扮反面真有路吳卓羲勾實官恩娜

Dioray

娛樂名人
壹週刊   2006-03-09  

扮反面真有路吳卓羲勾實官恩娜  

吳卓羲（Ron）與官恩娜（Ella）合作拍無劇集《酒店風雲》撻，其後又戲劇性地勢成水火，Ella把他形容為「隻」，有指阿Ron則毫不留情私下對人踩她：「借我過橋，咁×厚面皮，黐×住晒！」又公開嫌她唔夠靚兼心地唔好，二人隔空互罵，日日精彩。

原來，這一切是因無高層樂易玲的最高指令而起。去年尾，為免影響愛將阿Ron事業發展，樂小姐下令不準他拍拖分心。從此時起，阿Ron及Ella便開始扮唔妥，實情是偷偷發展地下情，呃晒全世界。

二月廿六日週日下午二時，這對地下情人約會後，Ella由阿Ron親自駕駛其黑色Audi旅行車，送返位於紅磡都會軒酒店式寓所，之後Ella還著住同一套衫出席同日的公開活動。有相為證，阿Ron依然抵賴，唔認車過女友，又話自己幾個月無見Ella，私下與她不是朋友，繼續大話連篇。接女皇密令

姣婆遇脂粉客，吳卓羲（Ron）與官恩娜（Ella）去年初合作拍《酒店風雲》，三個月來朝夕相對，過年又孖住跟劇組到菲律賓拍外景，主動Ella不時過房會羲，之後又以短訊及零食攻勢仔，二人火速撻。

拍劇期間，明明無工開的Ella經常等埋阿Ron一齊收工，更試過竄入其黑色Audi旅行車，在車箱煙韌，男方還不避嫌管接管送。

直至去年二月戀情曝光後，阿Ron曾因為Ella被指「姣精」而扯火鬧人，事後Ella出口稱讚男友正直有風度。雖然往後每逢開新劇，阿Ron均與女主角，如楊怡、唐寧及近期的梁靖琪Toby等傳出緋聞，但他仍與Ella秘密交往。身為無力捧小生，無高層樂易玲怕緋聞會影響愛將前途，下令阿Ron不要再拍拖溝女分心。

絕密交往

於是，二人在去八月同為《酒店風雲》宣傳時，便開始「交戲」扮唔妥，就算在公開場合見面，亦會嘴藐藐互當透明。阿Ron多次公開表明立場：「我最愛屋企隻狗，寧願要羅蘭同夏萍，都唔會揀官恩娜做女朋友。」

有你無我，呢場大龍鳳呃晒全世界，實情是Ella對表面當她地底泥的阿Ron死心塌地，二人的秘密關係足足維持了一年。為免東窗事發，二人只會在男方家中會面，負責接送的阿Ron每次出動也非常小心，在其清水灣半島寓所出車時必定勁兜圈，睇清楚無傳媒跟蹤，然後先踩行油走人。因此，大半年以來，從未被拍下二人幽會照片。

車女返家

就在他得意洋洋之際，上月尾（二月廿六日）週日下午二時，阿Ron照辦煮碗，駕駛其黑色Audi旅行車，鬼祟地安排Ella坐進車窗貼了黑色玻璃紙的後座，免被人在車頭玻璃見到她，跟住又不停兜圈，蠱蠱惑惑極速送Ella到她位於紅磡都會軒酒店式寓所門口。

停車後，Ella開後座車門火速落車，大手袋，右手住乾濕褸，狼狽地邊行邊扯bra，果然是「跑」車，Ella坐到胸圍走位。送完女友，阿Ron絕塵而去，返回將軍澳電視城，繼續為新劇《男人之苦》開工。

被迫無得見

返回寓所後不夠十五分鐘，無換衫的Ella落樓登上其保母車，到理工大學與Twins及Kenny等一起出席頒獎禮。不知是否之前玩得太勁，疲態盡現的Ella眼「擎擎」，在後台跟Kenny玩完一輪電話先「回魂」，向記者自爆拍新片《至尊無賴》時整傷鄭中基，又話唔敢面對阿Sa。

