪又係下體一部分！」全部人聽罷即哈哈大笑。

事後，張文慈被問到寸葉璇「刀插下體」一事，她解釋說：「你心邪！我係話佢下身傷！（咁有冇慰問葉璇？）佢傷時候我唔現場，第二日見佢又冇咩事，人講我先知佢受傷。（葉璇今日冇到係咪特別開心？）見到個個都得咁靚，梗係開心！我一向都好開心！」

入醫院「跑得好快」
至於同場的麥家琪，提起葉璇時即寸爆，問她有否致電慰問對方，她冷淡地說：「冇佢電話！」至於葉璇發生意外時，麥家琪表示自己正在化妝，只見對方「跑得好快」入醫院，然後又更正說：「我意思係情況好緊急，唔好擺我上呀！（你同葉璇熟唔熟？）唔係好熟有咩問題？」對於在場有人指葉璇的傷口有五吋長，她竟笑說：「其實係咪聽錯『唔算長』呀？」

最後，就連李思蓓亦幫口踩埋一份！最初她扮唔知葉璇受傷，還反問記者：「咩事？我唔知？」接又說：「我今日夠畀蚊針到，隻腳有兩個蚊瘌，都算隻腳傷呀！（葉璇今日冇喎？）感覺咪冇咁侷促囉！」

北倫敦之王

原帖由 國米+利物浦=王 於 2006-6-2  13:20 發表
死敵因傷缺陣 淨勝兩球 張文慈心涼寸葉璇自插下體




02/06/2006
文： 專案小組





《情陷夜中環2》昨日舉行沙灘派對，日前不慎用刀自插大髀的葉璇缺席，眾女演員「趁佢病佢命」出言暗寸，「 ...

唔咁玩
邊有人睇