|
|
看完Theresa發出的短訊,我立即跑往車廠旁邊的停車場取走我的黑色Evo 5跑車,以最快速度駛往Theresa家.
我腦海中只想著和Miki和好.只要能夠再和Miki一起,我做甚麼也不介意.
不消二十分鐘,我把車子駛到筲箕灣.我把車子”安頓”後,便衝上Theresa家.
“叮……叮……叮……”我按下門鐘,等候Theresa開門.
“妖……快D啦!”我心裡焦急起來.皆因我想Miki盡快回到我身邊.
等了一分鐘,Theresa終於開門讓我入內.
“唔好意思,頭先係廁所.”Theresa說.
“Miki呢?”我氣急敗壞地說.
“佢遲三四個字就會黎到,我地坐低傾下先.”
我倆坐下來後,Theresa質問我:”Henry你做咩拈花惹草?”
我激動地說:“唔係我拈花惹草,係果個女仔對我死纏不休.”
“咁你又同佢kiss?”
“果時佢黎個突襲,你叫我點避?!”
“而家Miki就係當正你對佢唔住.只要你同Miki道個歉,斟杯茶認錯,佢就會原諒你.”
“但我根本冇做錯,而且我係受害者.”
“你唔好咁大男人啦!如果你真係想同Miki好番,做衰仔都要架喇!”
“為左我下半生,就聽你講啦!其實Miki知唔知我黎左?”
“佢唔知你……”
Theresa還未說完,門鐘響起,表示Miki已經來到.Theresa開門前拍一拍我肩,說:”俾D信心自己,你係得既!”
說罷,Theresa開門讓Miki入屋.Miki看見我,面上露出不悅之色.
Theresa連忙向Miki解釋:”Henry上黎係同你請罪.你就俾個機會佢啦!”
“啊!”Miki點了一下頭.於是我走到Miki面前向她認錯.
“Miki,係我唔岩,我唔應該係出面搞三搞四……我好後悔做出一D對你唔住既野,令到你嬲我……係冇左你既日子,我真係好down好down,食又食唔到,訓又訓唔到,開工都冇晒心機……而家我內心感到非常之內疚,我應承你我以後只會忠於你一個……”
接著我拿出一杯茶,在Miki面前跪下.
“Miki,對唔住啊!求求你俾次機會我,我唔可以冇左你架!”
Theresa向著Miki說:”如果Henry真係同第二個有野,佢就唔會同你認錯.佢最愛既人始終都係你呀!”
“咁又係……”Miki拿起那杯茶將其喝掉.那即是說Miki肯原諒我了!
“Henry,起身啦!Miki都原諒你喇!”Theresa笑著說.
我站起來,緊緊的抱著Miki:”Miki,唔好離開我.”由於我心裡那種失而復得的感覺極之強烈,我雙眼流下淚水.
Miki用紙巾替我抹去臉上的淚水,說:“只要你愛我,我唔會離開你.”
我倆互相望著對方,繼而接吻起來.我終於重拾和心愛的人一起的溫暖和甜蜜感覺.
當我離開Theresa家時,我不忘多謝Theresa:”多謝你令我和Miki好番.”
“唔洗.你兩個係天生一對,點可以散呢?”Theresa幽了我一個默.
經歷過這次考驗,我明白自己是絕對不能夠失去Miki,比起從前我對Miki更加愛惜.
既然如此,我和Natalie好應該來個了斷.在我作出主動前,Natalie已率先作出主動.六月初我晚飯後坐在電腦前查電郵,期間我看見一封標題為”To: Henry Chan”的電郵,於是我將其打開.
Henry:
對於我近數個月來的偏激行為,我想向你說一千個,一萬個,甚至一億個對不起.我錯了,我幾乎將一對天造地設的戀人拆散.我不求你原諒我,更不奢望和你做回朋友.下星期二我會全家移民加拿大,沒有十年八年我也不會回來,最後我祝你和Miki永遠幸福.
祝
身體健康
Natalie
我和Natalie之間的瓜葛終於可以劃上句號,為免被Miki以為我再度對她不忠,我看完這封電郵立即把它掉進”資源回收筒”.
三個月過去,我和Miki從相識到現在已經足足兩年時間.九月中某天我收工後前往銀行櫃員機提取上個月工資的一部分作零用.
“反正仲有時間,睇下有幾多錢先!”我心想.當我看見螢幕上的數字,覺得時機成熟,是時候行動.
這次行動我花了兩天想好情節.作出決定後,我開始要求他人協助我進行這次行動.
首先我打電話給Kary.
“Hello.”
“Henry呀!你可唔可以幫我一個忙?”
“好啊!”
“係咁既……”我將全盤計劃講給Kary聽.
“你個計劃係掂喎!放心,我會幫你搞得好好睇睇.”
之後我打電話給我中學舊同學韋浩.他和我一樣,也是九巴司機.韋浩是駕駛二A線,而他所駕駛的巴士編號是AP1,車牌是HY1677.不同的是我是兩更車長,他是夜更車長.
“嗨!”
