老實講,前幾季陰影太大,第一週作客保頓,真係驚驚地.
幸運地,第一個入球出現得早,之後都幾順風順水,成個上半場都壓住保頓o黎打,唔錯.
由於冇睇晒成場波,好多細節講唔到,淨係講下個陣d同個別球員啦.
由於太多傷兵,用人限制好大,我地今場首次打4-3-3,不過唔係平衡4-3-3.排陣用人上,我完全見到big sam 同二流教練差別.
首先,佢唔會硬放3個箭頭打最前線,而前線由左至右分別係米拿,維杜卡,馬田斯.米拿主力打左翼位,維杜卡正中鋒,馬田斯偏右但係都會o係前場中路活動.
史密夫係打中場,遊走中前線之間,後邊有謝利美同畢特做防守.
後防4人除o左尼索比亞打左閘之外,都幾正路,中堅用羅辛度同麥萊,右閘卡爾.
o係整個陣容,big sam 可以話係完全用盡所有球員優點.尤其係米拿同馬田斯.米拿雖然唔擅長左腳,但係佢o係左路用右腳傳中好有威脅,右路馬田斯o既斜插亦都好致命,二人o既活躍分別造成第二,三個入球,第三個入球雖然有幸運成份,但係充分顯示出戰術o既成效.
另外,史密夫o係中場o既兇悍都可以幫助球隊到防守,只係希望佢小心,唔好太過火.
尼索比亞打左閘,助攻冇問題,但係防守位置感真係幾差,解圍意識唔夠高,長遠o黎講唔係好事.
講番輸o個球,角球被反擊,唔係宏觀戰術上o既錯誤,但係下次角球進攻時候(尤其係領先緊),可以小心D配置.
安歷卡好強,卡爾一對一追唔到係正常,唔係卡爾o既錯,都唔係夏柏o既錯.然而,我覺得兩者都可以做好d,去避免呢一個入球.
下場卡爾要招呼艾舒利楊格,有D擔心.
最後,麥萊小朋友又逃過一劫喇,下次呢D波真係搏唔過,輸12碼又打少個就真係大獲.
祝願兩連勝! |
IP卡
狗仔卡
發表於 2007-8-13 13:53:52
提升卡
置頂卡
沉默卡
喧囂卡
變色å¡
顯身å¡
)
