今次世界杯睇到好多香港人係唔識波

louis902

COPY FROM UWANTS MEMBER"S OPINION

Not me!--------------------------------------------------------------------------------
今次世界杯睇到好多香港人係唔識波

唔止唔識波

仲太麻木....
唔通決賽 英格蘭 對 阿根廷 先至係正路?

16強後我場場都有睇........

意大利入到決賽的確係實至名歸
巴西 英格蘭 出局真係抵死......

英格蘭係絕對有機會羸,,,佢自己射12碼唔好好把握...之後輸左波..d人就賴落 c朗拿度 頭上
就算 朗尼 留係場度又點....英格蘭d咁屎既攻擊力,邊可能過到 法國 果關
可能d人打得winning eleven多...就以為 英格蘭 巴西係勁

巴西 果球又係佢自己抵死....罰球開出得3個巴西回防...
我果時仲以為個禁區係法國既禁區tim


德國 同 巴西,,有前無後....點樣可能入到決賽
足球唔係計一個球員既...係十一個,講整體合作,講team work
仲有打法既格食格.....打順左既話 南華 都羸 南斯拉夫 , 加納 都羸 捷克 啦

好似 捷克 輸左,,,d人又係度話假波,又話 爆大冷
我都有睇果場,,,,加納 係羸得好漂亮

唔係攻擊力強,入得波多先至叫勁.....
一輸波就賴地硬....有話爆冷又話打假波,,,,見到d呢回應真係幾火



我諗好多 英格蘭fans會插我....但我只係講出心聲

I think he tells the turth...
i heard many people said,england should win WC after england loss portgual.
I really don' t know why?
And no Brazil=meaningless?Why

William

有d都幾中ge
就以打假波為例
今屆成日聽到人話打假波
偏偏個班大部份又係因為足智彩而睇波ge
有無打假波就大家心照la

TAMTOM

有好多人4年先睇一次波架喳 ,算啦

garyi

賭波輸左點都要搵理由安慰自己
D人唔識睇咪話假波LOR
駛乜同呢D人認真丫

vetefan2

有人話小英格蘭冇可能拿WC

因為近至英國遠至東南亞港澳都好多人買英格蘭

tszchun8

如果巴西win梗既話,真係搵鬼同佢踢lo...直接頒個盃俾巴西算la..
好似我阿爸咁, 成日都話佢射都入la..又話D球員跑到咁慢, 佢都應該踢到...最好笑既係我阿爸係未掂過足球同連跑100m都支持唔到..成日話人打假波, 黑哨..ronaldinho踢得再差都話佢係最佳球員..同佢解釋既時候, 佢都仲係會話黑哨
好似我阿爸咁既球迷相信好多人屋企都有1,2個..
同呢D球迷睇波係極度冇癮, 攪到佢一係屋企睇, 我就入房睇pplive..
由開波到完場都會不停話D球員...ghana vs czech未開波, 就話冇得打, 強弱懸殊, 入房訓覺..結果ghana win既時候, 我大肆慶祝, 嘈醒晒全屋人

[ 本帖最後由 tszchun8 於 2006-7-11  02:14 AM 編輯 ]

Blackburn_Owen

其實睇世界盃

10個觀眾之中，有1-2個係足球發燒友  4-5個係普通球迷(姐係多數會睇強隊對碰果d) 剩餘的係臭熱鬧嫁姐

佢地唔熟足球其實都正常...因為唔熟足球而有以上見解，其實都合理的。

Blackburn_Owen

原帖由 vetefan2 於 2006-7-11  01:40 發表
有人話小英格蘭冇可能拿WC

因為近至英國遠至東南亞港澳都好多人買英格蘭

咁實力始約唔係最勁丫嗎

C.To

冇話識唔識波o既
球迷就係咁嫁啦
支持o個隊波就o個隊波o岩晒
你估個個人都咁理智識客觀分析同欣賞對手o既咩~~

Hakkinen

唔識波唔睇得架咩 唔睇又點會識....
唔識波唔緊要,最憎d人識少少扮代表

PENNYDIOR

香港人唔識波都唔係咩新聞.

世界上又有幾多人識?

magneto

其實點為之識波呢?
點解你地會覺得自己係識波0既一群呢?
唔係想串, 只係問下
老實講如果分組賽開始前如果有人話法國會入決賽一定會比好多果d"識波"0既人拎一大堆法國廢0既理據出尼插到一棟都無wor

銀公主

德國有前無後??
佢剩係睇左開幕戰?

