08/09 香港足球討論區

Reina Tanaka

原帖由 射手shooter 於 2008-10-27  08:04 AM 發表

我倒想睇下佢正式名下的"羅馬"係咩料,外地戰績幾靚 ...

坎培拉馬...= =
放o係李易達...

仲要92分....

尹邦美

原帖由 2076 於 2008-10-27  02:04 AM 發表
入馬場

今天「永不回望」出賽，我到了馬場，入場前，太太問我有沒有機會拉頭馬，我綜合了我今天看報章的預測，和練馬師對我說充滿信心的說話，對太太說：「應該會，你穿得漂亮一點。」

我又約了朋友一起入場．朋友見我平時很投入，今次 ...

尋日爆左8場冷win , 場場無$3xx 都$1xx, 佢果隻唔冷唔熱好似得果$6x想贏算吧...

尹邦美

原帖由 Reina Tanaka 於 2008-10-27  08:40 AM 發表

等等...
邊個話港職聯有升降制....?????

南華主場係大球場....幾十年前已經被公認...
幾年後要拆的話都唔知點算

個power piont早已講明 ~ 必須維持有效升降制度 (要嚴格執行!!)

以佢既報告, 拆左簡單啦佢港島有3個場可簡, 應該去小西灣啦, 斷估唔會簡香港仔掛?!

StupidPhilip

套用一下馬會logic先
永不回望輸即係我地贏

阿sa

原帖由 Eggio 於 2008-10-27  12:08 AM 發表

高能係主席契仔?

咪鬼用佢啦, 低q 能

Reina Tanaka

原帖由 尹邦美 於 2008-10-27  04:05 PM 發表

個power piont早已講明 ~ 必須維持有效升降制度 (要嚴格執行!!)

以佢既報告, 拆左簡單啦佢港島有3個場可簡, 應該去小西灣啦, 斷估唔會簡香港仔掛?! ...

喂喂...
呢個piont無左啦

應該唔會係小西灣
應該都係灣仔/修頓/銅鑼灣...

尹邦美

原帖由 Reina Tanaka 於 2008-10-28  10:54 AM 發表
喂喂...
呢個piont無左啦

應該唔會係小西灣
應該都係灣仔/修頓/銅鑼灣...

港職聯d建議咁初步, 其實一次過出分區制+升降制齊行無乜可能?! (根本軟硬件都唔足, 有人硬將J-league果套搬入黎既話真係size氣 ), 宜家就算話唔玩升降2-3年, 硬sale分區制先又點, 政府會唔會"show"你先?!  你地各區區議會鐘意話玩既咪自己料水玩咯,  所以都話有本身區隊無問題, 其他傳統球隊無區既無3-5年時間都搞唔掂, 重要佢地肯長期料水玩喎, 乙組果d又點最後咪繼續打游擊...    

灣仔同香港仔一樣咁full book , 而且灣仔不嬲都係田徑總會專用既訓練及比賽場地黎.
重有早前有建議過拆左個場用黎改建做會展新翼然後係上面起過一個新運動場添...

修頓? 石地嗎?!

銅鑼灣高士威? (不嬲都用黎訓練港青專用, 唔知宜家重係唔係啦?! 間中都見有學屆比賽甚用黎打欖球)塊地都唔差既除左個同隔離網球場共用既更衣室之外就乜野設施都無 同就近既掃捍埔一樣用黎操練/踢乙丙組賽事就得...

唔用小西灣既話不如望重建南華會啦

StupidPhilip

原帖由 尹邦美 於 2008-10-28  02:03 PM 發表

同就近既掃捍埔一樣用黎操練/踢乙丙組賽事就得...  
唔用小西灣既話不如望重建南華會啦

呢個係國際A級賽事的比賽場地黎架
本身有個計劃諗住整球場之餘,再起埋酒店(球員宿舍),不過比城規會BAN左

[ 本帖最後由 StupidPhilip 於 2008-10-28  05:11 PM 編輯 ]

尹邦美

原帖由 StupidPhilip 於 2008-10-28  05:08 PM 發表
呢個係國際A級賽事的比賽場地黎架
本身有個計劃諗住整球場之餘,再起埋酒店(球員宿舍),不過比城規會BAN左

除左對澳門外, 幾十年前都用黎踢甲組添...
如果真係用黎起酒店唔過5層既話都可以既 , 否則抵ban!!

