|
|
發表於 2007-4-2 16:15:45
|
顯示全部樓層
REPORT 
曼聯對布力般, 有史高斯, 雲達沙兩人復出, 朴智星仍都擔任正選, 將傑斯移上前鋒...今場曼聯以最強陣容上陣, 務求取得三分, 以帶領佢地向英超冠軍再邁出一大步...
15分鐘, 曼聯有第一個較有威脅既攻勢, C朗拿度禁區外遠射被費度救出, 朗尼衝前補射仍被費度回身擋出
9分鐘後, 朗尼再為曼聯浪費一個機會, 傑斯禁區外腳背傳個波入禁區, 雖然有越位嫌疑但旁證並冇舉旗, 朗尼一控控得拖泥帶水, 再射之下被費度擋出...
其後角球攻勢, 維迪爭頂頭槌之下失平衡落地傷出, 賽後證實鎖骨骨折, 最少缺陣4星期, 回想個多月前, 曼聯後防球員多達8名....可以排兩條防線...而家傷左4個, 相信未來兩星期都會以 軒斯 -- 里奧 -- 布朗 -- 奧沙, 呢條後防線作戰, 情況真係唔樂觀-.-
以奧沙換入傷出既維迪, 曼聯瞬即失波, 左路麥卡菲後腳傳比柏達臣, 柏達臣傳中, 卡域克企圖將個波清出界, 卻未能成功, 皮球碌向龍門被雲達沙擋出, 達比舒亞衝前補中成1-0, 慢鏡重播見到布朗只望住皮球來勢, 並冇注意達比舒亞在佢身後衝前...同時都不得不讚達比舒亞既捕捉入球能力, 往往在最佳位置出現將個波送入網內
其後曼聯作出反撲, 但攻勢並不入肉, 最有威脅既埋門只係38分鐘, 傑斯右路既罰球掠門而過...
較值得一提既比賽前段兩次失機既朗尼, 在上半場補時階段越位之下兩次企圖射破費度十指關都無功而還, 在球證吹罰之下仍兩次起腳射門, 冇黃牌實在值得慶幸...
上半場在維迪傷出既15分鐘入面, 如果布朗助攻能力 = 0, 奧沙既助攻能力理應會係負數...多次嘗試上前助攻卻無一成功, 令攻勢集中於左路, C朗拿度既個人突破能力, 甚至軒斯間唔中上次傳幾腳波都比右路所產生既威脅大得多....
下半場曼聯一開波就繼續施壓, 下半場5分鐘, 朴智星右路傳中, 中間有布力般後衛頂高, 朗尼近門頭槌柱邊出界....
53分鐘, 里奧禁區頂拎到波, 但球證已經吹罰左布力般, 里奧將個波大力踢向曼聯觀眾席...真係睇到眼都突埋, 如果賽後要佢停賽我絕對唔會覺得意外
60分鐘, 卡域克將個波踢前, 可能太大力, 朗尼未能好好控定, 布力般後衛森巴又未能及時解圍, 皮球輾轉落到史高斯腳下, 冷靜地連續帶過尼爾遜, 禾諾克, 地波射遠柱為曼聯追成1-1
67分鐘, 軒斯左路踢前, C朗拿度以速度快過艾馬頓在底線前一控一傳, 地波傳中, 費度只能勉強拍出, 後上既朗尼仍都未能踢入網內, 但皮球正正落在6碼點左右既傑斯前面, 傑斯順勢一射中楣彈出
5分鐘後曼聯終於領先, C朗拿度左路開出短角球俾傑斯, 傑斯再傳回俾C朗拿度, C朗拿度殺入禁區再晃過杜基, 底線前無人看管下地波傳中, 門前5個布力般球員都大漏之下, 卡域克遠柱射成2-1, 費度由於視線受阻欲救無從
82分鐘, C朗拿度禁區外主射罰球, 費度擋出, 朴智星門前執雞射成3-1
大局已定之下費格遜以阿倫史密夫同蘇斯克查入替傑斯同C朗拿度
89分鐘, 朴智星中圈附近傳俾朗尼, 朗尼帶至禁區頂傳番俾朴智星, 朴智星傳中, 雖然朗尼未能射入, 但個波落在蘇斯克查腳下, 順勢射成4-1 完場
曼聯今場波雖然贏左, 但後防兵源短缺將會成為主要問題, 而且今場波都睇得出, 奧沙既助攻能力實在差強人意, 多次嘗試過柏達臣都未能成功, 而中場既卡域克今場表現十分出色, 雖然今場佢冇實際既助攻, 但多次中場附近既大腳長傳都能夠準確地落在曼聯球員腳上, C朗拿度今場個人突破既能力仍都係曼聯能反勝既關鍵, 前鋒線仍都係一個令人擔心既位置, 今場傑斯打前鋒, 表現比打左翼時差左, 天生左路搵食既佢, 右路除左幾腳出波之外可以講係冇咩貢獻, 令到佢多次偏向左路搵食, 再加上朗尼今場波既唔生性, 令到曼聯攻勢有接近60%係由左路而黎
球員評分:
龍門: 雲達沙 (6分): 冇咩野做, 好得閒, 所失一球佢已經盡力挽救
後衛: 布朗 (5.5分): 所失一球走甩左達比舒亞要負上一定責任
維迪 (-): 成個4月都唔使見到佢
里奧費迪南 (5.5分): 省球迷道左歉唔係大哂
軒斯 (6.5分): C朗拿度左路瘋狂追擊艾馬頓之下令軒斯好多空位上前助攻同出波, 而質素仍都比右路好....
中場: 朴智星 (6.5分): 右路冇人幫到手, 個人突破能力仍唔高, 所以相對較少貢獻, 但曼聯所入最後兩球佢都有直接同間接既貢獻
史高斯 (7分): 近一個月來初次上陣表現令人滿意
卡域克 (8分): 盡顯其長傳功架, 經常一腳就穿透整條布力般防線, 周中歐冠要靠佢同C朗拿度
C朗拿度 (8分): 今日既表現令艾馬頓今晚一定發惡夢
前鋒: 傑斯 (6.5分): 始終左路才是佢活躍既地方, 今場打得比較唔自然
朗尼 (5分): COPY FROM 曼聯官方網站: Rooney's first touch was often heavy and his passes mislaid.
FROM SOCCERNET: Could not even beat the American with two shots late in the first half after he had already been flagged offside. 再冇任何補充
後備: 奧沙 (5分): 試多100次都可能過唔到柏達臣
蘇斯克查 (-): 無論球場上脾氣, 效率, 走位, 射術, 進攻意識都值得朗尼學習
阿倫史密夫 (-): 出到黎又唔係打前鋒... |
|
IP卡
狗仔卡
發表於 2007-4-1 11:31:22
, 傳波差到 ... 
顯身å¡
發表於 2007-4-1 14:20:35
