|
|
發表於 2007-2-26 12:30:16
|
顯示全部樓層
求其打既report 
富咸方面有意大利前鋒蒙迪拿停賽, 昆祖受傷同殺人王米高布朗復出
曼聯方面費sir以布朗代替加利佬上陣...斷絕兩閘既助攻能力...
富咸今場以5名球員企圖強搶中場, 卡域克 + 史高斯既中場中幾乎完全無力阻擋, 富咸上半場頭20分鐘攻守有序, 曼聯完全佔不到甜頭
戴維斯今場右路搵食完全壓制艾夫華...佢同施馬田上半場初段既射門都可以帶黎威脅可惜未能命中目標, 直至17分鐘, 布朗解圍落入富咸球員腳上, 戴維斯企圖接應一個巧妙既笠波, 緊纏既維迪同出迎既雲達沙相撞, 皮球落在麥比迪腳上, 麥比迪射成1-0
領先既富咸不單唔全軍退守, 竟然空群而出, 企圖再入第2球, 令曼聯中前場多左空位發動快攻, 25分鐘C朗拿度一球個人突破, 射門只係遠柱柱邊出界...
3分鐘後, 曼聯追和, 傑斯中場將皮球傳去左路朗尼, 朗尼一路落底傳中比由中場中走到遠柱既傑斯球不著地射成1-1 平手
其後富咸球員漸漸失去耐性, 繼續大舉進攻, 逐漸演變成一場進攻足球, 曼聯頻頻靠C朗拿度, 傑斯, 朗尼三人發動快速反擊, 可惜無一命中...
完場前一個高波在富咸右路落下, 拿臣頭槌頂俾助攻既艾夫華, 艾夫華無人看管下殺入禁區一射離譜地遠柱出界...
下半場富咸初段攻勢仍然旺盛, 僅開波3分鐘, 戴維斯一記射門就被雲達沙救出, 4分鐘後, 拉辛斯基接應米高布朗傳中力壓另一位布朗 -- 韋斯布朗一頂中楣彈出
此後比賽一度進入富咸進攻, 曼聯防守反擊既環境, 艾夫華頻頻企位出錯之下令戴維斯有兩度射門機會但都被雲達沙救出, 其後麥比迪一球頭槌仍無功而還...
最後20分鐘, 比賽進入白熱化, 富咸既調動令球員進攻防守都變得混亂, 令曼聯多次反擊都取得射門, 但C7 多次自行射門為富咸解圍....
最後, 88分鐘C朗拿度左路接應到皮球, 切入禁區一射遠柱入網, 曼聯以2-1 領先
最後幾分鐘富咸理所當然地狂攻, 換走左維迪既曼聯後防對高空波多次出現驚險鏡頭, 最後曼聯以2-1 勝出...
評分....
龍門: 雲達沙 (6.5分): 同維迪相撞, 禁區內踩波車, 頭20分鐘令我隱若見到華迪斯為曼聯把關, 但最後70分鐘表現不得不讚, 包括補時階段撲唔到波就隊lum左個人.....
後衛: 布朗 (5分): 過中場後傳送命中率有10%, 不過果10% 傑斯又要拎漏...即係助攻除左好多渣車都追唔到既直線之外就毫無貢獻...防守表現僅比隊友艾夫華好
維迪 (6分): 半年既高水平表現開始下滑, 仍都係再正常不過既事情...好好休息吧
里奧費迪南 (6.5分): 冇維迪之後中路由佢一夫當關, 因為布朗實在太強了....
艾夫華 (4分): 具有法國級數既射門, 助攻能力如果係 0 既話, 防守能力應該有負數吧...
中場: 卡域克 (5.5分): 中場被搶, 傳波工作被左右兩閘搶去了...佢只可以接應一些接應不到既直線吧
史高斯 (6.5分): 表現拚搏, 多次被米高布朗鞋底行先攔截...
傑斯 (6.5分): 入波前表現實在差到冇人有, 但入波後開始上力, 唔單止左右兩邊都見佢出現, 仍都頻頻回防...
C朗拿度 (6.5分): 今場見佢踢波就好似打WINNING既X 制壞左咁....不過好彩最後俾你入到球
前鋒: 朗尼 (6.5分): 除射門外其他都表現可人
拿臣 (6.5分): 頻頻打反擊之下拿臣冇咩機會前場表演, 但多次回中場搶波表現值得一讚
後備: 奧沙 (6分): 安守本份, 並冇參與進攻, 但防守冇大漏洞
沙夏 (5分): 表現一如以往....有貢獻既事情5隻手指都用得哂
施維施達 (6分): 開始想見到你多過想見到艾夫華, 當然最好兩個都見唔到!!
[ 本帖最後由 Hakkinen 於 2007-2-26 01:17 PM 編輯 ] |
|
IP卡
狗仔卡
發表於 2007-2-25 20:48:52
顯身å¡