國際米蘭06-07 @ GAVIN

　　在得不到眾人祝福的情況下，國際米蘭在假波事件中，獲得他們第十四個意大利甲組聯賽冠軍，成為意大利本土的雙料冠軍，距離十六年後，在這種情況下獲得，有點雞肋，但不論大家認同與否，事情都應該告一段落，因為新一賽季的聯賽，仲有廿日左右就會開始，各隊在轉會市場都忙得不可開交，而國際米蘭亦不例外，由白蘭卡和奧利亞歷所主導的轉會交易，在莫拉堤親自主理時期到現在，幾年間他們二人在轉會市場上都有顯著的進步，扭轉過去國際米蘭過度揮霍、漫無目的在轉會胡亂操作，到近年主攻免費轉會，而且開始作出一些比較按照需要、針對性的收購，令國際米蘭變得比以前較為理性一點。

　　前季恐怖的聯賽7連和，上季對祖記、米蘭、羅馬等未贏過，都突顯出以往國際米蘭恐怖的鋒力，五前鋒甚至六前鋒時代的鑽石前鋒組合，在上賽季，完全發揮不到威力，艾祖安奴的缺態更是被推為前鋒入球量大降的主因，而前場出身的文仙尼教練竟然想不出辦法去改善這個問題，而其所謂的進攻足球，亦不見得有甚麼華麗的進攻可言，更甚的是連馬田斯等亦有腳頭無靈的情況，所以在這個轉會市場上，接連購入基斯普及伊巴謙莫域，本來，一個基斯普便足夠國際米蘭前鋒線的需求，但在畫蛇添足下，又以2千多萬歐元購入伊巴謙莫域，使到前鋒線達六個人，而伊巴謙莫域和艾祖安奴在上季同樣都表現不濟，而打法上亦多層重疊，而迫使馬田斯、艾祖安奴或因而轉會，可能會得不賞失，而全新的前鋒組合在新賽季的下，能否有達到預期的效果亦存在一定疑問。

　　而中場方面，在文仙尼所謂既必然主力華朗自己決定回歸阿根廷後，一直尋找一個接班的人，在上季比沙路不被重用，C.辛尼迪自由身離去，亦進一步減弱中場中路的實力，所以國際米蘭亦補購了世界杯亞軍新任法國國家隊隊長韋拉，配合原有正選甘比亞素作為新一季的中場中路領軍人物，但二人在場上均有不少上前助攻的意識，所以當二人同時上場時，他們可能會因為不安份守己，國際米蘭中場的防守出現問題，而在後備防中亦只有達確特一名，所以防中問題可能會是國際米蘭能否取得成功的主要因素之一。而側擊方面，國際米蘭免費得到麥士維並似乎有意將他放於左中場上，而原有的包括R施薩、蘇拿利、費高等人則繼續留用，費高能否有上屆高水平的表現，有待觀察，而蘇拿利經過一季的適應並改打右路後，開始漸漸回復水準，加上史坦高域的百搭，所以邊路人數充足，但本人仍對史坦高域打回中間充滿奇想，幸好他比雲達美迪幸運而且適應、能力亦較強，但一切一切亦要看文仙尼的出人排陣，不過預期正選仍會是費高--韋拉--甘比亞素--史坦高域。

　　至於後防，在米赫洛域退役轉當助理教練及左路一對正副選均自由身離隊後，國際米蘭在世界杯前補入人稱『偉大的』的格羅素，而右路亦購入巴西國腳馬爾干作為隊長辛尼迪的替補，但格羅素的攻強守弱對國際米蘭左路黑洞的幫助，充其量應只能有提升左路進攻的質量，而對防守幫助不大，甚至可能成為對手反攻的目標，而右路的馬爾干亦善於進攻，所以兩閘的輕出會導致對方快速反擊時未能及時防守，而中堅方面仍會以哥度巴和森美爾作為正選，馬達拉斯和貝迪素（可能轉會祖雲達斯）作為替補，二人默契、合作上應會比上季有進步，而小將ANDREOLLI MARCO在拒絕外借後預料亦有一定的出場機會，在友誼賽中亦有一球進賬，在右後衛這位置上發揮不俗，當然，仍很懷念柏斯基爾、波坦沙、達拉費奧利…

　　龍門，問題可能會好大…不過不論J.施薩還是托度，都不會擁有長期的正選，特別是J.施薩，莫講話要同迪達爭正選，真係…技術三流，不過有時反應真幾快，但對於死角的戰術，上季就多次被人收死了。至於托度就不用多說，但估計季初仍會以J.施薩為正選，當有甚麼差錯，文仙尼便會以托度取代之。