打後的個多星期，Ella除了出席公開活動，大部分時間「柄」埋都會軒，皆因連日來正趕拍《男人之苦》的阿Ron，日日晨早七點，接晚上廠景拍劇，見面機會少之又少。上週六及週一，難得在晚飯時間收工，阿Ron兩次欲駕車出外，均因為發現記者在其清水灣半島寓所外等候，在將軍澳市中心狂兜圈，最後被迫折返寓所。被傳媒破壞會女計劃，Ella也只得獨守空房「食自己」。

大話精死撐

週二（三月七日）下午，一對好戲情人分別出席新劇開鏡儀式及Roadshow錄影活動。下午三時，阿Ron、Toby及蘇玉華等在將軍澳電視城為新劇《男人之苦》開鏡拜神切燒豬。對於最近有報導說阿Ron與已轉職的前女友Jennifer在清水灣半島同居，他輕佻回應：「個係我工人！」講到他為避與Ella同台而推job，他繼續交戲：「呢係公司安排，（你自己點諗？）都係睇公司囉！」

記者問他上月廿六日駕駛其Audi旅行車送Ella返屋企，阿Ron大叫：「！唔係？」當他仔細看完相片，腦筋急轉彎死撐：「我諗係好耐之前事喇！（係今年二月廿六日影。）係舊年第一次影到個張？（架車係你！Ella亦著住同一套衫出席同一日公開活動。）我唔知喎！你番上次相咋。」

有相為證照講大話，還振振有辭說近幾個月完全無見過Ella：「近兩個月日日都開工，都無時間出街喇！你可以check我通告。」

口徑一致

多次公開跟Ella隔空針鋒相對，阿Ron卻理直氣壯說：「我無同佢唔妥呀！係你設計對白，我無講過粗口鬧佢。（你話佢out，唔想提呢個人。）係呀！我只係唔想再提隔成年舊緋聞。（你係朋友？）見到面會打招呼，但私下無聯絡。」

當日下午五時，在尖沙咀出席Roadshow錄影活動，Ella早已收到阿Ron通風報信，夾定口供。問她與阿Ron是否情侶關係？男友做柴可夫送她返屋企當日去邊？她沒有否認，只說：「唔答！」

當記者遞上是日照片時，她睇得很仔細說：「會唔會係舊相？」講法與阿Ron一模一樣，她一臉無奈尷尬笑。心甘命抵被阿Ron公開踩到盡，平日最識借緋聞宣傳的官恩娜真聽話，接了「收口令」即封嘴，「溝女王」吳卓羲輕易收服「姣精」，果然犀利！

好戲

人前扮唔妥的阿Ron與Ella近期刻意公開針鋒相對，說話句句有骨，令全世界以為他們不和。

12/05不屑吳卓羲

‧出席商台「生力軍」活動，歌手互選最佳新人時，記者問到Ella為何投Soler不投阿Ron一票，她不屑地說：「佢咁多人撐，我以為佢有人投嘛！」

1/06踩Ella out

‧現身《勁歌金曲》，一提起Ella，阿Ron煩厭地說：「Out啦！新一年我想搵新女友，唔好再提佢啦！」Ella得悉後反駁：「佢竟然咁講﹖大家咁話啦！」

‧阿Ron在其音樂會上同Ella劃清界線：「我寧願揀夏萍、羅蘭都唔揀官恩娜做女友，我最愛屋企隻狗。」兩日後，女方被取笑是「Ron嫂」，她即耍手說：「唔好咁嗌我，我會標冷汗！」

2/06唔提無謂人

‧有報導謂阿Ron嫌Ella借緋聞搏出位，大鬧女方「黐×住晒！」之後阿Ron被問及她送奶茶一事說：「我唔會再提呢無謂人！」問她阿Ron情人節有否約會她？她不悅地說：「新年流流唔好講衰！」

