洪朝豐癲王開騷 瘋魔醫院

肥仔麟

洪朝豐癲王開騷　瘋魔醫院
2月 6日 星期一 03:00 更新


  【東方日報專訊】「癲王」洪朝豐昨日突然入住精神科急性病房，對自己幾時入院思路混亂，卻意識清醒地自我宣傳年十五（十二日）的拍賣活動，還自稱在病房內開演唱會、為院友改法號、瑜伽等等。

廣 告


曾患抑鬱躁狂症的洪朝豐，自上月底高調「復出」拜祭舊愛寶詠琴後，即全情投入宣傳連串大計，惟表現日漸失常：年初一咒某記者入院、狂飲一公斤水、喪食威化餅、話送記者去火車站卻去了捐血站……

昨早八時許，洪朝豐致電記者自動報料：「我依家東區尤德醫院Ｋ４精神科羈留病房，我入幾日，你帶四個蘋果、一梳蕉探我，其他唔好帶，一個人，唔可以影相，我唔可以出，你探我都要得到我批准，你明唔明？」

記者在探病時間抵達醫院，發現Ｋ座是精神科急性病房，Ｋ４乃男急性收症房，院方守森嚴，病人禁止自由出入，經通報後由男護士帶記者，用鎖匙連開了兩度大門，才進入病房，洪朝豐身處大病房的最尾位置等候，基於洪朝豐身份特別，院方安排最尾一間只有三堵牆、三張摺，門向醫護人員的小房間，讓洪朝豐接見記者，聲明不准影相、錄音，穿病人衫的洪朝豐亦再次叮囑不可影相，雖然神情有點累，有點憔悴，但見到記者帶來的一梳蕉，即連食了兩隻。以下是洪朝豐和記者的對話內容。

半夜自己入院

洪：洪朝豐　記：記者

洪：我年十二出院，之後即刻開記者會。

記：幾時入院？

洪：開完第一次記者會，半夜自己入院，詳細唔講，以前唔講，講將來，（兜番轉頭）我初六轉入。

記：覺得邊度唔妥？

洪：呢唔講，（數手指）醫生話初六、初七、初八、初九、十、十一、十二，五日……唔係，七日至，（數番轉頭）十二、十一、十九……初五開始入，等我休息，好好，冇其他，等我了解香港精神科病人、護士，病人好多臥虎藏龍，識好多，我今日免費演出半個鐘唱歌，佢好開心，我答應佢年十五籌到錢，支持佢精神科醫院，醫生全部鞠躬盡瘁，為病人想，係好醫生。

記：你依家精神點？

洪：好好。

為院友起法號

記：有冇食藥打針？

洪：都要，醫生針畀到最少分量。（又再自說自話）今日音樂會佢開心到傻，醫院又請橙汁畀全部人飲，好開心，我起身幫手執床，佢做運動、瑜伽，幫佢起法號，畀ＣＤ佢聽。（講番法號）包括有個病人話自己係罪人，我幫佢改「伏魔」，有個講好大聲就叫「靜善德」，佢叫我「三一師傅」，（再講）我年十二可以出院。

記：醫院做過乜檢查？

洪：日日同醫生開會、傾偈，講自己以前歷史、患抑鬱躁狂症。

記：依家係咪抑鬱躁狂症復發？

洪：唔係，只係有，想休息多，自己有。（開始宣傳拍賣會，有紋有路）年十五星期日，開頭我話籌一億，依家唔講幾多錢，順天而行，好多人幫手，院友都可能幫手，隨緣，我做拍賣官，錢要起佛廟、石頭會慈善機構，又會幫一間機構籌卅萬，用五十種中藥煲十三個鐘，免費提供三種涼茶醫糖尿病，針灸師傅免費幫人針灸，推廣中國自然療法，自己表演功夫。

至此，男護士中止訪問，說：「佢依家有病情況，等佢再穩定先。」但洪朝豐仍想繼續，爭取說：「我未講完。」最後十分鐘訪問仍是結束，洪朝豐謂要送記者離開，護士阻止他離開病房。

copy from yahoo.com.hk新聞

cesc

He Looks So Good　
He Looks So Great　
He Looks So High 　
He Looks So Cool 　

肥仔麟

原帖由 cesc 於 2006-2-6  10:12 PM 發表
He Looks So Good　
He Looks So Great　
He Looks So High 　
He Looks So Cool 　

你係咪佢d fd黎架 , 咁__支持佢

cesc

原帖由 肥仔麟 於 2006-2-6  10:18 PM 發表

你係咪佢d fd黎架 , 咁__支持佢

你講邊個先..呀ron..我認為佢做戲係唔錯...不過唱歌就

瘋爺就

肥仔麟

原帖由 cesc 於 2006-2-6  10:22 PM 發表

你講邊個先..呀ron..我認為佢做戲係唔錯...不過唱歌就

瘋爺就

ron哥唱歌係part time , 難聽人所共知

瘋爺係你個fd ?

不如搵埋蔡楓華同佢一齊開show o丫~~~~~~

肥仔麟

原帖由 曉東 於 2006-2-6  11:02 PM 發表
不如搵埋蔡楓華同佢一齊開show o丫~~~~~~

瘋王爭霸戰

ivansclo

原帖由 肥仔麟 於 2006-2-6  11:14 PM 發表

瘋王爭霸戰

無獨有偶兩個都有個瘋字 ....

midas

原帖由 ivansclo 於 2006-2-7  01:53 PM 發表



無獨有偶兩個都有個瘋字 ....

謝霆瘋....幾時到佢呢..?