StupidPhilip

打手

<東方日報>

馮家騟引爆紅黃暴潮
辣手判官吹殘港甲

本港足運發展問題多多，影響最直接、傷害最深是球證問題。剛完成的第八周甲組聯賽，六場賽事竟錄得五紅四十黃，其中康宏晨曦對傑志佔去二紅十一黃，晨曦由贏變輸亦同球證執法有關，辣手判官橫行，足總又未能好好監察，種下惡果嚇怕有心投資者，影響足運發展。

康宏晨曦慘變苦主
上周本地聯賽紅黃牌氾濫，四海對南華錄得一紅十四黃，謝菲聯對淦源是二紅六黃，康宏晨曦對傑志出現二紅十一黃，但許多罰牌都屬不必要，其中負責執法晨曦對傑志的球證馮家騟最富爭議性，該仗雙方踢成一比一時，他判給傑志十二碼，其後連續趕晨曦球員高尼路及羅拔圖出場，晨曦會長兼足總董事周文亮昨已去信足總彈劾馮家騟，要求晨曦的比賽不再由該球證執法。

球證在球場上擁有無上權威，不容挑戰，足總主席梁孔德表示，球證都有錯，其表現好壞由裁判小組監察，遇到有問題判決，裁判小組會翻看錄影帶調查，如發現出錯，會對相關球證進行「內部處分」，例如停止執法一段時間，不過為維護球證尊嚴，判罰不會公布。

余錦基︰本地球證濫發牌
足總董事兼紀律小組召集人余錦基近日身在英國，雖錯過了上周各場本地波過程，但單從「一紅十四黃」、「二紅十一黃」這些結果，他便知道問題所在，他一針見血指出：「本地波紅黃牌氾濫並非今時今日，問題癥結是球證過分盲目依賴紅黃牌執法。」

他表示，紅黃牌只是控制場面的一種手段：「其實出示紅黃牌前，外國許多球證都經常利用『口頭警告』作緩衝，發覺場面不對勁，可召集雙方隊長，甚至叫停賽事，召集雙方教練。」

余錦基認為，要改善本地球證問題，足總可從三方面着手：「首先是球證熟讀球例，溫故知新，第二是進行突發事件訓練，第三是為球證建立自信。動不動就畀紅牌，點掂o架！」


來自差館愛擺官威
補時廿分鐘幾乎開片

球證馮家騟現年四十六歲，據悉其正職是警察，九九年開始成為本地一級球證，是港甲著名的「辣手判官」，球迷封他為「騟神」，曾執法的問題賽事多不勝數，最離譜一次要算四年前流浪對福建一戰「補時廿分鐘」，引為港甲奇聞。

○四年十一月，旺角場進行港甲流浪對福建，八十分鐘前踢成一比一，最後十分鐘馮家騟將福建兩名球員趕出場，第四旁證亮出補時時間為兩分鐘，期間有門將受傷曾作停頓，兩隊亦有換人，但比賽一直進行，結果補時廿分鐘，馮家騟才肯吹雞完場，全場共有二紅八黃，賽後雙方球員發生肢體衝突，幾乎「開大片」。

領教過馮家騟執法的球圈人士指出，這位球證執法尺度時鬆時緊，不過即使判錯，也不容許球員投訴，這種風格或與他正職是警務人員有關。


現役球證學吓陳譚啦！

香港球證水準每況愈下，波男已經唔係第一次講，亦都鬧到口水乾，不如留番啖氣暖肚好過。

波男睇波幾十年，以往啲本地球證真係有水準好多，而且有唔少星級球證出現咗，佢哋出名並唔係因為靚仔有型，亦唔單係鐵面無私咁簡單，佢哋夠親民，同記者好好傾，唔會好似依家啲球證，擺晒官威，或者受保護。最重要係佢哋有錯會認，唔會刁翹扭擰。