　　總體來說，雖然國際米蘭今年有充分的外在要素去支持他們奪取冠軍，但每年這個時間，都會有一班以為作出一些收購便有機會令國際米蘭奪冠，但每季後都失望而回的人，其實內部問題不解決，如何能夠去成功呢？努力去修補外觀而不切切實實去改革，倒不如留下資金，多作公益…而球員們，你們知道什麼是團隊精神嗎？



寫後感：應該有好多年無打過哩Ｄ千字文了，對上一次應該係二、三年前既事了。哩兩日突然心血來潮，就打左哩篇短文出黎，哩幾年自己對ＨＫＣＭ都好似無咩貢獻，哩篇文就當係少少既補償雖然都唔算係Ｄ咩野…Ｄ內容好求其不過有錯既就請大家多多包涵哩篇野未執過，請見諒。

BY...GAVIN

沉睡的藍

感謝大大無私分享

原帖由 沉睡的藍 於 2006-8-20  05:49 PM 發表
感謝大大無私分享

唔洗感謝
上次(幾年前)打左少少PO左之後無打
今次終於心情打篇野上黎

納比

我諗係唔係畫蛇添足唔係而家定奪

木狼Szczerbiak

support....!!!!!!!!!!!!

捷克NeVeD子彈

原帖由 納比 於 2006-8-20  06:08 PM 發表
我諗係唔係畫蛇添足唔係而家定奪

伊巴謙莫域呢類型球員真係估佢唔到

原帖由 納比 於 2006-8-20  06:08 PM 發表
我諗係唔係畫蛇添足唔係而家定奪

唔用畫蛇添足咪用多舊魚囉

Awan

一班以為作出一些收購便有機會令國際米蘭奪冠，但每季後都失望而回的人

做多幾年Inter fan一定會學精啦

Pizzaro走左, 史坦移入中路既機會應該多少少掛, 中路人腳都唔係十分充裕...

基維蝦

只可能說小心成日俾人兩翼出波入波

TAMTOM

究竟托度即係點 ,可唔可以講解下
因為Mancini 鍾意c殺?

原帖由 TAMTOM 於 2006-8-20  11:44 PM 發表
究竟托度即係點 ,可唔可以講解下
因為Mancini 鍾意c殺?

文仙尼心目中一直都以施薩做正選人物吧至少會再比多個機會佢
而托度只係替補
不過...當施薩再有上一年既事情發生
好難保佢繼續打正選而已

TAMTOM

原來如此

前年講亞祖 + 馬田斯 = 國際未來10年既前鋒 ,而家就齊齊等賣

基維蝦

原帖由 國米+利物浦=王 於 2006-8-20  11:49 PM 發表

文仙尼心目中一直都以施薩做正選人物吧至少會再比多個機會佢
而托度只係替補
不過...當施薩再有上一年既事情發生
好難保佢繼續打正選而已

其實而家龍門都係一個需要買既位吧 Julio 根本冇足夠既實力打大會

stephenlion

grosso係用黎射罰球既

~~冬之子~~

衛冕有望

網名---小本龍彥

原帖由 stephenlion 於 2006-8-21  06:49 AM 發表
grosso係用黎射罰球既

排隊都未到佢

原帖由 stephenlion 於 2006-8-21  06:49 AM 發表
grosso係用黎射罰球既

請排隊

原帖由 基維蝦 於 2006-8-21  12:44 AM 發表

其實而家龍門都係一個需要買既位吧 Julio 根本冇足夠既實力打大會

我深信佢地有目標既

Tallgeese III

前鋒一定要放人啦...突然又 Crespo 又 Ibra....就係多舊魚...
最好放左 Cruz...唔好阻人發達....

中場就...其實韋拉+甘比牌面好正...
但佢兩個都不安於位...實際效果真係未知之數...
反而見 Solari 已經適應左..之前見佢熱身賽打得唔錯..希望可以去番以前o既水準...
加上我唔想見倒c殺...
同埋唔覺中場造波能力係新收購下會有大改善...

後防...左路照睇都係繼續死...
如果c殺係正選龍...咁後邊就繼續幸苦你啦哥巴..
不過對 Anderolli 哩個後生仔好期待...加上球會對佢都好似幾重視...
希望係 Inter 有未來...

睇文生個勢似想係來季試用 3-5-2...唔知效果會如何呢?

Vincent_Chan

要拎冠軍
國米快快黎曼切斯特找回章魚吧
左路需要他