“我呀!想問你架車今個月夜晚食完飯美孚開車時間.”
“八點,十點.做咩咁問?”
“係咁既……”我將全盤計劃講給韋浩聽.
“哦!得啦!冇問題.”
國慶日當日,我同Miki一起在旺角逛街和看電影.晚上八時三十分,我倆吃過晚飯後前往先達廣場對出的巴士站等候二A線回家.
等了五分鐘,巴士來到.不出我所料,這輛巴士車牌是HY1677,亦即是韋浩駕駛的巴士.
上車後,我著Miki到上層.接著我將一片VCD交給韋浩.
我:“今晚食粥食飯靠晒你.”
“唔洗騰,no problem.”韋浩回應道.
在車程中,我裝作若無其事,如常地和Miki談心.晚上九時,巴士駛到樂華村總站.當巴士停下來,也是我行動之時.
所有人下了車,全車只剩下我和Miki.另一方面韋浩將那片VCD放進巴士內的Roadshow播放機內.
巴士內的電視播放著Kary替我錄影的片段.從畫面中所見,Kary正在訪問駕駛巴士中的我.訪問的內容是我和Miki這兩年內的點滴,而後段更是我對Miki愛的宣言.
“Miki,我非常非常非常之愛你,我一世人只係愛你一個.如果冇左你,就算我嬴左世界又有咩意思?Miki,你絕對係我心裡面唯一一個我愛既人.”
之後Kary出現在電視畫面,說:”Henry,快D行動喇!”
看完錄像,Miki拍打我胸口:”好衰架!知你愛死我喇!”
我從褲袋裡拿出結婚戒指,然後跪下:”Miki,你願意嫁俾我嗎?”
Miki以為我開玩笑:”好衰架!仲未玩夠咩?!”
“如果我係開玩笑,我就唔會真金白銀買隻戒指返黎.Miki,我願意照顧你一生一世,我會令你感到幸福,我希望能夠永遠同你係埋一齊.Miki,嫁俾我丫!”我語重心長地說.
Miki猶豫了一會,然後遞出右手:”你係至好講啊!”
無可否認,這是我一生中其中一個最開心的時刻,Miki肯嫁給我做我妻子!我立刻將結婚戒指套在Miki右手食指上.
下了車,我問Miki:”容許我叫你一聲老婆嗎?”
“嗯!”Miki點頭.
“老婆.”
“老公.”
我倆接吻起來,這一吻代表我倆的感情走向新的階段.之後我帶著Miki到巴士總站對面的停車場取走我部Evo 5.
“立……老公,我地唔係返屋企咩?”Miki問我.
“陣間我地去幫阿基搞革命,好好玩架!”我笑著回應.
之後我驅車前往”革命”地點------飛鵝山.走過九曲十三彎的山路,我和Miki下車會合阿峰,阿新,Theresa和Kary.
“話個好消息俾大家,我同Miki結婚喇!”我興高采烈地說.
“正啦你!娶到個咁靚既老婆.”阿新打趣說.
Kary按著阿新的頭:“而家我唔夠好咩?”
阿新討好Kary:“唔係……你係最好既.”
阿峰:“你兩個唔好再耍花槍.阿基同Stephy而家黎緊,我地快D郁手.”
我,阿峰和阿新分工合作,將我們三人和浩基早前做好的數塊圍板裝崁在一起,然後再用電線接駁圍板上的燈泡同電池.
阿新看見Miki,Theresa和Kary無所事事,便說”你地三個女仔可唔可以幫手測試,睇下D燈著唔著到?”
“OK!”她們三人異口同聲說.
接著Miki,Theresa和Kary按下開關掣.燈泡正常發光,沒有出現不正常情況.當Miki,Theresa和Kary看見圍板上的字句,無一感到不驚訝.
“愛你直至消失天與地……好呀!”Kary說.
“好肉麻……咩你是我心裡獨一無二的戀人.”Theresa說.
“為了你,我上刀山,落油鍋都在所不惜……仲正過老公既愛的宣言.”Miki說.
“隆……隆……隆……”遠處傳來這些聲響.我肯定這些聲響來自浩基的”掃把佬”,果然浩基和Stephy就在這時來到.
浩基和Stephy下車後,阿新即時按下開關掣點著燈泡.
Stephy望著圍板:“衰仔,睇你平時正正經經原來咁鬼肉麻.”
浩基拿出結婚戒指:”Stephy,嫁俾我丫!”
為了令浩基”革命”成功,我游說Stephy:”我同Charles話晒廿年兄弟,我敢寫包單佢一定俾到你幸福.”
其餘的人也加入游說行列:”嫁俾佢,嫁俾佢,嫁俾佢……”
Stephy考慮答應與否:“咁呀……”之後Stephy伸出右手,讓浩基將結婚戒指套在她右手食指上.
浩基”革命”成功,情深款款的和Stephy接吻.過了這一晚,我和浩基忙著準備人生大事.
待續 |
|
IP卡
狗仔卡
發表於 2004-10-6 22:03:01
提升卡
置頂卡
沉默卡
喧囂卡
變色å¡
顯身å¡