當年幾個星級球證，最堅嘅係「陳譚」同「姿勢黃」。波男最記得喺八十年代一場由「陳譚」主吹嘅南華對俠士，當年「陳譚」犯咗一個勁錯，佢先畀咗8號球員麥格夫黃牌，呢個麥格夫之後再犯規，「陳譚」再畀多張黃牌佢，照計兩黃變一紅而出場，點知「陳譚」冇做到，仲錯到完場。

直至完場後，「陳譚」畀記者問起，佢先至醒覺，話原來麥格夫第一次犯規，自己真係mark低咗「8」號，但因為當日落雨，令筆記甩色，第二次時佢只係睇到「8」字變「6」字，所以搞到錯晒，「陳譚」從此亦多咗個「68新」嘅花名。

「陳譚」肯認衰成典範
不過，「陳譚」當時冇逃避責任，仲大大聲向全世界認衰say sorry，呢啲咪就係叫大將之風囉。「陳譚」到依家都仲咁有江湖地位，一班現役球證係咪真係要反省一下呢？


暴君球證係人都驚咗佢

康宏晨曦對傑志一戰被球證主宰勝負，事後查證，對賽雙方竟得出一個既消極又無奈的結論，就是將球證視為「容易發怒的皇帝」，萬萬不能得罪！

晨曦該仗被罰十二碼，又有高尼路及羅拔圖被逐，以一比二輸波，會長周文亮雖已入信足總要求永不再由當日球證馮家騟執法，當「買佢怕」，但除此之外已不能做甚麼，他說：「球賽贏輸好閒，問題是這位球證執法港甲多年，作風就是胡亂罰紅黃牌，我哋可以點？足總雖有投訴渠道，但往往石沉大海，我甚至認為球證要吹死港甲才安樂。」

周文亮︰惟有買佢怕
他苦笑說：「我惟有當球證係皇帝，以後比賽前都會叫班球員千祈咪激嬲佢，否則必定吃盡苦頭。」

晨曦教練甄力健表示︰「已向足總搜集當中比賽錄影帶，翻看該球十二碼及紅牌的過程，作為投訴球證執法不公的證據。」

傑志是今仗勝方，其致勝關鍵竟然是對球證有所「部署」，門將兼門將訓練員高志超坦言：「球圈有句說話『香港球證係傻嘅』，同球證嘈永遠冇着數，更加唔好激嬲佢，其實問題球證來來去去得幾個，馮家係其中一個，佢執法較嚴，動輒趕球員出場，所以賽前我哋要球員記着一句說話『十一個出去，十一個返嚟』。」


裁判犯錯一樣要罰

球證出現誤判問題，其實足總可以事後補救，撥亂反正，最新發生嘅例子喺意甲，費倫天拿射手基拿甸奴周一凌晨於對巴勒莫嘅時候，利用手臂拍波入網，雖然球證當時判入波，但意大利足總認為基拿甸奴用手係犯規，改判基拿甸奴要停賽兩場，外國足總都可以秋後算帳，點解香港足總唔可以。

即使係球證，若然賽後知道佢犯咗錯，都一樣要補罰，咁先至夠公道。

意足總追罰基拿甸奴
香港球例規定，攞紅牌嘅球員，必須自動停賽一場，之後再等候宣判結果，呢種做法好唔公平，若然領紅牌球員事後證實係球證錯判，球員已經坐咗一場冤枉波監，相當唔抵。

其實球證唔係聖人，有錯大家都會明白，所以每個聯賽嘅足總，都會翻睇有問題嘅判決，並唔係球證話乜就係乜。基拿甸奴今次判決，明顯係球證出現問題，但意大利足總識得將錯誤改正過嚟。

類似情況喺西甲亦經常發生，好多時有球員攞咗紅牌，球會作出上訴，西班牙足總好快手就會處理，通常會喺球隊於跟住場比賽前會有判決，好多問題紅牌都打得甩，呢一點香港足總應好好學習。

尹邦美

原帖由 StupidPhilip 於 2008-10-29  09:15 AM 發表
打手
馮家騟引爆紅黃暴潮
辣手判官吹殘港甲

本港足運發展問題多多，影響最直接、傷害最深是球證問題。剛完成的第八周甲組聯賽，六場賽事竟錄得五紅四十黃，其中康宏晨曦對傑志佔去二紅十一黃，晨曦由贏變輸亦 ...

