|
|
發表於 2007-3-21 11:50:32
|
顯示全部樓層
今場波一如其他主場賽事都以曼聯作主導...4分鐘就有維迪接應角球頭槌一頂被舒華沙訓橫接實
7分鐘, 曼聯後場開始一個快速反擊, C朗拿度中場接到皮球之後推多幾步, 企圖傳俾朗尼但俾守衛擋出, 但皮球彈落C朗拿度面前, C朗拿度隨即起腳施射, 僅僅向外彎出底線...
米堡方面攻勢以遠射為主....上場建功既卡特摩亞同維杜卡先後未能命中目標
35分鐘, 維迪後場一腳長傳, C朗拿度晃過泰萊殺入禁區, 企圖傳中俾阿倫史密夫, 可惜被活基治及時擋出
曼聯上半場最佳機會係42分鐘, 傑斯中圈附近一記直線傳俾突破左越位既朗尼, 單刀面對舒華沙, 可惜被舒華沙沒收皮球...
米堡下半場初段表現比上半場好, 先後有唐寧同耶古保接應維杜卡同沙維亞既傳球施射皆未龍轉為成入球
15分鐘, 卡域克中圈附近一個過頭波, C7 推過舒華沙後起腳可惜角度太窄, 只能中柱
其後雙方都作出調動, 米堡既摩利臣入替卡特摩亞, 曼聯方面有朴智星入替打得猶如一件廢物既李察遜
70分鐘, 洛甘碧克入替艾卡後不久, 曼聯一個反擊, 傑斯中圈附近 (第三次?!)放直線俾朗尼, 朗尼今次單刀面對舒華沙選擇起腳施射, 可惜被舒華沙用腳擋出....
一次又一次既直線, 雖然未能轉化成入球, 但都已經為米堡敲響警號....
5 分鐘後..軒斯一個過頭波, C朗拿度殺入禁區, 近小禁區左右既底線位置被活基治踢跌, 球證毫不猶疑地直指12碼點, 從慢鏡睇到, C朗拿度明顯有意放慢速度引活基治踢跌佢...相信大家仲記得兩日前C朗拿度第一球助攻係點黎....呢次活基治上當了...就算俾C朗拿度成功傳出....被守衛省出既機會應該高於能成功射入機會...活基治出腳後只有一個結果 -- 12碼, 在此睇得前C朗拿度搏12碼既技術更上一層樓了...
最後C朗拿度主射射成1-0...
幾分鐘後, 後備入替阿倫史密夫既奧沙差點可以接應傑斯既罰球近門射成2-0...
雖然米堡一度企圖搶攻...但無奈球員質素未可以俾到米堡一個咁既機會, 完場前更有後備入替既摩利臣向拉布中既C朗拿度作出一記難睇而冇殺傷力既攔截換來一張紅牌及最少三場既停賽處分...
其實今場波曼聯未能贏多過一球都頗為可惜....全場有三次穿越式既傳球未能成功轉化成為入球...不過仍都見證到木閘先生同舒華沙既實力, 同時仍都知道上場保頓既後防速度係幾咁慢...(賓希姆星期六又要對肥仔啦...)
至於曼聯方面, 換走阿倫史密夫換入奧沙既一刻我係頗為質疑呢個決定...但在後備席沒有一名更好既選擇之下我唯有接受...再加上史密夫的確下半場的確失去上半場橫衝直撞既一股衝勁...
而傑斯同卡域克既雙中場仍都打得非常之好, 多次傳球穿破米堡後防線, 只不過係被活基治同舒華沙兩人力挽狂瀾
後防方面, 我對布朗既肋攻能力從來不抱厚望...至於今場既軒斯仍都頗為鐘意在三閘線前10 - 15碼就傳中, 佢既傳中係傳去一個位置, 準繩度仍都可以接受, 而並非傳向某一名球員...但曼聯偏偏就冇一名擅於衝頂既球員...而且明顯見到軒斯同左邊既攻擊球員甚少好似C朗拿度同加利佬既走位配合...
賽後米堡領隊修夫基仍都向呢記攔截作出評論....
'We all, in that position, would love to do what he did because of the frustration, but you've got to keep your discipline."
而"受害者" C朗拿度在賽後訪問中仍都講出一句:
'Maybe they don't like me because maybe I'm too good,'
從此睇得出, 對方球員同球迷對佢既憎恨可能就係C朗拿度今季神勇表現既來源...相信好多英格蘭球迷仲未可以原諒上年世界杯8強佢某些所作所為吧
球員評分:
龍門: 古斯錫 (6.5分): 冇咩受到威脅....
後衛: 布朗 (6分): 已經開始掛住加利佬既疊瓦能力....
維迪 (6.5分): 估唔到你都有長傳賣-.-...
里奧費迪南 (6.5分): 面對住舊隊友大水牛表現淡定
軒斯 (6.5分): 唔好再未到三閘線之前斬波....
中場: C朗拿度: (7.5分): 可能你真係TOO GOOD, 但如果你咁樣俾人剷傷就真係TOO BAD...
卡域克 (7分): 曼聯反攻機會咁多都要多得卡域克既高水準分波能力...
傑斯 (7分): 中場中傳球次數少, 但每次傳球都帶來一定威脅
李察遜 (5分): 艾夫華既助攻雖然係爛....不過佢係一名後衛...但你係一名左中場....
前鋒: 朗尼 (6.5分): 上場入左單刀今場又唔識入....
阿倫史密夫 (6分): 有衝勁, 但同曼聯中前場冇咩默契....
後備: 朴智星, 奧沙 (-)
出線既曼聯將會同英超包尾屈福特在維拉公園爭取入決賽資格
另一方面車路士憑兩球高個人質素既入球以2-1 擊退熱刺, 將會同布力般流浪於奧脫福爭取入決賽資格...
[ 本帖最後由 Hakkinen 於 2007-3-21 12:45 PM 編輯 ] |
|
IP卡
狗仔卡
發表於 2007-3-21 09:15:19
顯身å¡