3/06拒接情侶job

‧廣告商希望邀請二人情侶檔拍廣告以收宣傳之效，但二人均拒絕接情侶job，實行有你冇我。

賤男鬥姣精

吳、官戀被喻為「姣婆遇脂粉客」，二人同樣多戀事，緋聞多不勝數。

官恩娜

鄧兆榮

九六年從英國回港為入娛圈，跟祥哥二公子鄧兆榮拍拖，雙方感情維持一年。

黃浩然

○○年拍《I Do》搭上黃浩然，踢走與黃拍拖五年女友Cindy。翌年九月，黃拖她漏夜睇急症。

房祖名

○四年與房祖名同是樂壇新人，Ella向他大放生電，以電話傳情，結伴睇周杰倫演唱會。後來男方感到有人借緋聞宣傳，短暫情緣告終。

楊哲寧

去年九月力立法會議員楊孝華大仔楊哲寧，雖然楊早有女友（丁子高表妹），但Ella唔理咁多，與男方到赤柱撐腳。

吳卓羲

助手女友（Jennifer）

○三年尾被揭與助手女友Jennifer（羅美群）拍拖行街，後來搭上Ella，Jennifer難忍男友花心分手。Jennifer被問及是否因Ella介入導致分手，她說：「衰人我唔想講！」

楊怡

○三年尾合作《大唐雙龍傳》鬧緋聞，其後再合作《學警雄心》，阿Ron拍嘴戲竟伸晒啜楊。三個月前在公開活動上，吳對楊依然表現體貼，上落直升機又攬腰又捽手。

唐寧

二人早於《大唐雙龍傳》時辣。事隔兩年，再到南京拍新劇《亂世佳人》，導演嗌cut後，阿Ron仍毫不避嫌拖住她，匿埋過二人世界。

梁靖琪

與無高層梁家樹千金梁靖琪（Toby）拍《男人之苦》大獻殷勤，自動請纓與她對稿。Toby晒話：「拍嘴戲時佢唔伸，我會話佢唔專業！」

源．京一

原帖由 Dioray 於 2006-3-9  11:03 AM 發表
娛樂名人
壹週刊   2006-03-09  

扮反面真有路吳卓羲勾實官恩娜  

吳卓羲（Ron）與官恩娜（Ella）合作拍無劇集《酒店風雲》撻，其後又戲劇性地勢成水火，Ella把他形容為「隻」，有指阿Ron則毫不 ...

TOBY果下正
琴日話佢澄清呢單野
話...我點敢鬧高層個女呀..我仲想low嫁

jacky422213

條友俾我既感覺係一 d 風度都冇

ivansclo

原帖由 jacky422213 於 2006-3-9  12:39 PM 發表
條友俾我既感覺係一 d 風度都冇

實力都冇 ....

肥仔麟

原帖由 源．京一 於 2006-3-9  12:31 PM 發表

TOBY果下正
琴日話佢澄清呢單野
話...我點敢鬧高層個女呀..我仲想low嫁

直接

Dioray

一早都叫左大家：別怪他

steve123456789

好心佢男人就大方d la~

TinTin

原帖由 源．京一 於 2006-3-8  07:31 PM 發表

TOBY果下正
琴日話佢澄清呢單野
話...我點敢鬧高層個女呀..我仲想low嫁

寸爆

同樣例子無講出口版﹕

"我點敢唔咀肥姐個女呀..我仲想low嫁"



[ 本帖最後由 TinTin 於 2006-3-8  11:54 PM 編輯 ]

傑夫仔

報紙週刊講野都有人信...

天才守門員

繼續啦,好快就係另一個發瘟

2076

篇野吹晒水咁wor
又有犯駁位

麥記

原帖由 2076 於 2006-3-9  06:02 PM 發表
篇野吹晒水咁wor
又有犯駁位

呢d離誌睇完就算啦, 得啖笑

steve123456789

姣婆遇著脂粉客