今朝打開份東方一睇, 用左成半版插佢, 正!!

garyi

from goal3

雙教練

會上有記者問高能有冇牌
高能就發老難叫記者去查

完左會足總拎左一張影印既confirmation letter
內容話高能已擁有歐洲足協A級牌照
編號為UEFA-A(No 471/07)

PS,狄恩就帶左張cert既正本同埋果張教練証出黎,唔係影印本

高能

StupidPhilip

正本呢?

TZZero

原帖由 garyi 於 2008-10-29  17:29 發表
from goal3

雙教練

會上有記者問高能有冇牌
高能就發老難叫記者去查

完左會足總拎左一張影印既confirmation letter
內容話高能已擁有歐洲足協A級牌照
編號為UEFA-A(No 471/07)

PS,狄恩就帶左張cert既正本同埋果 ...

touchwood 做假 ge 會唔會係刑事

TZZero

原帖由 StupidPhilip 於 2008-10-29  09:15 發表
打手



馮家騟引爆紅黃暴潮
辣手判官吹殘港甲

...

傑志是今仗勝方，其致勝關鍵竟然是對球證有所「部署」，門將兼門將訓練員高志超坦言：「球圈有句說話『香港球證係傻嘅』，同球證嘈永遠冇着數，更加唔好激嬲佢，其實問題球證來來去去得幾個，馮家係其中一個，佢執法較嚴，動輒趕球員出場，所以賽前我哋要球員記着一句說話『十一個出去，十一個返嚟』。」

...

佢地會唔會真係用 d 咁 '文雅' ge 字 ar

踢波仲慘過打仗

尹邦美

出左25人名單, 睇足總記召upload上去果兩張集體相, 迪恩笑得幾開心, 高能就黑口黑面...

香港代表隊將於2009年1月21日主場迎戰巴林，然後於年初三，即是1月28日作客也門。

領隊：         梁孔德、貝鈞奇、羅傑承
教練：         高能、狄恩
守門員教練：         朱國權
守門員：        
        何國泉         (南華)
        李瀚灝         (新界地產和富大埔)
        葉鴻輝         (東方)
後衛：        
       潘耀焯         (南華)
        陳偉豪         (南華)
        李志豪         (南華)
        卓卓         (愉園)
        劉全昆         (傑志)
        高尼路         (康宏晨曦)
        利偉倫         (康宏晨曦)
        黃展鴻         (天水圍飛馬)
        張健峰         (天水圍飛馬)
        吳偉超         (上海申花)
中場：
        李海強         (南華)
        歐陽耀沖         (南華)
        梁振邦         (愉園)
        林嘉緯         (傑志)
        高文         (傑志)
        盧均宜         (傑志)
        羅志焜         (康宏晨曦)
        徐德帥         (公民)
前鋒：        
        陳肇麒         (南華)
        巢鵬飛         (愉園)
        鄭少偉         (天水圍飛馬)
        李威廉         (新界地產和富大埔)

StupidPhilip

轉自足版

當時係咁的

記者問:主席之前又話高能係主教練,狄恩係副手既,係咪有咩原因呢
主席話:唔係,最初冇話過狄恩係助教
記者話:唔係喎主席,最初我地收到既消息係話狄恩係助教架喎
主席:冇冇冇,冇咁既事

全場記者呆晒,冇野好講

Eggio

原帖由 StupidPhilip 於 2008-10-29  10:32 PM 發表
轉自足版

當時係咁的

記者問:主席之前又話高能係主教練,狄恩係副手既,係咪有咩原因呢
主席話:唔係,最初冇話過狄恩係助教
記者話:唔係喎主席,最初我地收到既消息係話狄恩係助教架喎
主席:冇冇冇,冇咁既 ...

主席

歐石南

究竟高能有無牌架

StupidPhilip

原帖由 歐石南 於 2008-10-29  11:23 PM 發表
究竟高能有無牌架

個牌應該係有的
不過拎牌的過程就