Blackburn_Owen

原帖由 magneto 於 2006-7-11  08:39 發表
其實點為之識波呢?
點解你地會覺得自己係識波0既一群呢?
唔係想串, 只係問下
老實講如果分組賽開始前如果有人話法國會入決賽一定會比好多果d"識波"0既人拎一大堆法國廢0既理據出尼插到一棟都無wor

識波...我自己的定義就係起碼對果隊球隊要有認識，起碼要知道常規陣容囉，踢法，(至於佢的歷史就可以不理)

討論球隊/球賽要有深度and要有logic囉，例如討論巴西and 意大利邊隊強d 的時候

唔可以就咁話朗拿甸奴囉左世足先生，所以巴西就強d咁樣

最起碼都要講出..巴西進攻球員的配搭較多，而且腳法較好，所以進攻會高一籌，意大利防守好...防守意識較強，紀律性較住之類



我識唔識波?? 冇客觀標準喎，我會答你，當我認真同人討論球賽的時候，我會好有pts囉....例如英格蘭對葡萄牙咁樣..就咁吹水我當然會話英格蘭贏3:0啦..但我同人講過，葡萄牙中前場技術較佳，而且英格踢法過於單調，往往只以高波進攻，但沒有好頭球的前鋒之類之類

唔知你又點睇呢

kevinYip2

其實我一向很討厭個一d所謂「大熱門」(英格蘭除外……)，因為佢地成日有「大中原」心態，成日覺得自己贏係應份的。就好似巴西，94年我係支持巴西的，因為那時候的巴西好有鬥心。依家？成日以為求其係場中散90分鐘步就拿世界盃……唔係嘛，甘的球隊真的值得各位支持？

我其實好希望將來的世界盃，決賽會係例如：澳洲對突尼西亞，或者加納對南韓等，甘樣才算是「世界盃」。

ivansclo

原帖由 tszchun8 於 2006-7-11  02:13 AM 發表
如果巴西win梗既話,真係搵鬼同佢踢lo...直接頒個盃俾巴西算la..
好似我阿爸咁, 成日都話佢射都入la..又話D球員跑到咁慢, 佢都應該踢到...最好笑既係我阿爸係未掂過足球同連跑100m都支持唔到..成日話人打假波, 黑 ...

勁似我老豆 ....

TinTin

原帖由 Hakkinen 於 2006-7-10  12:31 PM 發表

唔識波唔緊要,最憎d人識少少扮代表

agree

最憎呢隻﹐仲要大大聲﹐好似大聲過我就係佢對咁

magneto

原帖由 TinTin 於 2006-7-11  02:10 PM 發表


agree

最憎呢隻﹐仲要大大聲﹐好似大聲過我就係佢對咁

有隻好乞人憎0既就係果d你話邊個邊個勁/廢, 佢就會話"佢勁?你睇過佢幾多場波呀?"
又或者"佢勁?你有無睇過踢波呀?"
唔知想點...好似場場波睇晒就講野一定arm咁

jeff

原帖由 magneto 於 2006-7-11  08:39 AM 發表
其實點為之識波呢?
點解你地會覺得自己係識波0既一群呢?
唔係想串, 只係問下
老實講如果分組賽開始前如果有人話法國會入決賽一定會比好多果d"識波"0既人拎一大堆法國廢0既理據出尼插到一棟都無wor

老實講, "識波"並唔等於能夠預測賽果, 只是比較能夠利用理據說出賽果的可能性
而且"識波"0既人係唔會亂插人的, 因為佢地明白足球係圓

[ 本帖最後由 jeff 於 2006-7-11  05:27 PM 編輯 ]

駿次郎

我係世界盃期間
有日番工搭巴士, 初初聽緊MP3, 但隔離條友講電話好大聲, 仲要係講波
咁我就聽下
以下是他的說話

「烏克蘭咁_廢都入到八強, 輸俾意大利就抵死la, 佢個前鋒... 乜話.. 咩舒... 咩舒夫低B, 唔_知la ~ 班講波佬吹到佢咁勁, 打落又唔識入波, 廢o既」 ----- 連舒夫真高都唔識... 佢又點會知舒夫係剛剛傷好, 一場熱身賽都未踢過... 何來狀態....

「西班牙仲屎波, 頭場係威係勢, 點知連法國都贏唔到, 大佬佢人腳同踢法都勁過法國la.... 」 --- 之後不斷重覆人腳, 踢法呢4個字, 但無講到兩隊o既球員名, 兩隊o既踢法係點...

「個隊捷克, 我買o左佢真係黑, 世界排名係歐洲最勁, 連16強都入唔到 ~ 個隊美國又係, 咁高排名都小組出局」 ---- 一直留意開世界足球的話... 就知個世界排名係廢o既 ~



唔知點解我聽完好嬲.....