深圳歡樂谷

Blackburn_Owen

尋日去左，襯暑假仲有時間，同埋仲有一定的RMB
比少少官方資料大家睇下先

  歡樂谷，位於深圳華僑城杜鵑山，是華僑城集團繼錦繡中華、中國民俗文化村、世界之窗後興建的國內最新一代大型主題公園，佔地面積32萬平方米。歡樂谷充分運用現代休閒理念和高新娛樂科技手段，滿足人們參與、體驗的時尚旅遊需求，營造清新、驚奇、刺激、有趣的旅遊氛圍，帶給人們充滿陽光氣息和動感魅力的奇妙之旅。

http://www.happyvalley.com.cn/service/ticket.htm

地點: 世界之窗附近
文通: 我用深圳灣口岸過關，轉巴士 90號.($2)..果度冇咩車，所以一定搵到..總站落
門票:$150

果度分５個主題落園..與海洋公園有少少相似，但由於海洋公園的機動遊戲玩到悶，想試下新野

以下內容copy from other

http://mystrongman.mysinablog.co ... mp;articleId=671287

而"深圳歡樂谷"開放時間係由上午 9:00 至晚上 9:00，入場票價每位一百五十元人民幣，場內所有遊戲設施都係任玩，咁當然要排隊啦！而"歡樂谷"裡的"瑪雅水世界"開放時間係下午 1:00 至晚上 9:00，因為今次我哋無諗住玩"瑪雅水世界"，所以都只係玩"歡樂谷"裡的機動遊戲，全程玩咗五個鐘，玩咗五個最正的機動遊戲，刺激驚嚇時間只係享受到十數分鐘，因為太多人玩關係囉！每個遊戲都要排成超過半粒鐘先玩到，但玩完都覺得好值得排咁耐時間玩，當中有兩個機動遊戲仲玩到濕晒身，仲由頭濕到落腳指尾，而家諗番起都好攪笑。



第三個玩的機動遊戲是"雪山飛龍"，是中國第一座懸掛式過山車，亦是"歡樂谷"重點要玩的機動遊戲項目，亦是我認為最驚恐的機動遊戲，因之前係香港的環球嘉年華都玩過兩次，感覺係好驚！好驚！好驚！因為佢的座椅是沒有腳踏板，雙腳係咁腳 fingfing，當係高速360度轉果兩個大回環時，真係連個心都跌埋出嚟，當掟到第二個大回環時，我仲緊張驚到批左嬋嬋一踭添！玩完落番嚟仲連腳仔都軟埋，但玩咗呢之後我俾佢個評語係好放心，因我覺得佢的安全扣扣得好實，唔會好似以前玩開果啲機動遊戲安全扣咁，完全無左搖右擺的感覺，感覺只有刺激，沒有跌出車那種感覺，完全俾到我安全感，下次再去我必定再玩呢個。



第四個玩的機動遊戲是"完美風暴"，是一個將你搖到個人天旋地轉的機動遊戲，最刺激是有幾秒鐘時間將你倒轉，而又好似跌落嚟果刻，但都係果樣嘢令到我最安心，又係個安全扣扣得好實，感覺好安全。比起我係上年韓國玩果個安全感多好多，果次韓國玩果個"雙岩石自旋"，玩完落嚟真係驚到行唔到囉！

第五個玩的機動遊戲是"落日大道"，又係一個類似激流的機動遊戲，初初只係係一條好平靜的水道上漂流，到最後隻船由六七層樓高高處衝落嚟，衝落嚟果刻感覺好正，看見啲水花由三四層樓高照頭淋落嚟，令我回想起十幾年前出海捕魚的日子，遇到大風浪時的大浪從高空冚落來的情景，感覺是又驚又涼快，雖然今次我哋經歷咗頭一次教訓，買咗膠雨衣穿著，但因為啲水係咁高冚落嚟的沖力好大，果件薄過紙的膠雨衣跟本低檔唔到，而且又係好似玩"金礦漂流"一樣，啲遊客又係可以用一元人民幣控制啲高壓水槍，射擊坐在漂流船的遊客，我仲更加當正口面被射咗兩嘢，最終都係又一次由頭濕到落腳指尾。


我玩左哩三個........回味無窮.....如果想玩Ｄ刺激過海洋公園的game...絕對可以一試，但最好唔好起假日去

古都

之後有冇去邪骨?

Blackburn_Owen

原帖由 古都 於 2007-8-27  23:15 發表
之後有冇去邪骨?

你有介紹？

路斯基

我都去過喎上年..
不過勁排隊...

ThShevchenko

may be go this weekend sin.....  

Blackburn_Owen

原帖由 ThShevchenko 於 2007-9-13  11:21 發表
may be go this weekend sin.....  

盡量唔好假日去呀，排到你p

HackerWong

原帖由 Blackburn_Owen 於 2007-9-14  09:00 PM 發表

盡量唔好假日去呀，排到你p