06-07 香港甲組足球聯賽討論區 (四)

StupidPhilip

轉載自《大公報》
南華新帥周四揭盅
2007-6-12

【大公報訊】為備戰7月對利物浦的柏克萊亞洲錦標賽初賽，南華陣中的本地球員已於昨晨開始進行體能訓練，到場觀操的足主羅傑承表示球隊新任教練與新外援名單會在本周四公布。

南華陣中的本地球員除了正與球會洽談新約的歐偉倫與張春暉、港腳文彼得、鄭少偉與請假回鄉的葉志豪外均有參與昨日的晨操。羅傑承表示今日會在2名外籍教頭及1名「本地薑」中選出1人出任球隊教練，他說南華的新任教練必須熟悉青訓工作，另外球會已落實聘用1名新助教。

外援方面，南華4名目標球員均為「巴西兵」，並已簽下中堅、中場及前鋒各1名，餘下的1名前鋒正在跟球會洽談合約條件，羅傑承表示新加盟的教練、球員與職員名單會在周四公布，新援可望在下月1日前來港報到。南華將在7月和8月進行季前集訓，地點除了內地之外，也會考慮澳門。

此外，南華還計劃在新球季開始前進行內部體能測試，羅傑承強調不及格的球員將不會獲教練列入每場比賽的18人大名單中。

疾峰

歐 偉 倫 憤 然 掛 靴





【 本 報 訊 】 兩 屆 「 香 港 足 球 先 生 」 歐 偉 倫 與 南 華 不 歡 而 散 ！ 這 位 效 力 南 華 長 達 14 季 的 隊 長 ， 因 拒 絕 球 隊 的 減 薪 要 求 ， 憤 然 結 束 20 年 的 職 業 球 員 生 涯 。  




南 華 要 求 減 薪 5 成





現 年 35 歲 的 歐 偉 倫 ， 季 初 應 球 隊 高 層 要 求 ， 公 開 表 示 踢 罷 今 季 便 掛 靴 ， 季 尾 還 會 為 「 阿 倫 」 舉 行 告 別 賽 ； 但 到 季 中 階 段 ， 提 出 希 望 這 位 深 受 南 華 球 迷 歡 迎 的 球 星 能 多 踢 一 季 。 不 過 到 球 季 結 束 ， 南 華 陸 續 與 陣 中 球 員 洽 談 新 約 ， 只 有 歐 偉 倫 遲 遲 未 能 達 成 協 議 。
雖 然 南 華 足 主 羅 傑 承 昨 晨 觀 看 球 隊 新 球 季 首 課 操 練 時 還 表 示 ， 與 歐 偉 倫 的 續 約 條 件 有 少 少 差 距 ， 但 仍 希 望 他 可 以 留 隊 。 不 過 ， 歐 偉 倫 昨 晚 證 實 ， 與 球 隊 洽 談 續 約 的 談 判 已 經 破 裂 ， 經 考 慮 後 決 定 掛 靴 。
「 阿 倫 」 說 ： 「 球 隊 高 層 以 我 來 季 上 陣 機 會 不 太 多 為 理 由 ， 要 求 我 減 薪 5 成 ， 個 人 實 在 無 法 接 受 這 個 方 案 。 事 實 上 ， 續 約 球 員 大 多 獲 加 薪 ， 為 何 獨 要 我 減 薪 ！ 早 幾 年 球 市 不 好 ， 球 會 年 年 大 幅 減 薪 ， 我 欣 然 接 受 ， 現 在 球 市 有 起 色 仍 要 我 減 ， 這 就 有 點 過 份 。 既 然 球 隊 沒 有 誠 意 續 約 ， 留 隊 也 沒 有 意 思 ； 只 是 踢 了 南 華 14 個 球 季 ， 從 來 沒 有 想 過 最 後 會 是 不 歡 而 散 ， 實 在 相 當 可 惜 ！ 」
「 阿 倫 」 在 05 年 踢 罷 對 曼 聯 的 表 演 賽 後 ， 退 出 港 隊 ， 以 專 注 為 南 華 爭 取 成 績 ， 縱 使 上 季 未 能 帶 領 球 隊 成 功 護 級 ， 但 他 在 場 上 拼 搏 及 出 色 表 現 ， 令 他 自 97 年 後 第 2 度 當 選 「 足 球 先 生 」 。 南 華 今 季 以 千 萬 班 費 留 在 甲 組 ， 只 是 歐 偉 倫 大 多 是 後 備 ， 季 尾 鮮 見 上 陣 。  




