|
|
球場傳來一陣足球撞向門楣既聲 音…我望過去…只見o個個年青人背對球門, 跳起使出倒掛金勾, 將彈高個波踢入網…當然, 我係有睇過足球小將, 但係我重未見過有人係我面前真實做一次出黎…我見到呢個情形當然呆左…而我傍邊o個個人好似預左呢件事會出 現 咁…向我微笑…
“我踢過祖雲達斯,拉素等大球會,而且代表捷克國家隊周圍去比賽…見過咁多球員…最出色既都算係佢, 所以我帶佢黎呢度…希望呢粒星由呢度可以發揚光大…”
“踢過祖雲達斯…拉素…捷克…唔通佢就係…” 我心入面諗緊
O個個人見我面露疑惑,佢就微笑咁講
“冇錯, 我就係柏禾.利多維多, 我因傷最近宣佈掛靴…而我係意大利最後一場比賽對國際米蘭…仍都搵到我咁耐以黎覺得最出色既球員,佢只要肯努力,將來一定成為一粒閃閃發光既球星, 同時佢仍都想通過外借增加經驗…所以佢就跟住我周圍行, 而黎到呢一度,我相信係我地旅程既終點, 仍都相信係佢球星之路既開始…等我介紹佢俾你識啦...” 講完之後佢向個年青人揮手叫佢過黎.
“領隊你好,我係Emre Recoba…以後請多多指教…” 講完之後佢就行開,再向球場行去.
“唔好意思…佢對呢度人生路不熟…有既係對足球一份熱誠, 佢對足球既熱誠可能同你大佬對F1既熱誠一樣…都唔放過任何一個機會去練習,練習,再練習…”利多維多微笑道…
“喂!你係邊個呀,呢度係列斯既專用訓練場,你係度做咩 呀 ??”遠處望去,發覺又有兩個球員向Recoba 大叫,一個係…隊中唯一一個賣唔出既球員…Michael Duberry, 另一個應該係頭先有份打列斯青年軍對新人軍既比賽入面做中堅既一名球員, 雖然睇左一陣, 我都睇得出, 佢對列斯既重建係有一定既作用…正當我諗住去阻止之際, Recoba 出聲…
“我係岩岩加入列斯既球員…” 講完之後又繼續自己一個練波
“球員? 點解頭先選拔賽唔見你架?” Duberry 好串咁踢左個波走…
“喂! Duberry 你點可以咁對d新球員架,佢係我岩岩由國米借入黎既!” 我好唔順氣出聲幫手.
“國米借入又點, 咪又係冇用先借出! 敢唔敢同我同列斯青年軍後防皇牌伊恩.簡拿華路比較一場呀??”
“好…” Recoba 完全唔理佢而家係以一敵二…就答應左…
“睇黎, 我番到黎就有野可以幫手啦啵…喂,Recoba 你唔介意我幫下你手得嘛?”
“Klinskan…你幾時番黎架? 你外借左五年終於番黎啦? 哈! 你要幫手我冇所謂啵!” Duberry 又再出聲…就好似佢話哂事咁,我心入面已經開始諗緊點 賣 走 佢 …
“講多無謂, 開波啦, 只要你地兩個合力過到我地兩個,再射入龍門既,就當你地贏! 如果俾我地截到個波既, 就當我地贏!” 伊恩.簡拿華路說.
“好…就由呢邊龍門開始啦!” Recoba 說
Recoba 係一邊龍門口面前開波,傳俾Klinskan…
“你睇下啦…我相信唔會令你失望!”利多維多說.
