Toby喝周麗淇fans收聲

steve123456789

連串樂壇頒獎禮舉行期間，可謂戰雲密布，大有大爭，細有細鬥，繼傳何韻詩、容祖兒及楊千嬅因爭獎而鬧不和後，今年的女新人亦暗中爭餐死。當中被封為「攝石王」的梁靖琪，因一句叫周麗淇的歌迷「收聲」，令二人的不和關係火速升級。

鬼妹仔性格的梁靖琪（Toby）每次出席活動都與女歌手攬攬錫錫，甚至擺出古靈精怪模樣讓傳媒任影，估不到卻惹上一身蟻，被封「攝石王」，有指Toby黐著周麗淇（Niki）及衛蘭（Janice）上鏡。

否認做攝石王

這還不止，又有指早前Toby出席新人巡禮活動時，以一口流利英語大叫周麗淇（Niki）的歌迷「shut up」，難免令人揣測她與Niki的關係。

對於有關負面消息，Toby說：「我本人係熱情，同埋我識左Janice成八年咁多，大家都係好朋友。（咁Niki呢？）大家成日出席新人活動，都有傾有講。」談到她大鬧Niki歌迷，Toby大方承認，她並解釋：「我唔係鬧，只係講笑，話佢歌迷好勁同好大聲。（話你叫佢收聲喎！）冇。」

周麗淇無記憶

其實事件中的另一主角Niki其實也是非纏身，之前曾與關心妍因爭寵而「你一言我一語」互窒，當時亦被視為「是非精」，更被謔稱「周厲人」，與Toby可謂同病相憐。不過對於fans被Toby叫收聲之事，她似是為免捲入是非圈，表示沒有印象，並向Toby大派定心丸說：「大家都係朋友，唔會傷害友誼，其實事隔咁耐，真係一的印象都冇。」

Fantasista

good

捷克NeVeD子彈

陳星龍

who the xxxx is Toby?

古都

原來識左咁耐

肥仔麟

tody都係無人捧架喇 , 算吧喇