不 想 再 轉 換 環 境

早 已 與 友 人 合 作 經 營 酒 吧 ， 為 掛 靴 作 好 準 備 的 「 阿 倫 」 表 示 ， 以 自 己 的 能 力 及 經 驗 ， 絕 對 可 以 多 踢 一 至 兩 季 ； 只 是 踢 了 南 華 多 年 ， 在 球 員 生 涯 尾 聲 不 想 再 轉 換 環 境 ， 故 決 定 提 早 結 束 球 員 生 涯 。 南 華 新 一 季 除 留 用  天 奴 外 ， 還 落 實 聘 用 兩 名 在 葡 超 落 班 的 巴 西 前 鋒 ， 加 上 港 腳 鄭 少 偉 ， 前 線 有 4 名 前 鋒 可 供 新 外 籍  練 選 擇 。  




歐 偉 倫 小 檔 案

年 齡 ： 35 歲
位 置 ： 前 鋒
曾 效 球 會 ： 南 華 、 依 波 路 、 天 天
甲 組 總 入 球 ： 117 球
港 隊 紀 錄 ： 約 40 次 入 26 球 （ 包 括 非 國 際 賽 ）
個 人 榮 譽 ： 足 球 先 生 （ 97 、 06 ） 、 足 球 明 星 、 入 選 港 隊 及 港 聯

炎夏

原帖由 疾峰 於 2007-6-12  07:02 AM 發表
歐 偉 倫 憤 然 掛 靴





【 本 報 訊 】 兩 屆 「 香 港 足 球 先 生 」 歐 偉 倫 與 南 華 不 歡 而 散 ！ 這 位 效 力 南 華 長 達 14 季 的 隊 長 ， 因 拒 絕 球 隊 的 減 薪 要 求 ， 憤 然 結 束 20 年 的 職 業 ...

估唔到走先過和仔

2076

原帖由 炎夏 於 2007-6-12  07:51 AM 發表

估唔到走先過和仔

亞倫今年好少出場, 點解? 因為教練都知佢狀態唔得囉
無可否認, 佢以前係香港華人第一中鋒
但係今季身又收唔到 (當然 傾酒吧生意邊少得應酬)
落場又冇貨賣, 掂一掂佢就跌, 拖慢晒隊波
我覺得佢都係時候掛靴啦

相反和仔, 都仲有HEART去踢波

StupidPhilip

<太陽報>
A18  |  專題         2007-06-12

巴西波牛成家立室　做香港女婿好過奪冠         

若「愛神」邱比特果真存在，大家可會想過其「愛神之箭」射程有多遠？答案係18,128公里，由巴西射到香港都絕對無問題！九六年應愉園之邀，由巴西來港効力的安馬遜，儘管多年來轉會不斷，際遇平平，但從未為此感到失落，因為他自覺已取得比「足球先生」、甚至聯賽冠軍更大的成就—在港成家立室，落地生根！

九六至九七年球季前，本地球會愉園特派員遠赴巴西揀蟀，結果，二十四歲的安馬遜憑藉出色的頂上功夫，以及威力十足的「重炮」，換來一紙聘約。到海外球會効力，乃每一名巴西足球員的夢想，安馬遜自然也不例外，但他勢估不到，原來這次「外闖」，乃「愛神」邱比特為他安排了一段異地情緣。

元朗球場邂逅太太

東來之初，因僅操葡萄牙語兼人生路不熟，安馬遜不用比賽和練習，就只會留在宿舍或到球場觀看其他對手作賽。碰巧一天到元朗球場觀戰，安馬遜遇上了他生命中最重要的人，亦即是他現在的妻子Winnie。當年還是會考生的Winnie，考試過後與好朋友及妹妹到離家不遠的球場睇波，並在看台上邂逅了安馬遜。「我當時只係想識吓朋友，唔係存心識女仔。」安馬遜回憶道；Winnie則謂：「係呀，雖然佢嘰哩咕嚕唔知講乜，但就覺得佢好友善。所以由嗰日開始，大家成班都有Keep住約出嚟玩！」

此後，Winnie決定學葡文，安馬遜亦苦練英語，彼此溝通多了，感情自然突飛猛進。

異國情緣，許多時都要先過「家長」一關。據Winnie表示，其父母當初也不太接受女兒跟洋人拍拖，惟時間證明一切，安馬遜終憑藉真誠將「冰山」劈開。Winnie 表示：「Emer（指安馬遜）本身好有禮貌，日子耐冲，我父母都好鍾意佢，尤其係媽咪，凡親Emer嚟我哋屋企食飯，媽咪都會驚佢唔啱胃口而煮好多扒，亦特登為佢準備刀叉。Emer亦為冲同媽咪溝通好啲而學廣東話。」

