|
|
第七集
o岩o岩爭d入波o既呢個後生仔走左去開角球,呢個時候我都返左後,只有鄭先波o係前面等打突擊,禁區裏面成班
人,但對手其中一個呀叔o係中圈度,正當我地o既集中力都o係禁區o既時候,角球開左出黎,個波係向遠柱禁區外
飛去........
"砰"
好響咁響左一下,個波已經o係網入面,原來頭先角球開去遠柱禁區外,企o係中圈o個個呀叔第一時間衝左上黎,
球不著地窩利,右腳腳面蝕應晒個波,所以個波射得係非常勁,劉健威根本連波皮都掂唔到,咩野反應都黎唔切做就已經失手,不過呢球的確係世界波,救唔到係好正常..........
中圈再開過波,楊家樂放個高波上前,鄭先波用佢o既高速去衝,但入波o個位呀叔已經到,一位年紀有返咁上下o既
呀叔竟然有咁快o既速度,我真係意料不到,可想而知佢後生o個陣o既速度有幾咁驚人,鄭先波勉強護到個波,之後佢將個波回後比左我,我控都唔控就第一時間將個波轉邊,因為對住一班咁有經驗o既呀叔,速度又唔慢,下下死去真係無咩用,唯有博一博,劉志峰上到黎前場接應,再搓比楊家樂,佢又再放直線,我o係對方禁區控到個波,但背住龍門,我彈個波返後,希望做返好似頭先咁,眼看鄭梓傑準備起腳之際,有個呀叔已經快一步截左,呀叔真係呀叔,經驗好,位置好,個呀叔推一步之後放左個波上前,楊家樂一頭頂返落黎先,但又比頭先爭d入波o個個好波之人控住個波,大步一推過左楊家樂,之後劉志峰同鄺浩楠已經圍住佢,但仍然護到個波,一下施丹式o既轉身又過左,之後好冷靜放一個直線,另一個後生仔趕到又單刀,佢"吱"高個波,笠死左出迎o既劉健威,就係咁,好快我地就輸緊兩球,無論點都好,就算輸都要輸得好好睇睇,唔可以丟我老豆o既架...............
"輸兩球唔緊要,比心機盡力踢啦......"
我拍左兩下手,大聲咁講左呢句說話黎鼓勵大家...
之後我縮返後d打中場,前鋒淨係打鄭先波一個,因為預期兩個o係前面等波到,倒不如一個返後少少幫手搶下波同hold下波仲好..........
可惜實力始終係人地高幾皮波,無論點努力去局去搶,優勢始終o係人地度,加上我地太耐無一齊踢,默契方面始終未協調到,同埋佢地好多都因為讀書或者返工,所以好耐都無踢過波,莫講過佢地,我都成個月無踢過波,體能同狀態始終爭d............
一球一球咁輸,不經不覺間我地已經輸左十球波,踢咁耐波,都未輸過咁甘,十球波,雙位數字,估唔到第一次o係度踢波就踢成咁,自己仲係澎馬流浪預備組添,唔通我真係未夠班,經過呢場波之後,我o既信心的確有所動搖,而且我仲諗過不如退隊啦,好驚自己o係澎馬流浪預備組度會比人笑,無形中自己比左自己一份極沉重o既壓力....
-------------------------------------------------------------------------------------------------
呢一晚,我同劉志峰又o係樓下呢個球場度一邊飲野,一邊睇人踢波,一邊吹水.............
"做咩無黎神氣咁呀,仲諗緊今日場波呀?"
"係呀,輸十球喎,我真係接受唔到....!"
"過左去啦,諗黎做咩..."
"唔係呀,我係唔係真係踢得咁差呢,點解會..."
"傻啦,你又諗左去邊呀,輸波係全隊o架,今日又唔係淨係你一個人踢,又唔係淨係你一個人輸十球.."
"唔係淨係今日呀,考南華預備組,再到流浪預備組,次次都衰o既,如果唔係負六,我都入唔到流浪預備組啦..."
"唔好亂諗啦你,做人要有信心至得o架.."
"唉!唔知,但我真係開始懷疑自己o既實力去到邊,可能仲未夠班踢澎馬流浪預備組..."
"你咁講,想退隊呀..?"
"唔知呀,未決定,我需要d時間諗下...."
"我勸你都係諗得清清楚楚,我驚你退左隊之後,到時先黎後悔...."
"得啦,我會o架啦,咁大個人..."
"下個星期日叫埋佢地黎呢度踢返場波..."
"點解又星期日....."
"咁都要就佢地得閒ma,而且....."
"而且咩呀.."
"而且你最驚o個班人個個星期日都會黎呢度o羅..."
"你話伍家峰同呀銘o個班..??"
"梗係,仲有邊班,聽聞佢地新加左個人叫黃永強..."
"佢未上次踢傷我o個個..."
"咁更加應該要報仇啦...."
劉志峰心諗.."希望呢場波可以令佢有返信心啦..."
(待續) |
|
IP卡
狗仔卡
發表於 2004-1-14 20:14:40
提升卡
置頂卡
沉默卡
喧囂卡
變色å¡
顯身å¡