Klinskan 面對住Duberry, 將個波傳番俾Recoba, Duberry 指示簡拿華路Mark 住Klinskan,佢自己就向Recoba 施展壓力…
Recoba 面對住Duberry 神情若定…腳下不停將個波左右腳搓住個波…Duberry貴為列斯陣中既中堅,當然唔會俾Recoba 咁輕鬆…開始向佢施展壓力, 舉起腳想踢埋去…
只見Recoba 微笑, 左腳一篤, 將個波由Duberry 雙腳中穿過, 再大步向前一腳挑俾左邊既Klinskan, 但係唔知係唔係失誤, 個波飛向Klinskan 前幾個身位 受簡拿華路緊MARK 既Klinskan 呢個時間…以高速擺脫簡拿華路, 衝向個波, 仍都好定咁控定個波, 再傳番俾後面衝緊上黎既Recoba…只係半分鐘,個波已經上到中場線, Duberry 仍都開始唔忿氣, 指示簡拿華路同佢一齊夾擊Recoba, 面對住Duberry,再加上簡拿華路係左邊壓迫埋黎, Recoba 仍都冇位將個波傳俾Klinskan, 只見佢微笑, 將個波輕輕一挑,挑過Duberry, 但呢個時間吹來一陣微風,將個波吹向左邊少少, Recoba 左腳腳跟踩停個波, 再係簡拿華路面前用左腳腳跟將波打橫踢向右腳, 再用右腳斬俾Klinskan, Klinskan 再用佢既高速接到個波, 係左邊邊線對上望住已經擺脫左Duberry 同簡拿華路既Recoba, 左腳一斬, 個波向禁區中間飛去, Recoba 球不著地起腳窩利抽射, Recoba 向龍門衝去, 但個波彈得太遠,Recoba 跟本冇可能使出倒掛金勾…只見Recoba 向前跳, 將個波用腳跟挑入網…佢唔單止贏左呢場比賽, 仍都贏左列斯陣中兩個最強後防球員…
“好啦, 今日到此為止啦,有咩野聽日訓練場見!”我說
只見簡拿華路,Duberry 兩個神情落寞咁向大門行去…就好似, 岩岩上完一堂足球堂咁, 而Klinskan 同Recoba 講左幾句之後仍都離去…
“ 利多維多…我有件事想問你…” 我向利多維多說
“ 有咩事?” 利多維多問
“ Recoba 黎到呢度冇耐…我希望你可以留低幫下佢...利多維多…同時你係意大利踢過咁耐波, 我都希望你可以幫下我同D球員改進戰術上既問題…”
“咁當然冇問題啦…我而家又冇工做, 一於咁話啦…聽日見…”
突然我感覺到, 列斯呢隊波重生呢條路比我想像中近…
7點鐘鬧鐘又響起…足球領隊最難既真係早起身呢樣野最 難 …第三日又開始lu…
入到辦公室…發覺係地球另一邊進行既少年南美杯…有個球員球員光芒四射…率領阿根廷U-19奪得冠軍…而且奪得最佳球員…令人注意既佢係Aimar 既細佬…Irwin Aimar…我對呢名球員深感興趣…所以寄左封E-MAIL 向河床問價…同時我仍都收到兩間球會對我地球員既出價…睇黎要搵佢地傾下先得…都係去訓練場搞清楚D野先…
去到訓練場, 我向兩名新教練提出我琴晚諗出既一個提議…佢地仍都贊成…
“首先, 呢兩三個星期會分開兩組, 分別由Miller 同利多維多負責向大家進行訓練…, 冇分組既就要同其他教練進行訓練啦…大家有咩野可以黎同我講, 分組名單如下:
Miller 組:
GK: E.P. Tarobal
DF: 人渣, Vincent Nam, ISSAC.Kewell
MF: Pennant, Pavel Etherives, 迪亞高 西巴斯逹, 冬BB
FC: jay jay 白賴仁, 羅拔圖.布奧
利多維多組:
GK: Lion Braveheart
DF: 雞巴耶路, 伊恩.簡拿華路, 董伯伯,
MF: Gaizka, EMRE RECOBA, 派路．謝拉特, 呆九九
FC: klinskan, kaka cheung, Ryoma Tino
兩隊會係三個星期之後…即係8月11號進行一場比賽…以為 8 月16號開鑼既聯賽作最後準備…
大約就係咁…至於其他球員可以向其他教練進行訓練, 呢三個星期…大家要好好努力, 有咩問題可以隨時向我提出…至於Duberry 同Bridges…入辦公室見我…”
入到辦公室…等左陣,Duberry 就入到黎
“咩事呀, 領隊?” 仍然都係咁不可一世既氣焰
“球會已經決定將你免費放出…俾Woking…”
“咩話? 放俾一隊非聯賽球隊? 係唔係因為我琴日輸左所以先咁做呀?! 你唔係玩野呀嘛…我唔相信冇其他球會唔會收留我”
“你留係球會只係對球會有負面影響, 你要知道你唔係咩野天王巨星, 我黎到要求既係紀律, 你琴日咁對d年青球員, 你叫球會點信任你? 而且我覺得你留係度已經太耐, 能力仍都大不如前, 不如落非聯賽鍛鍊一下!”
“好! 你咁玩我, 你一定會後悔!” Duberry 講完之後大力關門…
跟住既係Bridges…
“對唔住…因為球會爭人好多錢…所以…”
“唔使講啦, 我明白既,為左球會好, 你可以將我賣出架. 不過我問題係邊隊者…”
“由於隊中皇牌沙夏重傷六個月, 所以Fulham 正式向我地提出以5M 收購你, 而我仍都答應左…”
“哈…乜我值咁多錢架咩…咁好啦, 為左我同球會既將來, 呢個轉會就勢在必行架啦,祝你好運啦!” Bridges 起身向我厄手表示祝福, 跟住向門口行去…
好LU…咩都搞掂哂…跟住落黎, 係三個星期後既比賽…我心入面已經開始估緊邊隊會贏… |
|
IP卡
狗仔卡
發表於 2003-12-25 20:44:39
提升卡
置頂卡
沉默卡
喧囂卡
變色å¡
顯身å¡
發表於 2003-12-25 20:56:58
快 
發表於 2003-12-25 23:02:52