凡事平常心睇得開

轉眼間，安馬遜已在港落班超過九個年頭，試過季中遭提前解約，亦嘗過當選年度最佳足球明星、入選港聯的滋味。「佢有度好，就係遇到乜都會平常心咁面對。佢覺得只要盡冲力、幫到隊友同隊波，有貢獻就足夠喇！凡事睇得開，做人都少啲煩惱，同佢一齊都開心啲啦！」女方認為如此，那麼男方呢？「際遇都係職業足球嘅一部分，點抱怨都無補於事，況且我選擇留港，最主要係因為Winnie。能夠認識到佢，結婚同生BB，就已經係我一生中最大成就！」

相戀九年後，安馬遜和Winnie於○五年四月十六日成婚，兩人愛情結晶品Elano則於上年六月出世。「我真係要多謝愉園畀機會我嚟香港，若果唔係我都唔會有今日嘅『成就』。」上季後掛靴，現於一足球學校當全職教練的安馬遜笑說。

StupidPhilip

成報
E02  |  波經         2007-06-12

艾辛東尼列貝利有望訪港慶回歸         

　香港球迷熱切期待的7.1回歸盃10周年紀念賽今日將會公布國際足協明星隊及拜仁慕尼黑的訪港名單，其中效力車路士的加納國腳艾辛及剛轉投拜仁慕尼黑的意大利國腳東尼及法國國腳列貝利有望在7.1訪港與球迷同樂，而香港足球總會亦順應民意，將會組成中港聯隊挑戰國際足協明星隊，而具體情況及售票安排今日將可揭盅。

　香港足總會長霍震霆早前赴瑞士開會，就7.1回歸盃10周年紀念賽的球星邀請與國際足協交換意見，而有關方面亦表示在歐聯盃決賽 AC米蘭勝利物浦後，國際足協已向30多位心儀的球星發出訪港賀回歸的邀請信，而目前亦陸陸接獲回覆，其中，香港球迷所熟識的車路士中場球星艾辛表示有興趣，而早前成為邀請對象的舒夫真高因手術後未必前來。足總希望國際足協明星隊可以有20人來港助慶。

中港聯隊以港腳為主

　另外，拜仁將會以最強人腳訪港，包括新簽東尼及列貝利兩名去年世界盃國腳。此外，令香港球壇興奮的是回歸盃足球賽終於與香港隊球員拉上關係，因為會長震震霆向中國足協反映後，中國國家隊將不會以回歸盃賽作為亞洲盃決賽周的熱身賽事，並只會派出部分人腳與港隊合組中港聯隊出戰，更會以港隊為主、國腳為副的組合出戰國際足協明星隊。

　本屆回歸盃10周年紀念賽可謂星光熠熠，更會以嘉年華形式進行，賽事於7月1日下午12時30分展開，頭場由香港影視明星對中國影視明星，次場由拜仁慕尼黑對聖保羅，而壓軸戰則由國際足協明星隊對中港聯隊，可謂連場好戲，而票價亦相當優惠，由於賽事4000萬經費由李兆基基金獨家贊助，足總決定「賣大包」，只象徵式收取60元及20元學生及長者票，如此超值，勢必掀起「撲飛」熱潮。

terry1225

倫哥

XXL16

原帖由 2076 於 2007-6-12  11:53 AM 發表

亞倫今年好少出場, 點解? 因為教練都知佢狀態唔得囉
無可否認, 佢以前係香港華人第一中鋒
但係今季身又收唔到 (當然 傾酒吧生意邊少得應酬)
落場又冇貨賣, 掂一掂佢就跌, 拖慢晒隊波
我覺得佢都係時候掛靴啦:icon10 ...

其實真係有d意外, 咁講真和仔踢嗰個位, 要求體能多過中鋒好多, 不過你講得好岩, 和仔雖然到呢個年紀, 落場心態真係好過好多後生仔

阿倫, 香港足球咁耐都係咁架啦, 既然你話如果踢得倒多一兩年, 轉會踢埋嗰一兩年好過啦, 唔好再響度曹個老細啦

ivan

原帖由 XXL16 於 2007-6-12 01:06 PM 發表


其實真係有d意外, 咁講真和仔踢嗰個位, 要求體能多過中鋒好多, 不過你講得好岩, 和仔雖然到呢個年紀, 落場心態真係好過好多後生仔

阿倫, 香港足球咁耐都係咁架啦, 既然你話如果踢得倒多一兩年, 轉會踢埋嗰一兩年 ...

好老實, 以佢既表現, 根本就唔值得留係南華. 佢冇一個運動家的風度. 亦唔識敬業樂業. 佢最識做既就係係傳媒面前講野.
以佢既波, 佢肯俾心機去踢, 肯定可以踢兩兩年. 但佢根本有d不知自愛. 除左話南華放棄佢, 之後要返佢個年打過一年好波, 之後又變返個種愛理不理, 全無鬥心既人

佢離開南華, 對年青球員係好事

Blackburn_Owen

搶閘開操備戰紅軍
南華實施體測質素優化
12/06/2007


要踢好波，就要加倍努力！「少林寺」南華以行動來顯示來季繼續圖強的決心，十位本地球員經過短短兩周的抖暑期，昨晨搶閘展開新球季操練，備戰七月底決戰利物浦，專程「上山」督操的足主羅傑承透露，為提升球隊比賽質素，來季將嚴格執行內部「體能測試」，體測合格先至有得踢！  

15分鐘跑3200米
  

約於十年前，足總曾倣效中國做法，硬性規定球員在季前進行體能測試，當時是十二分鐘跑三千米，另加折返跑，合格球員才獲准註冊，後來甲組會認為練體能作用不大，更影響季前備戰，而內地亦不再實施體測條例，足總遂將體測取消，估唔到隔咁耐，南華將體測「翻新」再用。

羅傑承表示，球隊來季的體測標準，主要是考驗耐力，希望每位落場球員都有超過九十分鐘的氣力，所以球隊的體測與以往亦有輕微修改，就是十五分鐘內跑三千二百米。

南華昨晨操練只得本地球員參與，不算齊人，但兩位「老將」陳志康及楊正光對球會的安排不但沒有反感，還很樂意接受，「牛康」說：「雖然犧牲了抖暑時間，但為提升實力，我不介意加操。」「光仔」亦指出：「我一向唔怕『體測』，以前做到，我相信現在都應付得來。」

至於南華組軍情況，羅傑承表示：「組軍已接近完成階段，待新練、外援等全部確定，日內將一次過公布。」

ivan

原帖由 Blackburn_Owen 於 2007-6-12 01:55 PM 發表
搶閘開操備戰紅軍
南華實施體測質素優化
12/06/2007


要踢好波，就要加倍努力！「少林寺」南華以行動來顯示來季繼續圖強的決心，十位本地球員經過短短兩周的抖暑期，昨晨搶閘展開新球季操練，備戰七月底決戰利物浦，專程「 ...

有呢兩位老將真係南華之福

chungundertaker

原帖由 StupidPhilip 於 2007-6-12  12:14 PM 發表
成報
E02  |  波經         2007-06-12

艾辛東尼列貝利有望訪港慶回歸         

　香港球迷熱切期待的7.1回歸盃10周年紀念賽今日將會公布國際足協明星隊及拜仁慕尼黑的訪港名單，其中效力車路士的加納國腳艾辛及剛 ...

最好就全港腳啦,唉,又撈埋班大陸佬

StupidPhilip

原帖由 chungundertaker 於 2007-6-12  02:55 PM 發表

最好就全港腳啦,唉,又撈埋班大陸佬

最初話剩係大國隊,無香港球員份添

Keith

原帖由 chungundertaker 於 2007-6-12  02:55 PM 發表

最好就全港腳啦,唉,又撈埋班大陸佬

我都唔明, 出佢地做乜, 想贏波?

garyi

原帖由 chungundertaker 於 2007-6-12  02:55 PM 發表

最好就全港腳啦,唉,又撈埋班大陸佬

諗起安琦

Reina Tanaka

原帖由 chungundertaker 於 2007-6-12  02:55 PM 發表

最好就全港腳啦,唉,又撈埋班大陸佬

本來係完全無香港球員份的

小聰聰

原帖由 StupidPhilip 於 2007-6-12  12:14 PM 發表
成報
E02  |  波經         2007-06-12

艾辛東尼列貝利有望訪港慶回歸         

　香港球迷熱切期待的7.1回歸盃10周年紀念賽今日將會公布國際足協明星隊及拜仁慕尼黑的訪港名單，其中效力車路士的加納國腳艾辛及剛 ...

廿雞又抵睇喎

FlyingDonkey

原帖由 Keith 於 2007-6-12  03:24 PM 發表

我都唔明, 出佢地做乜, 想贏波?

國家隊亞洲杯前熱身賽

StupidPhilip

原帖由 FlyingDonkey 於 2007-6-12  04:21 PM 發表

國家隊亞洲杯前熱身賽

宜家好似係同香港另外踢返場算數?

Matthews

以港隊為主、國腳為副......

唉 聽住先啦